ᐊᐸᔅᑕᓚᒡ 3:6 - Chishemanituu Utayimuwin: Kaa Uskaach Testament

⁶ Ekw Peter kaa itaat, “Namui mitun nitayaan shuuliyaau chechii miitaan, mikw maak chika wiichihiitin chechii miinuwaatisiyin. Utishinihkaasuwinihch uhchi Jesus Christ Nazareth kaa uhchiit, pisikuuh che pimuhteyin.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐁᒄ ᐲᑕᕐ ᑳ ᐃᑖᑦ, ᓇᒧᐃ ᒥᑐᓐ ᓂᑕᔮᓐ ᔔᓕᔮᐤ ᒉᒌ ᒦᑖᓐ, ᒥᒄ ᒫᒃ ᒋᑲ ᐐᒋᐦᐄᑎᓐ ᒉᒌ ᒦᓄᐙᑎᓯᔨᓐ᙮ ᐅᑎᔑᓂᐦᑳᓱᐎᓂᐦᒡ ᐅᐦᒋ ᒌᓴᔅ ᙭ ᓈᓴᕆᑦ ᑳ ᐅᐦᒌᑦ, ᐱᓯᑰᐦ ᒉ ᐱᒧᐦᑌᔨᓐ᙮

ᐊᐸᔅᑕᓚᒡ 3:6 Iomraidhean Croise

Matthew 10:9

Ekaawii kaye waawaach niimishuuliyaawekw.

Matthew 7:22

“Iskutak utihchipayihche wiyaaskunicheu chiishikaau mihchetu awenichii nika itikuch aniyuu e chiishikaayich, ‘Utipeyihchikeu, Utipeyihchikeu, chitishinihkaasuwin nichii aapachihtaanaan e chischiwehiicheyaahch, chitishinihkaasuwin kaye nichii aapachihtaanaan mihchetu machiahchaahkuch aweyuu e chii piihchishkuwaatwaau chechii wiiwiitishihuuchishtwaau, kaye chitishinihkaasuwinihch uhchi maamishkaach chekwaayuuh nichii ihtuutenaan.’

Mark 14:8

Uu iskweu chii ihtuutam wiya taan kaa wii ihtit. Niyaakan chii tuuminam niyuuyuu e ayeskuwiihkahk che chiskashtaakanuyich.

Mark 16:17

Kaa taapwehtahkwaauh kata miyaakanuuch suuhkaatisiiwiniyuu chechii ihtuutahkwaau nanaahkuu maamishkaach waapahtiiwewinh. Machiahchaahkwa kata wiiwiitishihweuch nitishinihkaasuwiniyuu e aapachihtaatwaau kaye nanaahkuu ayimuwinh kata ishi ayimuuch.

John 19:19

Ekw Pilate kaa masinahahk masinahiikaniyuu chechii chikamuhtaakanuyich anit ishpimihch Jesus utaashiteyaahtikumiihch e itashteyich, “Jesus Nazareth kaa uhchiit eukw uyuu Jewa iinuuch uchisheuchimaamuwaau.”

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

ᐊᐸᔅᑕᓚᒡ 16:18

Ekun kaa ihtit eshikum chiishikaau, chek Paul kaa saskachimikut, ekw kaa kweschikaapuushtawaat, kaa itaat aniyuu machiahchaahkwa, “Jesus Christ utishinihkaasuwinich uhchi maachiih wiiwiih anite e ihtaat, chii itweu.” Ekw an ahchaahkw tiiwehch kaa wiiwiit anit aniyuu ishkwesha e ihtaayich uhchi.

ᐊᐸᔅᑕᓚᒡ 2:22

Kaa ati itwet miin Peter, “Chiyawaau Israelihch kaa uhchiyekw Nituhtuukw taan che ishi aayimuumak Jesus Nazareth kaa uhchiit. Mitun chii nuukuniyuu taapwe Chishemanituuh e chii pechi itishahukut aniyuu e chii maamishkaach ihtit kaye e chii maamishkaach waapahtiiwet nanaahkuu chekwaayuu kaye maak e chii waapahtiiwet chischinawaach waapahtiiwewinh. Chiyawaau chichischeyihtenaawaau uu wesh ekut utah mekwesiinuu e ihtaayekw kaa ihtuutahk uyuuh chekwaayuuh Chishemanituuh e chii miikut kaschihuwiniyuu.

ᐊᐸᔅᑕᓚᒡ 2:36

Kaa ati itwet miin Peter, “Misiwe chiyawaau iinuuch utah Israelihch chika cheshtinaahunaawaau uu Jesus kaa chiistaaskuhwekw aashiteyaahtikuhch eukw uyuu Chishemanituu kaa wiyaapamaat chechii utipeyihchichewiyich kaye Christ chechii itapiyich.”

