ᐊᐸᔅᑕᓚᒡ 26:3 - Chishemanituu Utayimuwin: Kaa Uskaach Testament

³ An naashch e miyu chischeyihtaman Jewa ihtuwinh kaye aniyuu chekwaayuuh wehchi machipayitwaau maan Jewa iinuuch ekun wehchi naashch miyeyihtamaan utah e ihtaayin chechii ayimishtamaasuyaan. Chipukuseyimitin maak yaakwaau chechii nituhtawiyin kaye che wii siipiiwesiistawiyin taan che ishi ayimiyaan.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐊᓐ ᓈᔥᒡ ᐁ ᒥᔪ ᒋᔅᒉᔨᐦᑕᒪᓐ ᒎᐗ ᐃᐦᑐᐎᓐᐦ ᑲᔦ ᐊᓂᔫ ᒉᒀᔫᐦ ᐌᐦᒋ ᒪᒋᐸᔨᑣᐤ ᒫᓐ ᒎᐗ ᐄᓅᒡ ᐁᑯᓐ ᐌᐦᒋ ᓈᔥᒡ ᒥᔦᔨᐦᑕᒫᓐ ᐅᑕᐦ ᐁ ᐃᐦᑖᔨᓐ ᒉᒌ ᐊᔨᒥᔥᑕᒫᓱᔮᓐ᙮ ᒋᐳᑯᓭᔨᒥᑎᓐ ᒫᒃ ᔮᒀᐤ ᒉᒌ ᓂᑐᐦᑕᐎᔨᓐ ᑲᔦ ᒉ ᐐ ᓰᐲᐌᓰᔅᑕᐎᔨᓐ ᑖᓐ ᒉ ᐃᔑ ᐊᔨᒥᔮᓐ᙮

ᐊᐸᔅᑕᓚᒡ 26:3 Iomraidhean Croise

ᐊᐸᔅᑕᓚᒡ 21:21

Chii itaachimushtuwaakanuuch maak e chiskutamaamat aniyuu Jewa kaa wiichiyich anite ekaa Jewa kaa itiskaanesiyich e ihtaayich ekaa chechii aapateyihtamihiikuyich Moses uwiishuwewiniyuu, e itatwaau ekaa chechii chischinuwaachishwaatwaau utawaashiimuwaau kaye ekaa chechii aapateyihtahkwaau Jewa ihtuwinh.

ᐊᐸᔅᑕᓚᒡ 24:10

Ekw an chisheuchimaau kaa miyaat aniyuu Paul chechii ayimiyich, ekw Paul kaa itwet, “Chichischeyimitinaan shaash mihchetu pipun wiyaaskunichesuu e chii itapiyin ute itehche uchii Jewa iinuuch e ihtaatwaau. Nimiyeyihten maak e nihiipayihch kuiskw chechii ishi aayimuutamaataan kaye niya uu taan waa ishi wawiyaaskunikuyaan.

ᐊᐸᔅᑕᓚᒡ 24:4

Ekw maak ekaa naashch chechii utamihiitaahch, chichii wii ishi kakwechimitin an kiipaa e ishi miyuhtwaayin chechii nituhtawiyin taan che itweyaan. Namui chineush chika uhchi ayimihiitin.

ᐊᐸᔅᑕᓚᒡ 25:26

Ekw mikw namui nihaau nichischeyihtamuwaan taan che itashtaauch e masinahamaamach Caesar e tipaachimak. Eukw maak uu wehchii peshuuk utah e ihtaayin chii chisheuchimaau Agrippa kaye maak chiyawaau misiwe utah kaa ihtaayekw. Ekw maak iskutak chii miskamuwekwe taan kaa ishi machituutahk, ekw che chischeyihtamuch taan che itashtaauch masinahamaamichen Caesar.

ᐊᐸᔅᑕᓚᒡ 26:2

Kaa itaat aniyuu chisheuchimaau Agrippa, “Chisheuchimaau Agrippa, nishaweyihtaakusin nititeyihten e nihiipayihch utah e ihtaayin chechii ayimishtamaasuyaan misiwe uyuu kaa itwetwaau uchii Jewa iinuuch e chii ihtuuch.

ᐊᐸᔅᑕᓚᒡ 26:26

Chisheuchimaau Agrippa, chika chii aayimuutamaatin uyuu chekwaayuu ekaa kushtaachiyaan wesh chichischeyihten shaash taan kaa ispayit Jesus. Namui chiimuut uhchi ispayuuh uyuuh chekwaayuuh, misiwe awen chischeyihtam taan kaa ispayit Jesus.

ᐊᐸᔅᑕᓚᒡ 26:7

Misiwe maak kaye wiyawaau anichii Jewa iinuuch aniyuuh kaa niishushaapuyich Jacob ukusiyuu e ihtaayich kaa uhchiitwaau eukw uyuu e ashuwaapahtahkwaau. Eukw uyuu e ishi pukuseyimutwaau e ayimihaatwaau Chishemanituu e chiishikaayich kaye e tipiskaayich. Chisheuchimaau Agrippa, eukw maak uyuu e ishi taapwehtamuch wehchi wii wiyaaskunitwaau uchii Jewa iinuuch.

ᐊᐸᔅᑕᓚᒡ 28:17

Nishtu chiishikaau maak ishpish ekw kaa wiishaamaat Paul aniyuu Jewa iinuuh kaa niikaanishkuwaayich. Iskutak maak neshtuwiyich chii itweu, “Niichishaanitikw, nichii maakunikuun anite Jerusalemihch ekw anite Rome iinuuch e ihtaatwaau kaa ishi pachishtinikuyaan chechii ishi maamaahchikunikuyaan. Eukw uu kaa ihtuutaakuyaan aat ekaa uhchi machituutuukwaau chitiiniiminuuch kaye ekaa uhchi wanituutamaan aniyuuh ihtuwinh aanische chiwaahkumaakanuuch kaa miitahkwaau.

ᐊᐸᔅᑕᓚᒡ 6:14

Wesh nichii pehtawaanaan e itwet, uyuuh Jesus, Nazareth kaa uhchiyich che wanaachihtaayich uyuu Jewa ayimiheukamikuyuu, kaye maak che kwestinahk aniyuuh Jewa iinuu ihtuwinh aniyaanaa Moses kaa itashuwekupane che ihtuutaakanuyikwaauh.” Eukw uyuu kaa itaachimutwaau anichii naapeuch.

1 Corinthians 13:2

Kaye maak aat miikuyaan chechii kaschihuyaan e chischiwehiicheyaan, kaye maak aat misiwe chischeyihtamaan niya taan e ishi ekaa chischeyihtahkwaau kutakach awenich, kaye aat miikuyaan misiwe chechii chischeyihtamaan chekwaan ekaa uhchi chischeyihtamihiiwaanuuhch anite utaahch kaye maak aat ayaayaan taapwehtamuwin chechii aahtinamaan wachiih ekaa maak ayaayaan saachihiiwewin yaapach namui mitun chekwaan nipaa uhchi iteyihtaakusin.