ᐊᐸᔅᑕᓚᒡ 3:1 - Chishemanituu Utayimuwin: Kaa Uskaach Testament

¹ Peyakwaau Peter ekw maak John chii ituhteuch anite chisheayimiheukamikuhch nishtu e ispayiyich e chiishkwaapihtaachiishikaayich, anit e utihchipayiyich kaa chii ayimihaanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᐯᔭᒀᐤ ᐲᑕᕐ ᐁᒄ ᒫᒃ ᒞᓐ ᒌ ᐃᑐᐦᑌᐅᒡ ᐊᓂᑌ ᒋᔐᐊᔨᒥᐦᐁᐅᑲᒥᑯᐦᒡ ᓂᔥᑐ ᐁ ᐃᔅᐸᔨᔨᒡ ᐁ ᒌᔥᒀᐱᐦᑖᒌᔑᑳᔨᒡ, ᐊᓂᑦ ᐁ ᐅᑎᐦᒋᐸᔨᔨᒡ ᑳ ᒌ ᐊᔨᒥᐦᐋᓄᔨᒡ᙮

ᐊᐸᔅᑕᓚᒡ 3:1 Iomraidhean Croise

Matthew 17:1

Kutwaashch chiishikaau maak ishpish ekw Jesus kaa ituhtahaat Peter, James ekw maak John anite e ishpatinaayich wachiyuu mikw wiyawaau chechii ihtaatwaau.

Matthew 26:37

Naashch maak chii misimeyihtam Jesus kaye naashch chii kusikuteheu.

Matthew 27:45

Kaa aapihtaachiishikaach maak ekut mitun e kaschitipiskaach kaa ishinaakuhch misiwe e ishpishaach anit an aschii. Nishtu tipahiikan ekun kaa ishinaakuhch.

Luke 1:10

Mekwaach maak anite chisheayimiheukamikuhch e ihtaat Zechariah, wiiwiitamihch anite chii ihtaauch anichii iinuuch e maamuu ayimihaatwaau.

Luke 18:10

“Peyakwaau niishu naapeuch chii piihcheuch chisheayimiheukamikuhch chechii nituu ayimihaatwaau. Pharisee an peyakw. Ekw an kutak kaa maamuushtinahk chisheuchimaau shuuliyaayuu chii itaapatisuu. Uchii uyuu kaa itaapatisitwaau eukunich maauch kaa machaatisiitwaau chii iteyimikuuch aweyuu.

Luke 22:8

Jesus chii chihchitishahweu Peter kaye John e itaat, “Maachiikw nituu ayeskuushtaakw miyaaskaacheu makushaan.”

Luke 24:53

Muush maak chii ihtaauch anite chisheayimiheukamikuhch e maamihchimaatwaau Chishemanituu.

John 21:7

Aniyuuh maak chischinuhamuwaakan Jesus kaa saachihaat, chii iteu aniyuu Peter, “Utipeyihchikeu an.” Iskutak maak Simon Peter piyehtahk Utipeyihchikeu e aawiyich aniyuuh chii pushchishkam utakuhp aniyuu kaa manahk che aapatisit, ekw kaa pakashtawekwaashkuhtit.

ᐊᐸᔅᑕᓚᒡ 10:3

Peyakwaau e chiishkwaapihtaachiishikaayich wiyesh nishtu e ispayiyich, chii waapahtiyaakanuu waapahtiiwewiniyuu, mitun e chii waapamaat Chishemanituu utenchilamiyuu e pechi piihcheyich, e itikut maak, “Cornelius.”

ᐊᐸᔅᑕᓚᒡ 10:30

Ekw Cornelius kaa itaat, “Neu chiishikaau utaahch utah ekun wiyesh chii ishpish chiishikaache e chii ayimihaayaan anite niichihch nishtu e ispayihch e chiishkwaapihtaachiishikaach. Chek sischikuuch naapeu e waashtuweyikwaau uchekwaanim chii uhchi niipuu anit e ihtaayaan.

ᐊᐸᔅᑕᓚᒡ 2:46

Eshikum chiishikaau maak chii nishtawiyuuch anite chisheayimiheukamikuhch kaye chii maamuu miichisuuch wiichiwaawaahch, e miyeyihtahkwaau utehiiwaauch e miitutwaau taan e ishi ayaatwaau.

ᐊᐸᔅᑕᓚᒡ 3:3

Iskutak maak an naapeu wiyaapamaat aniyuu Peter kaye John che ati piihcheyich aniyuu chisheayimiheukamikuyuu chii nituweyihtamuweu shuuliyaayuu.

ᐊᐸᔅᑕᓚᒡ 3:4

Kuiskw maak chii kanawaapameuch aniyuu naapeu, ekw Peter kaa itaat, “Pechi kanawaapaminaan maa.”

ᐊᐸᔅᑕᓚᒡ 4:13

Anichii maak kaa nishtuwiitwaau chii miskaateyihtamuweuch taan kaa ishi ayimiyich kaye aniyuu e ishpish suuhchiteheyich Peter ekw maak John e chischeyimaatwaau ekaa uhchi chiskutamuwaakanuyich. Ekut maak kaa uhchi chischeyihtahkwaau Jesus e chii wiichewaakaniyich.

ᐊᐸᔅᑕᓚᒡ 5:25

Ekw peyakw aweyuu kaa pechi nituwaapamikutwaau e itikutwaau, “Anichii naapeuch kaa maakunekuch, mekwaach chiskutamaacheuch anite chisheayimiheukamikuhch,” chii iteu.

ᐊᐸᔅᑕᓚᒡ 8:14

Iskutak maak anichii apastalach anite Jerusalemihch kaa ihtaatwaau, piyehtahkwaau aniyuu iinuu anite Samaria kaa ihtaayich e taapwehtamiyich Chishemanituu utayimuwiniyuu, chii itishahuweuch Peter ekw maak John anite.

Galatians 2:9

James, Peter ekw maak John, anichii kaa niikaanihaakanuutwaau kaye maauch kaa chisteyimaakanuutwaau chii chischeyihtamuch Chishemanituu e chii miiyich uyuu chechii itaapatisuuch. Ekw maak Barnabas e niishiyaahch kaa utinischeniyamihtwaau uchii e nishtitwaau. E nuukuhtaayaahch peyakunihch e ishikaapuuyaahch. Maau maak kaa ishi niskumuyaahch. Barnabas e niishiyaahch anichii ekaa Jewa kaa itiskaanesitwaau che waawiihtamuwachihtwaau miywaachimuwiniyuu ekw maak wiyawaau aniyuuh Jewa kaa itiskaanesiyich che waawiihtamuwaatwaau.