ᐊᐸᔅᑕᓚᒡ 4:7 - Chishemanituu Utayimuwin: Kaa Uskaach Testament

⁷ Chii peshuwaakanuuyuu maak aniyuu apastalh chechii uhchishkuukaapuushtaakutwaau ekw kaa itaatwaau, “Taanite wehchii ihtuutamekw uu. Taanite kaa uhchi ayaayekw suuhkaatisiiwin chechii ihtiyekw uu kaye awen kaa itashumitaakw uu chechii ihtiyekw.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁷ ᒌ ᐯᔓᐙᑲᓅᔫ ᒫᒃ ᐊᓂᔫ ᐊᐸᔅᑕᓪᐦ ᒉᒌ ᐅᐦᒋᔥᑰᑳᐴᔥᑖᑯᑣᐤ ᐁᒄ ᑳ ᐃᑖᑣᐤ, ᑖᓂᑌ ᐌᐦᒌ ᐃᐦᑑᑕᒣᒄ ᐆ᙮ ᑖᓂᑌ ᑳ ᐅᐦᒋ ᐊᔮᔦᒄ ᓲᐦᑳᑎᓰᐎᓐ ᒉᒌ ᐃᐦᑎᔦᒄ ᐆ ᑲᔦ ᐊᐌᓐ ᑳ ᐃᑕᔓᒥᑖᒄ ᐆ ᒉᒌ ᐃᐦᑎᔦᒄ᙮

ᐊᐸᔅᑕᓚᒡ 4:7 Iomraidhean Croise

Matthew 21:23

Iskutak maak Jesus kaa piihchet aniyuu Jewa chisheayimiheukamikuyuu, mekwaach maak e Chiskutamaachet, aniyuuh kaa niikaanapiyich ayimiheuchimaauh ekw maak aniyuu iinuu kaa niikaanishkuwaayich chii itikuu, “Awen kaa miisk chechii ihtuutaman uu. Awen kaa itashumisk uyuu chechii ihtuutamut.”

Mark 11:28

ekw kaa itikut, “Taan e ihtiyin uu. Awen kaa itashumisk chechii ihtuutaman uyuuh chekwaayuuh.”

John 2:18

Ekw aniyuuh kaa niikaanishkuwaayitwaauh Jewa iinuuh kaa pechi nituwaapamikut, kaa itikut, “Awen kaa itashumisk an kaa ihtuutaman, chekw maamishkaach ihtuwin chechii waapahtiyaahch taapwe Chishemanituu e chii itashumisk chechii ihtuutaman an kaa ihtuutaman.”

John 8:3

Anichii maak wiishuwewiniyuu kaa chiskutamaachetwaau ekw maak anichii Phariseech chii peshuweuch iskweu e chii wiich pisikwaatisiimaayich naapeuh. Ekut anit e mihchetinaanuyich kaa peshuwaatwaau aniyuu iskweu.

John 8:9

Iskutak kaa pehtawaatwaau uyuu e itweyich, paahpeyakw chii ati chistuhteuch, niishtam anichii kaa chisheinuutwaau. Chek mikw wiya Jesus chii ihtaau anit ekw maak aniyuuh iskweu.

ᐊᐸᔅᑕᓚᒡ 4:10

Misiwe chipaa chischeyihtenaawaau kaye misiwe Israel iinuuch chipaa chischeyihtamuch Jesus utishinihkaasuwiniyuu e chii miinuwaachihiikut uu naapeu. Eukw uu Jesus Christ Nazareth kaa uhchiit, an kaa chiistaaskuhwekw aashiteyaahtikuhch kaye aniyuu Chishemanituu miin kaau kaa wanishkaanaat nipuwinihch uhchi.

ᐊᐸᔅᑕᓚᒡ 4:6

Kaa nachishkawaatwaau aniyuuh chisheayimiheuchimaau Annas kaa ishinihkaasuyich ekw maak aniyuuh uwaahkumaakaniyuuh. Ekut kaa ihtaayich kaye Caiaphas, John, ekw maak Alexander.

ᐊᐸᔅᑕᓚᒡ 4:8

Peter maak e saakaschineshkaakut Kaa payehchisiyich Ahchaahkwa, chii nishkweushiheu e itaat, “Chiyawaau kaa niikaanishkawekuch iinuuch, kaye kaa chisheinuuyekw,

ᐊᐸᔅᑕᓚᒡ 5:40

Anichii maak naapeuch kaa nishtuwiitwaau chii pishichiheuch aniyuu Gamaliel uyuu kaa itweyich. Ekw kaa wiishaamaatwaau aniyuu apastalh, ekw kaa itwetwaau chechii papasistehwaakanuyich, kaye chii itashumeuch ekaa miin wiiskaat chechii waawiihtahkwaau Jesus utishinihkaasuwiniyuu, ekw kaa pachishtinaatwaau.