ᐊᐸᔅᑕᓚᒡ 2:4 - Chishemanituu Utayimuwin: Kaa Uskaach Testament

⁴ Misiwe maak e tashitwaau chii saakaschineshkaakuuch Kaa payehchisiyich Ahchaahkwa. Chii uhchi kweschayimuuch maak kutak ayimuwinh e ishi miikutwaau Ahchaahkwa chechii ishi ayimitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᒥᓯᐌ ᒫᒃ ᐁ ᑕᔑᑣᐤ ᒌ ᓵᑲᔅᒋᓀᔥᑳᑰᒡ ᑳ ᐸᔦᐦᒋᓯᔨᒡ ᐊᐦᒑᐦᑾ᙮ ᒌ ᐅᐦᒋ ᑴᔅᒐᔨᒨᒡ ᒫᒃ ᑯᑕᒃ ᐊᔨᒧᐎᓐᐦ ᐁ ᐃᔑ ᒦᑯᑣᐤ ᐊᐦᒑᐦᑾ ᒉᒌ ᐃᔑ ᐊᔨᒥᑣᐤ᙮

ᐊᐸᔅᑕᓚᒡ 2:4 Iomraidhean Croise

Matthew 10:19

Iskutak maak piihtakahiikuyekwe anite, ekaawii aayimeyihtamukw taan nihaau che itweyekw, wesh iskutak utihchipayihche an che ihtuutaakuyekw chika miikunaawaau taan che ishi ayimiyekw.

Mark 16:17

Kaa taapwehtahkwaauh kata miyaakanuuch suuhkaatisiiwiniyuu chechii ihtuutahkwaau nanaahkuu maamishkaach waapahtiiwewinh. Machiahchaahkwa kata wiiwiitishihweuch nitishinihkaasuwiniyuu e aapachihtaatwaau kaye nanaahkuu ayimuwinh kata ishi ayimuuch.

Luke 1:15

Utipeyihchikeu chii wiyaapamikuu an awaash wesh chisteyihtaakuniyuu taan waa itaapachihiikut. Namui nihtaa kata uhchi minihkweu shuuminaapuuyuu kaye ishkutewaapuuyuu. Wesh Kaa payehchisiyich Ahchaahkwa tekash chika pimipayihiikuu aat eshkw mekwaach ukaawii kanuweyimikute uspayaayihch.

Luke 1:41

Iskutak maak Elizabeth kaa waachiyemikut Mary chii muushiheu e uhchi yaayaahchiyich utawaashiim. Ekw Elizabeth kaa saakaschineshkaakut Kaa payehchisiyich Ahchaahkwa.

Luke 1:67

Zechariah maak chii saakaschineshkaakuu Kaa payehchisiyich Ahchaahkwa. Eukw maak uyuu Chishemanituu kaa miikut chechii itwet,

Luke 12:12

Wesh Kaa payehchisiit Ahchaahkw chika chiskutamaakw taan nihaau chipaa itwen an mekwaach ishi nachishkamane.”

Luke 21:15

Wesh chika wiihtamaatinaawaau taan che itweyekw kaye kachehtaaweyihtamuwin chika miitinaawaau chechii kachehtaaweyihtamuuhtaakusiyekw ayimiyekwe, ekw maak anichii kaa uhkaatitaakuch namui chika chii aanuwehtamuch che itwewekw.

Luke 4:1

Anite maak Jesus kaa uhtuhtet Jordan siipiihch, chii saakaschineshkaakuu Kaa payehchisiyich Ahchaahkw, ekw kaa ituhtahiikut anite pakwaatiskamikaahch.

John 14:26

Aniyuu Kaa payehchisiyich Ahchaahkwa Nuuhtaawii che pechi itishahamaataakw nitishinihkaasuwinihch uhchi ekun an misiwe chekwaayuu che chiskutamaataakw kaye chika chischisuumikuwaau misiwe chekwaayuu kaa ishi wiihtamaatakuch.”

John 20:22

Ekw anite e ihtaayich kaa ishi ayehet kaa itaat, “Utinaahkw Kaa payehchisit Ahchaahkw.

ᐊᐸᔅᑕᓚᒡ 1:5

Wesh John chii siikahaahtaacheu nipiiyuu chii aapachihtaau. Ekw maak shaash wiipach chika siikahaahtaakunaawaau Kaa payehchisiyich Ahchaahkw.”

