ᐊᐸᔅᑕᓚᒡ 20:3 - Chishemanituu Utayimuwin: Kaa Uskaach Testament

³ Nishtu piisim maak chii ihtaau anit. Iskutak maak ayeskuwiit che isichimet anite Syriahch, aniyuu unuuh Jewa kaa itiskaanesiyich anit kaa ihtaayich chii wii nipahiikuu, ekw kaa wiyeyihtahk kaau anite Macedoniahch che ituhtet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᓂᔥᑐ ᐲᓯᒻ ᒫᒃ ᒌ ᐃᐦᑖᐤ ᐊᓂᑦ᙮ ᐃᔅᑯᑕᒃ ᒫᒃ ᐊᔦᔅᑯᐐᑦ ᒉ ᐃᓯᒋᒣᑦ ᐊᓂᑌ ᓯᕆᔮᐦᒡ, ᐊᓂᔫ ᐅᓅᐦ ᒎᐗ ᑳ ᐃᑎᔅᑳᓀᓯᔨᒡ ᐊᓂᑦ ᑳ ᐃᐦᑖᔨᒡ ᒌ ᐐ ᓂᐸᐦᐄᑰ, ᐁᒄ ᑳ ᐎᔦᔨᐦᑕᐦᒃ ᑳᐤ ᐊᓂᑌ ᒫᓯᑐᓂᔭᐦᒡ ᒉ ᐃᑐᐦᑌᑦ᙮

ᐊᐸᔅᑕᓚᒡ 20:3 Iomraidhean Croise

Matthew 4:24

Chii tipaachimaakanuu maak misiwe anite Syriahch, ekw maak awenichii kaa peshuwaatwaau misiwe aniyuuh kaa aahkusiitwaauh anite kaa ihtaayich, nanaahkuu itaaspinewiniyuu kaa ayaayich, kaye aweyuu machiahchaahkwa kaa piihchishkaakuyich, kaye aniyuuh kaa uchipitikuyich kaye aniyuu ekaa kaa nisitusiyich. Misiwe maak chii miinuwaachiheu Jesus uyuu aweyuu kaa peshuwaakanuyich.

ᐊᐸᔅᑕᓚᒡ 16:12

Ekut anit kaa uhchi pimuhteyaahch anite e ituhteyaahch Philippihch an kaa mishaach ihtaawin anite Macedonia aschiihch kaa ihtakuhch, Rome iinuuch chii tipeyihtamuch aniyuu ihtaawiniyuu. Weipishchiish nichii ihtaanaan anit.

ᐊᐸᔅᑕᓚᒡ 16:9

Aniyuu maak tepiskaayich Paul chii waapahtiyaakanuu waapahtiiwewiniyuu. Chii ishinam e waapamaat naapeu anite Macedonia aschiihch e niipuyich e itikut, “Pechi ituhtekw ute Macedoniahch, che pechi wiichihiiyaahch.”

ᐊᐸᔅᑕᓚᒡ 18:18

Mihchetu chiishikaau chii ihtaau Paul anit Corinth anite wiichishaanimaauh e ihtaayitwaauh. Ekw chek kaa chihchichimetwaau, anite Syria chii isichimeuch, Priscilla ekw maak Aquila chii wiicheukuu. Eshkw maak ekaa uhchi isichimetwaau anite Cenchreaehch, Paul chii kaaschipaatam ustikwaan muyaam Jewa iinuu kaa chii ihtiyich chekwaayuu e chii itaayich Chishemanituu cheshtinaash che ihtuutahk.

ᐊᐸᔅᑕᓚᒡ 19:21

Iskutak maak kaa chiishipayihkwaau uyuu chekwaayuu Paul chii iteyihtam kaau chechii ituhtet anite Macedonia kaye Achaia aschiihch ekw miin anite Jerusalemihch itehche chechii ituhtet. “Iskutak chii ituhteyaane anite Jerusalemihch, ekw Romehch nipaa ituhten” chii iteyihtam.

