ᐊᐸᔅᑕᓚᒡ 22:3 - Chishemanituu Utayimuwin: Kaa Uskaach Testament

³ “Jewa nititiskaanesin. Tarsus kaa ishinihkaatech ihtaawin anite Cilicia aschiihch kaa ihtakuhch ekute kaa pimaatisiyaan. Ekw mikw utah Jerusalemihch kaa nihtaautinikuyaan. Aniyuu maak Gamaliel kaa ishinihkaasut Chishemanituu uwiishuwewiniyuu kaa chii chiskutamaachet ekut an kaye niya yaakwaau kaa ishi chiskutamaakuyaan aniyehkaa chiwaahkumaakanuuch uwiishuwewinawaauh. Kaye niya naashch nichii wii nanihiihtuwaau Chishemanituu mwehch e ihtiyekw kaye chiyawaau utah anuhchiish.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒎᐗ ᓂᑎᑎᔅᑳᓀᓯᓐ᙮ ᑖᕐᓴᔅ ᑳ ᐃᔑᓂᐦᑳᑌᒡ ᐃᐦᑖᐎᓐ ᐊᓂᑌ ᓯᓕᓯᔭ ᐊᔅᒌᐦᒡ ᑳ ᐃᐦᑕᑯᐦᒡ ᐁᑯᑌ ᑳ ᐱᒫᑎᓯᔮᓐ᙮ ᐁᒄ ᒥᒄ ᐅᑕᐦ ᒉᕉᓴᓚᒥᐦᒡ ᑳ ᓂᐦᑖᐅᑎᓂᑯᔮᓐ᙮ ᐊᓂᔫ ᒫᒃ ᑲᒫᓕᔦᓪ ᑳ ᐃᔑᓂᐦᑳᓱᑦ ᒋᔐᒪᓂᑑ ᐅᐐᔓᐌᐎᓂᔫ ᑳ ᒌ ᒋᔅᑯᑕᒫᒉᑦ ᐁᑯᑦ ᐊᓐ ᑲᔦ ᓂᔭ ᔮᒀᐤ ᑳ ᐃᔑ ᒋᔅᑯᑕᒫᑯᔮᓐ ᐊᓂᔦᐦᑳ ᒋᐙᐦᑯᒫᑲᓅᒡ ᐅᐐᔓᐌᐎᓇᐙᐤᐦ᙮ ᑲᔦ ᓂᔭ ᓈᔥᒡ ᓂᒌ ᐐ ᓇᓂᐦᐄᐦᑐᐙᐤ ᒋᔐᒪᓂᑑ ᒬᐦᒡ ᐁ ᐃᐦᑎᔦᒄ ᑲᔦ ᒋᔭᐙᐤ ᐅᑕᐦ ᐊᓄᐦᒌᔥ᙮

ᐊᐸᔅᑕᓚᒡ 22:3 Iomraidhean Croise

Luke 10:39

Martha maak chii ihtaayuuh wiichishaaniskwem, Mary e ishinihkaasuyich. Chii waweyapiyuu maak anite Jesus usitiihch e nituhtawaat e ayimiyich.

Luke 2:46

Nishtu chiishikaau maak kaa ishpish naanituweyimaatwaau ekw kaa miskawaatwaau anite chisheayimiheukamikuhch. Chii wiitapimeyuu kaa chischinuhamaacheyitwaau e nituhtawaat eyuu maak e kakwechimaat chekwaayuuh.

Luke 8:35

Chii takushinuuch maak iinuuch e chii pechi nituu waapahtahkwaau taan kaa ispayiyich. Iskutak wetihtaatwaau Jesus chii waapameuch aniyuu naapeu kaa piihchishkaakuyich machiahchaahkwa e apiyich peshuch anit Jesus usitiihch. Chii waaspisukupane eyuu maak chii chiyaameyihtaakusuu. Chii kushtaatuuch maak wiyaapamaatwaau uyuu naapeu.