ᐊᐸᔅᑕᓚᒡ 1:8

Chika saakaschineshkaakunaawaau suuhkaatisiiwin, iskutak Kaa payehchisiit Ahchaahkw chii utihtikuyekwe. Ekw maak che papaamaachimiyekw anite Jerusalemihch, misiwe Judea aschiihch, Samariahch kaye misiwe e ispichiskamikaach aschii.”

ᐊᐸᔅᑕᓚᒡ 10:46

Chii chischeyihtamuch e chii miyaakanuyich kaa payehchisiyich ahchaahkwa, wesh chii pehtaweuch e kweschayimiyich kaye e maamihchimaayich Chishemanituu. Ekw Peter kaa itwet,

ᐊᐸᔅᑕᓚᒡ 10:47

“Uchii iinuuch chii miyaakanuuch Kaa payehchisiyich Ahchaahkwa muyaam kaye chiyaanuu kaa ishi miikuyihkw kaa payehchisiit ahchaahkw. Ekw maak namui awen chipaa uhchi chipihchiheu chechii siikahaahtuwaakanuyich nipiihch.”

ᐊᐸᔅᑕᓚᒡ 11:15

Iskutak maak kaa pehtamaan taan kaa itikuukupane Cornelius aniyuu enchil, ekw kaa chihchi ayimiyaan. Mekwaach maak e ayimiyaan Kaa payehchisiyich Ahchaahkw chii pechi aashiitutaakuuch mwehch chiyaanuu uskach kaa miikuyihkw Kaa payehchisiit Ahchaahkw.

ᐊᐸᔅᑕᓚᒡ 11:24

Wesh uu naapeu Barnabas naashch chii kuiskutaatisiyuu, kaye chii saakaschineshkaakuu Kaa payehchisiyich Ahchaahkwa, kaye chii suuhcheyihtaakuniyuu utaapwehtamuwin. Ekw maak etituu mihchetu iinuuch kaa taapweyimaatwaau Utipeyihchikeu Jesus.

ᐊᐸᔅᑕᓚᒡ 13:52

Anichii maak kaa taapweyimaatwaau Jesus anite Antiochihch kaa ihtaatwaau naashch taapwe chii miyeyihtamuch kaye chii saakaschineshkaakuuch Kaa payehchisiyich Ahchaahkwa.

ᐊᐸᔅᑕᓚᒡ 13:9

Ekw maak Saul, an Paul kaa ishinihkaataakanuut e saakaschineshkaakut Kaa payehchisiyich Ahchaahkwa, chii kanawaapameu aniyuu kaa maamaahtaawaatisiyich naapeu,

ᐊᐸᔅᑕᓚᒡ 15:8

Chishemanituu maak chischeyimeu misiwe aweyuu taan nihaau e iteyihtaakusiyich. Chii nuukuhtaau e nituweyimaat aniyuu ekaa Jewa kaa itiskaanesiitwaauh chechii taapweyimikut muyaam aniyuu Jewa kaa ishi taapwehtamiitwaauh wesh chii miyeu Kaa payehchisiyich Ahchaahkwa muyaam chiyaanuu kaa ishi miitahkw.

ᐊᐸᔅᑕᓚᒡ 19:6

Ekw Paul kaa saaminaat, kaa piihchishkaakutwaau Kaa payehchisiyich Ahchaahkwa, kaye chii kweschayimuuch, kaye maak chii ayimistamuweuch Chishemanituu.

ᐊᐸᔅᑕᓚᒡ 2:11

Chitihtaanaanuu kaye utah taapishkun Jewa ekw maak ekaa Jewa e itiskaanesiihkw e chii wiyeyihtamuhkw chiyaanuu chechii taapwehtamukw taan e ishi taapwehtahkwaau Jewa iinuuch. Pasch kaye anite Crete ekw maak Arabia kuuhchiinaanuu. Yaapach maak misiwe e tashiihkw chipehtawaanuuch chiyaanuu e ishi ayimiihkw e ishi ayimitwaau. Waawiihtamuch taan e ishi maamishkaach ihtiyich Chishemanituu.”

ᐊᐸᔅᑕᓚᒡ 2:3

Ekw kaa uhchi nuukuniyikwaauh ishkuteshiisha e niipuhkuweyikwaau e ishinaakuniyikwaauh e ati maatinuwepayiyikwaau, misiwe paahpeyakw awen e ihtaat chii ihtakuniyuu peyakw uyuu.