ᐊᐸᔅᑕᓚᒡ 20:1

Iskutak maak kaa ati chipihtewetaakanuyich taan kaa itewetaakanuyich kaye kaa chiiweyich aniyuu iinuu Paul chii wiishaameu aniyuu aweyuuh kaa taapweyimaayich Jesus. Ekw kaa siihchimaat suuhk che wii yaaichikaapuyich taan e ishi taapwehtamiyich. Iskutak maak kaa waachiyemaat ekw kaa chistuhtet Macedonia kaa ishinihkaateyich aschiiyuu e ituhtet.

ᐊᐸᔅᑕᓚᒡ 20:19

E chii atushkuuk Utipeyihchikeu tipahteyimuwinihch ishi kaye aaskuu e chii ishinaakusiyaan e maatuuyaan. Chichischeyihtenaawaau kaye taan kaa ishi aayimihuyaan maan aniyuu kaa ishpish muush chii wii wiyesh ihtuutuutwaau anichii Jewa iinuuch.

ᐊᐸᔅᑕᓚᒡ 20:2

Aniyuu maak e ati pimuhtet anite aniyuu aschiiyuu Macedonia kaa ishinihkaateyich chii ati waapameu aniyuu aweyuuh kaa taapwehtamiitwaau nanaahkuu ihtaawinihch kaa ati aihtaayich anite itehche. Eukw uyuu miin kaa siihchimaat chechii yaaichikaapuyich aniyuu taan e ishi taapwehtamiyich kaye e ishi pimaatisiyich. Chek anite Achaia kaa ishinihkaateyich aschiiyuu kaa ati aihtaat.

ᐊᐸᔅᑕᓚᒡ 21:3

Iskutak maak wiyaapahtamaahch an ministikw Cyprus kaa ishinihkaatech shaawinihch itehche nichii ishi miyaauhenaan ekw kuiskw anite Syria aschiihch ekute kaa itaashtimitisuyaahch. An maak ihtaawin Tyre kaa ishinihkaatech anite Syria aschiihch kaa ihtakuhch ekut kaa naatakahaamaahch ekut kaye kaa akwaanaasunaanuuhch.

ᐊᐸᔅᑕᓚᒡ 25:3

Chii siihchimeuch Festus chechii niskumuyich chechii pechi ituhtahaakanuyich Paul anit Jerusalemihch. Wesh chiimuut chii wiyeyihtamuwaakupanenich chechii askamuwaatwaau Paul e wii nipahaatwaau anite Jerusalemihch pechi ituhtahaakanuyichen.

2 Corinthians 1:15

Kaa ishpish chii cheshtinaateyihtamihiikuyaan misiwe uu, nichii wiyeyihten chiyawaau niishtam chechii chiiutamitakuch. Ekw maak chipaa nihiipayuu niishwaau chechii wiichihiitakuch.

2 Corinthians 11:26

Mihchetwaau nichii papaamipayin e waawiihtamaan miywaachimuwin. Uu maak kaa ishi papaamipayaan mihchetwaau chii kushtaatikun siipiihch e ihtaayaan. Mihchetwaau chii kushpanaateyihtaakun chimutiskach chechii kusiihkuutwaau. Mihchetwaau nichii aayimihiikuch Jewa kaa itiskaanesitwaau nitiiniimach kaye anichii ekaa Jewa kaa itiskaanesitwaau. Utenaahch nichii wiisacheyihtamihiikuun kaye anite pakwaatiskamikaahch nichii aayimihun. Chihchikamiihch kaye nichii aayimihun. Kaye maak anichii niichishaanich kaa iteyimakwaau ekaa maak taapwe kaa wiichishaanawaapaane nichii aayimihiikuch.

2 Corinthians 7:5

Wiyene utah, anite an Macedonia kaa ishinihkaatech aschii niishtam kaa ihtaayaahch namui mechim nuuhchii aasteyeskusinaan. Naashch taapwe nanaahkuu chiishi waustaapayuu. Chii ihtaauch anichii e machipayihkahtuuyimihtwaauh. Nichii wii sechisinaan maak.

Galatians 1:21

Ekw maak miin anite Syria ekw maak Cilicia kaa ishinihkaatekwaauh aschiih nichii ituhten.