ᐊᐸᔅᑕᓚᒡ 11:25

Ekw Barnabas kaa ituhtet anite Tarsus chechii nituu naanituweyimaat Saul.

ᐊᐸᔅᑕᓚᒡ 15:23

Masinahiikaniyuu chii miyaakanuuch che ituhtataatwaau anite Antiochihch anite umaamuuayimihaau e ihtaayich. Chii itashteyuu maak anit, “Niyaan apastalach, kaye niyaan kaa niikaanishkamaahch ayimiheukamikw, chimasinahamaatinaan chiyawaau niichishaanaanich chiyawaau kaa taapwehtamekw ekaa Jewa kaa itiskaanesiyekw, chiyawaau kaa wiichiyekw anite Antiochihch, Syriahch, ekw maak Ciliciahch.

ᐊᐸᔅᑕᓚᒡ 15:41

Ekw anite Syriahch kaye Ciliciahch kaa ituhtet Paul, misiwe maak taanite kaa ati ayimihaat umaamuuayimihaauh misiwe chii wiichiheu chechii suuhchikaapuyich.

ᐊᐸᔅᑕᓚᒡ 21:20

Iskutak maak piyehtawaatwaau uchii taan e itaachimuyich Paul misiwe chii maamihchimeuch Chishemanituu. Chek maak e itaatwaau aniyuu Paul, “Niichishaanaan, chiwaapahten taan e ispihchetitwaau ekw Jewa iinuuch e taapweyimaatwaau Jesus utah Jerusalemihch, mihchetwaau chishemitaahtumitanuu e tashitwaau. Misiwe maak eshkw naashch naanaakatuweyihtamuweuch Moses uwiishuwewiniyuu.

ᐊᐸᔅᑕᓚᒡ 21:39

Ekw Paul kaa itaat, “Namayeu niya. Jewa nititiskaanesin niya wii, Cilicia kaa ishinihkaatech aschii nuuhchiin anite Tarsus kaa ishinihkaatech ihtaawin ekute mesinaasuyaan chihchiwe e uhchiyaan. Chihchiwe ihtaawin ishi kanawaapahtaakanuu Tarsus. Pechi mii maa chechii ayimihiikwaau uchii iinuuch.”

ᐊᐸᔅᑕᓚᒡ 23:34

Ekw an chisheuchimaau kaa ayimihtaat aniyuu masinahiikaniyuu. Kaa chiishi ayimihtaat maak ekw kaa kakwechimaat aniyuu Paul taanite wehchiyich. Iskutak chescheyihtahk anite Cilicia e uhchiyich,

ᐊᐸᔅᑕᓚᒡ 23:6

Iskutak maak neshitaunuwaat Paul taapishkun Sadduceeh ekw maak Pharisee e ihtaayich anit aniyuu e nishtuwiyich kaa maamuupishtamiyich wiyaaskunichewiniyuu, chii iteu e chishewet, “Niichishaanitikw, Pharisee niya, kaye aniyehkaanaanich nitaanischewaahkumaakanich Pharisee chii itapuuch. Eukw uu wehchi wiyaaskunikuyaan uu anuhchiish, e taapwehtamaan kaa nipitwaau kaau che wanishkaatwaau.”

ᐊᐸᔅᑕᓚᒡ 26:5

Muush chii pechi chischeyihtamuch uchii Jewa iinuuch, Pharisee e aawiyaan kaye naashch suuhk e chii iteyihtamuch Pharisee e ihtaauch. Chipaa chii wiihtamuch kaye wii wiihtahkwaau uyuu. Anichii maak Phariseech eukunich anichii maauch yaakwaau e ishi naanaakachihtaatwaau uyuu Jewa wiishuwewiniyuu.

ᐊᐸᔅᑕᓚᒡ 26:9

“Anite utaahch kaye niya kwaast nichii iteyihtamihiikuun chechii wanaachihtaayaan an miywaachimuwin Jesus Nazareth kaa uhchiit kaa aayimuumaakanuut.