ᐊᐸᔅᑕᓚᒡ 4:31

Iskutak maak kaa chiishi ayimihaatwaau, chii aayaahchipayuu aniyuu anit kaa nishtuwiitwaau. Misiwe maak chii saakaschineshkaakuuch Kaa payehchisiyich Ahchaahkwa, ekw maak kaa suuhcheyimutwaau kaye namui uhchi kushtaachuuch e waawiihtahkwaau Chishemanituu utayimuwiniyuu.

ᐊᐸᔅᑕᓚᒡ 4:8

Peter maak e saakaschineshkaakut Kaa payehchisiyich Ahchaahkwa, chii nishkweushiheu e itaat, “Chiyawaau kaa niikaanishkawekuch iinuuch, kaye kaa chisheinuuyekw,

ᐊᐸᔅᑕᓚᒡ 6:3

Chiyawaau niichishaanaanich, wiyaapamaahkuch niishwaashch naapeuch anit e tashiyekw anichii e miywaachimaakanuutwaau aniyuu uhchi e kuiskutaatisiitwaau kaye naashch e kachehtaaweyihtahkwaau kaye maak e saakaschineshkaakutwaau Kaa payehchisiyich Ahchaahkwa. Eukunich uchii che miihkwaau uyuu aapatisuwiniyuu e naanaakatuweyimaatwaau kaa paahpeyakuyich iskweu.

ᐊᐸᔅᑕᓚᒡ 6:5

Misiwe maak chii naheyihtamuch anit e tashitwaau aniyuu kaa itweyich aniyuu apastalh. Ekw kaa wiyaapamaatwaau Stephen. Stephen maak utaapwehtamuwin naashch chii suuhcheyihtaakuniyuu, kaye chii saakaschineshkaakuu Kaa payehchisiyich Ahchaahkwa. Kaye Philip chii wiyaapameuch kaye Prochorus, kaye Nicanor, kaye Timon, kaye Parmenas, ekw maak Nicolaus. Uu Nicolaus anite Antioch chii uhchiyuu wiya, aat maak ekaa Jewa uhchi itiskaanesit yaapach maak chii taapwehtam taan e ishi taapwehtamiyich Jewa iinuuh.

ᐊᐸᔅᑕᓚᒡ 6:8

Stephen maak an awen kaa saachischineshkaakut Chishemanituu ushaweyihchichewiniyuu kaye usuuhkaatisiiwiniyuu chii iteyihtaakusuu, chii ihtuutam maak nanaahkuu maamishkaach chekwaayuuh kaye nanaahkuu chii ishi maamishkaach waapahtiiweu anit iinuu e ihtaayich.

ᐊᐸᔅᑕᓚᒡ 7:55

Mikw maak Stephen e saakaschineshkaakut Kaa payehchisiyich Ahchaahkwa chii tastasaapuu anite kihchikiishikuhch ishi, ekw kaa waapahtamuwaat Chishemanituu uchisteyihtaakusuwiniyuu kaye kaa waapamaat Jesus e niipuyich anite Chishemanituu unihiiwiniihch.

ᐊᐸᔅᑕᓚᒡ 8:17

Ekw maak Peter kaye John kaa saaminaatwaau aniyuu iinuuh, ekw maak kaa ayaawaayich Kaa payehchisiyich Ahchaahkwa.

ᐊᐸᔅᑕᓚᒡ 9:17

Ananias maak chii ituhteu anite, kaa piihchet aniyuu waaskaahiikaniyuu anite kaa itishahwaakanuut. Iskutak maak wiyaapamaat aniyuu Saul, ekw kaa saaminaat e itaat, “Niichishaan Saul, Utipeyihchikeu Jesus nichii pechi itishahuukw, an kaa nachishkaask nete meskaanaahch mekwaach kaa pechi ituhteyin ute. Nichii pechi itishahuukw miin kaau chechii waapahtaman, kaye chechii saakaschineshkaask Kaa payehchisiyich Ahchaahkw.”

Romans 15:13

Chishemanituu, an kaa ihtuutaatahkw chechii ayaayihkw aspeyimuwin eukun an netutamuuk tekash chechii miyeyihtamihiitaakw kaye chechii chiyaameyihtamuwekw e taapweyimekw. Ekw maak Kaa payehchisit Ahchaahkw usuuhcheyihtaakusuwin chechii ihtuutaakuyekw etituu chechii aspeyimitutawekw Chishemanituu.