ᐊᐸᔅᑕᓚᒡ 3:16

Aniyuu e suuhcheyihtaakuniyich Jesus utishinihkaasuwin eukw uyuu wehchi miinuwaatisiit uu naapeu. Chichii chischeyimaawaau kaye chichii waapamaawaau taan kaa ishinaakusit. Chichii waapamaawaau maak anit uhchishkuu e ihtaayekw kaa minuwaachihaakanuut aniyuu e taapweyimaat Jesus uhchi.”

ᐊᐸᔅᑕᓚᒡ 3:5

Ekw kaa kanawaapamikutwaau aniyuu naapeuh, e pukuseyimikutwaau chekwaayuu chechii miyaatwaau.

ᐊᐸᔅᑕᓚᒡ 3:7

Ekw Peter kaa utinamuwaat aniyuu unihiiwinitihchiyuu kaa wiichihaat e pisikuyich. Tiiwehch maak an naapeu, usit ekw maak uhkun chii uhchi saapiimikaniyuuh.

ᐊᐸᔅᑕᓚᒡ 4:10

Misiwe chipaa chischeyihtenaawaau kaye misiwe Israel iinuuch chipaa chischeyihtamuch Jesus utishinihkaasuwiniyuu e chii miinuwaachihiikut uu naapeu. Eukw uu Jesus Christ Nazareth kaa uhchiit, an kaa chiistaaskuhwekw aashiteyaahtikuhch kaye aniyuu Chishemanituu miin kaau kaa wanishkaanaat nipuwinihch uhchi.

ᐊᐸᔅᑕᓚᒡ 4:7

Chii peshuwaakanuuyuu maak aniyuu apastalh chechii uhchishkuukaapuushtaakutwaau ekw kaa itaatwaau, “Taanite wehchii ihtuutamekw uu. Taanite kaa uhchi ayaayekw suuhkaatisiiwin chechii ihtiyekw uu kaye awen kaa itashumitaakw uu chechii ihtiyekw.”

ᐊᐸᔅᑕᓚᒡ 9:34

Ekw Peter kaa itaat, “Aeneas, Jesus Christ chimiinuwaachihiikw, wanishkaa, che utinaman chitashpishimun.” Tiiwehch maak chii wanishkaau Aeneas.

1 Corinthians 4:11

Waawaach kaye mekwaach anuhchiish niyaanikutehch nisiiweyinaan. Niyaanikutehch nipaakutaahtenaan. Niyaanikutehch namui mitun chii ishinaakun nichekwaaniminaanh. Naashch niwii ihtuutaakunaan kaye maanh. Kaye namui ihtakun taanite chechii wiichiyaahch.

2 Corinthians 6:10

Ihtakun e ishi misimeyihtamaahch. Yaapach maak nimiywaatenaan. Namui niweyuutisiinaan. Yaapach maak nitihtutawaanaanich awenichii chechii ayaatwaau chihchiwe weyuutisiiwiniyuu. Aat ekaa chekwaan tipiyeusiyaahch, yaapach misiwe chekwaan e tipiyeusiyaahch nitishinaakusinaan.

2 Corinthians 8:12

Nuukuhche naashch e aasihcheyihtamekw chechii pachishtinicheyekw eukw uyuu che naheyihtamihiikut Chishemanituu. Taapaa aniyuu ekaa e ayaawat kata uhchi kanawaapahtam. Aniyuu taan e ishi ayaawat eukw aniyuu che kanawaapahtahk.

2 Corinthians 8:9

Chichischeyimaawaau taan kaa ishi miyutuutamaachet Chitipeyihchikeminuu Jesus Christ. Chii weyuutisiyuu yaapach maak chii ihtuutaasuu chechii chistimaatisiit chiyaanuu uhchi. Chii nakatam wiya misiwe uweyuutisiiwin.

James 2:5

Yaakwaau nituhtamukw niichishaanitikw. Namui aa aniyuu kaa chistimaatisiyich utah aschiihch kaa ihtaayich uhchi wiyeyimeu Chishemanituu mistahii chechii ayaayich taapwehtamuwiniyuu kaye chechii ayaayich chisheuchimaawiniyuu aniyuu kaa itwet cheshtinaash che miyaat aniyuu kaa saachihiikut.

1 Peter 4:10

Misiwe paahpeyakw awen ihtakuniyuu taan e ishi miikut Chishemanituu kaschihuwiniyuu. Eukw maak uyuu kaschihuwiniyuu chipaa aapachihtaau e waawiichihaat kutak aweyuuh, e aashuu miyaat aweyuuh Chishemanituuh ushaweyihchichewiniyuu.