ᐊᐸᔅᑕᓚᒡ 5:34

Chii ihtaau peyakw Pharisee, e asitapit anit e apishtaakanuyich wiyaaskunichewiniyuu, Gamaliel e ishinihkaasut. Uu naapeu e chiskutamaachet ayimihewin wiishuwewiniyuu chii itaapatisuu, naashch maak chii chisteyimaakanuu. Chii uhpakaapuu anit aniyuu e nishtuwiinaanuyich, kaa itashuwaataat aniyuu apastalh chechii wiiwiyich pitamaa.

ᐊᐸᔅᑕᓚᒡ 6:9

Chii ihtaauch naapeuch ekaa uhchi naheyimaatwaau Stephen, anichii anite kaa chii ishi naachayimihaatwaau aniyuu Jewa ayimiheukamikuyuu kaa aapihkunaakanuutwaau naapeuch, kaa ishinihkaateyich. Nanaahkuu ihtaawinihch chii uhchiyuuch Cyrene ekw maak Alexandria kaa ishinihkaateyikwaauh. Kutakach maak anite Cilicia ekw maak Asia aschiihch chii uhchiyuuch. Eukun maak uyuuh naapeu kaa machipayikahtaakut Stephen.

ᐊᐸᔅᑕᓚᒡ 9:1

Saul maak wii eshkw ekun kaa ihtit e papaasechihaat aniyuu aweyuuh Utipeyihchikeu Jesus kaa taapweyimaayich e itaat che nipahaakanuyich. Chii nituwaapameu maak chisheayimiheuchimaauh,

ᐊᐸᔅᑕᓚᒡ 9:11

Ekw kaa itikut Utipeyihchikeu, “Pisikuuh, che ituhteyin nete meskanuu kaa kuiskumuhch kaa ishinihkaatech. Ekut anit Judas uwaaskaahiikanimihch che kakwechihcheyimuyin e ihtaakwe naapeu Saul e ishinihkaasut anite Tarsus e uhchiit. Eukuu Saul mekwaach ayimihaau.

ᐊᐸᔅᑕᓚᒡ 9:30

Iskutak maak anichii wiichishaanimaauch piyehtahkwaau uyuu, anite Caesarea kaa ishinihkaateyich ihtaawiniyuu chii ituhtaheuch aniyuu Saul, ekw anite Tarsus kaa ishinihkaateyich ihtaawiniyuu kaa itishahwaatwaau.

Romans 11:1

Miin kutach chekwaan niwii kakwechihcheyimun. Chii wepineu aa Chishemanituu utiiniim. Namui kiipaa uhchi wepineu. Israel iinuu kaye niya. Abraham e ihtaat nichii uhchi aanische pimaatisiin. Benjamin kaa ishinihkaasutwaau upeyakuteusiyuuch ekut wehchiyaan.

2 Corinthians 11:22

Chihchiwe aa iteyimisuuch Jewa kaa itiskaanesitwaau. Kaye niya Jewa nititiskaanesin. Chihchiwe aa iteyimisuuch aniyuu Israel e uhchiitwaau. Kaye niya ekute wehchiyaan. Chihchiwe aa iteyimisuuch mikw Abraham e ihtaayich e chii uhchi aanische pimaatisiitwaau. Niya kaye ekute kaa uhchi aanische pimaatisiyaan.

Galatians 1:14

Uste niya kwaast nichii ihtin chechii miyutuutamaan taan kaa itashumikuyaahch Jewa iinuuch utayimihewinawaau ishpishaat mihchetu niich Jewa iinuuch e wiich ispihtaatisiimakwaau. Kwaast e ishpish chii ihtuutamaan nichii wii nanihiihtamuwaan uchiskutamaachewinawaau aniyehkaanaanich chiwaahkumaakanuuch.

Galatians 1:21

Ekw maak miin anite Syria ekw maak Cilicia kaa ishinihkaatekwaauh aschiih nichii ituhten.