ᐊᐸᔅᑕᓚᒡ 3:4 - Chishemanituu Utayimuwin: Kaa Uskaach Testament

⁴ Kuiskw maak chii kanawaapameuch aniyuu naapeu, ekw Peter kaa itaat, “Pechi kanawaapaminaan maa.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᑯᐃᔅᒄ ᒫᒃ ᒌ ᑲᓇᐙᐸᒣᐅᒡ ᐊᓂᔫ ᓈᐯᐤ, ᐁᒄ ᐲᑕᕐ ᑳ ᐃᑖᑦ, ᐯᒋ ᑲᓇᐙᐸᒥᓈᓐ ᒫ᙮

ᐊᐸᔅᑕᓚᒡ 3:4 Iomraidhean Croise

Luke 4:20

Ekw Jesus kaa ati chipahahk aniyuu masinahiikaniyuu, kaa miyaat aniyuu peyakw naapeu anit Jewa ayimiheukamikuhch kaa chii wiichihiiweyich. Kaa ati nituu waweyapit. Misiwe maak anichii iinuuch anit ayimiheukamikuhch kaa ihtaatwaau naashch chii kanawaapameuch aniyuu Jesus.

John 11:40

Ekw Jesus kaa itaat aniyuu Martha, “Namui aa shaash chuuhchii wiihtamaatin, taapwehtamane che waapahtamuwat Chishemanituu uchisteyihtaakusuwin.”

John 5:6

Iskutak Jesus wiyaapamaat aniyuu naapeu anit e pimishiniyich, chii chischeyimeu shaash weskach e chii aahkusiyich, ekw kaa kakwechimaat e itaat, “Chiwii miinuwaachihiikusiin aa.”

ᐊᐸᔅᑕᓚᒡ 10:4

Chii mistakanuwaapameu maak aniyuu enchil e sechisit ekw kaa itaat, “Chekwaan, Utipeyihchikeu.” Ekw kaa itikut aniyuu enchil, “Chishemanituu chii naheyihtamihiikuu taan kaa ishi ayimihaayin, kaye taan kaa ishi miyu wiichihiitwaau kutakach awenichii, namui maak chika uhchi wanchischisiitutaakw.

ᐊᐸᔅᑕᓚᒡ 11:6

Iskutak maak peshuch kaa piihteyaapahtamaan nichii waapamaauch nanaahkuu e ishinaakusitwaau awesiisach kaye manichuushach kaye piyeshiishach e ihtaatwaau anit.

ᐊᐸᔅᑕᓚᒡ 3:1

Peyakwaau Peter ekw maak John chii ituhteuch anite chisheayimiheukamikuhch nishtu e ispayiyich e chiishkwaapihtaachiishikaayich, anit e utihchipayiyich kaa chii ayimihaanuyich.

ᐊᐸᔅᑕᓚᒡ 3:11

An maak naapeu ekaa uhchii nihtaauhtet chii maamaahchikuneu aniyuu Peter ekw maak John, ekw misiwe awenichii kaa ispahtaatwaau anite e niipuyich anite Solomon upwaahchim kaa ishinihkaateyich, misiwe naashch chii kushkuwaapamuuch.

ᐊᐸᔅᑕᓚᒡ 3:12

Iskutak maak Peter wiyaapamaat aniyuuh iinuuh, chii iteu, “Chiyawaau Israelihch kaa uhchiyekw, chekwaan wehchi naashch kushkuwaapamuyekw uu, kaye chekwaan naashch wehch miskaashinuuyaahch. Chititeyihtenaawaau aa niyaan tipiiwe nimaskuusiiwinaahch maak nitayimihewaatisiiwinaahch wehchii pimuhtet uu naapeu.

ᐊᐸᔅᑕᓚᒡ 3:3

Iskutak maak an naapeu wiyaapamaat aniyuu Peter kaye John che ati piihcheyich aniyuu chisheayimiheukamikuyuu chii nituweyihtamuweu shuuliyaayuu.

ᐊᐸᔅᑕᓚᒡ 3:5

Ekw kaa kanawaapamikutwaau aniyuu naapeuh, e pukuseyimikutwaau chekwaayuu chechii miyaatwaau.