1 Corinthians 12:10

Kutak aweyuuh suuhkaatisiiwiniyuu miyeu chechii maamishkaach ihtiyich. Miin kutak aweyuuh miyeu che chischiwehiicheyich. Ekw miin kutak maayaat mitun chechii cheshtinaahuyich Chishemanituu Upayehchi Ahchaahkuyuuh e aapatisiikwenh maak machiahchaahkwa e aapatisiikwenh. Ekw miin kutak maayaat chechii kweschayimiyich. Ekw kutak aweyuuh maayaat chechii itweshtamaatamiyich taan kaa itweyich aniyuuh kaa kweschayimiyich.

1 Corinthians 13:1

Aat miikuyaan chechii ishi ayimiyaan e ishi ayimitwaau kutakach awenichii kaye e ishi ayimitwaau enchilich, ekaa maak ayaayaan saachihiiwewin namui wiyesh chipaa uhchi itaapatan an kaa ishi miikuyaan chechii ishi ayimiyaan wesh mwehch mikw e mamatweyaapiskahiikanuuhch piywaapiskw nipaa itihtaakusin.

1 Corinthians 13:8

Namui wiiskaat chika uhchi iskwaapayuu saachihiiwewin. Ihtakun wechiihch e ayimistamuwaakanuut Chishemanituu mikw maak eshkw chika iskwaapayuu uu e ihtinaanuuhch. Kaye chika puunipayuu e kweschayiminaanuuhch. Kaye maak chischeyihtamuwin kata iskwaapayuu.

1 Corinthians 14:18

Ninanaaskumaau Chishemanituu niya etituu mihchetwaau e kweschayimiyaan ishpishaat misiwe chiyawaau e tashiyekw.

1 Corinthians 14:5

Misiwe kiipaa chinitaweyimitinaawaau chechii kweschayimiyekw. Mikw maak uste chinitaweyimitinaawaau chechii chischiwehiicheyekw. Eukw uu uste e iteyihtaakuhch chechii ishi ayimiyekw ishpish wii chechii kweschayimiyekw. Wesh mikw paatish itweshtamuwaataakanuyiche aniyuu e kweschayimit awen ekw yaakw che wiichihiikutwaau misiwe anichii umaamuuayimihaauch.

Ephesians 3:19

Nitutamaan chechii chischeyihtamuwekw usaachihiiwewin, aat e ishinaakuniyich ekaa wiiskaat tekash chechii chischeyihtaakuniyich. Chischeyihtamuwekwe Christ usaachihiiwewin ekw che saakaschineshkaakuwekw Chishemanituu utiteyihtaakusuwin.

Ephesians 5:18

Ekaawii chiishkwepekw e minihkweyekw shuuminaapuu, wesh eukuu che wanaachihiikuyekw. Teyakuch pachishtinaahkw Payehchi Ahchaahkw chechii saakaschineshkaataakw.

Ephesians 6:18

Ahchaahkuwinihch muush ishi ayimihaataau nanaahkuu e ishi ayimihchikeyihkw kaye nanaahkuu e ishi nitutamaayihkw. Uu maak e ishi chischisiihkw ayeskuwiitaau kaye ekaawii puuniitaau e ayimihaayihkw, muush kaye ayimiheshtamuwaataawenich anichii kaa taapwehtahkwaau.

1 Peter 1:12

Chii chischeyihtamihaakanuuch maak aniyehkaanaanich uchischiwehiichesuuch ekaa wiyawaau mekwaach e pimaatisiitwaau che ispayiyich uyuu. Chiyawaau chechii chischeyihtamuwekw eukw wehchii aayimuutahkwaau aniyuuh chekwaayuuh anuhchiish taan e ishi waawiihtamaataakuch anichii kaa waawiihtahkwaau miywaachimuwiniyuu. Kaa payehchisiit Ahchaahkw an kaa pechi itishahwaakanuut kihchikiishikuhch uhchi eukun an kaa miyaat chechii waawiihtamiyich uyuu miywaachimuwiniyuu. Eukw uyuuh chekwaayuu waawaach enchilich wii chischeyihtamuch.

2 Peter 1:21

Wesh taapaa waachi peyakw chischiwehiichewin naapeu utiteyihtamuwinihch uhchi uhchipayuu. Kaa payehchisiyich Ahchaahkwa chii ihtuutaakuuch uchii naapeuch chechii wiihtahkwaau taan kaa ishi nitaweyimikutwaau Chishemanituu chechii ishi wiihtahkwaau.