ᐊᐸᔅᑕᓚᒡ 2:3 - Chishemanituu Utayimuwin: Kaa Uskaach Testament

³ Ekw kaa uhchi nuukuniyikwaauh ishkuteshiisha e niipuhkuweyikwaau e ishinaakuniyikwaauh e ati maatinuwepayiyikwaau, misiwe paahpeyakw awen e ihtaat chii ihtakuniyuu peyakw uyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᒄ ᑳ ᐅᐦᒋ ᓅᑯᓂᔨᒀᐤᐦ ᐃᔥᑯᑌᔒᔕ ᐁ ᓃᐳᐦᑯᐌᔨᒀᐤ ᐁ ᐃᔑᓈᑯᓂᔨᒀᐤᐦ ᐁ ᐊᑎ ᒫᑎᓄᐌᐸᔨᔨᒀᐤ, ᒥᓯᐌ ᐹᐦᐯᔭᒄ ᐊᐌᓐ ᐁ ᐃᐦᑖᑦ ᒌ ᐃᐦᑕᑯᓂᔫ ᐯᔭᒄ ᐅᔫ᙮

ᐊᐸᔅᑕᓚᒡ 2:3 Iomraidhean Croise

Matthew 3:11

Nipiihch chisiikahaahtaatinaawaau niya e nuukuhch e wii kweskaatisiyekw, mikw maak kutak awen chika takushinuu uste e chisteyihtaakusit ishpishaat niya. Namui maak mechim nitepicheyihtaakusin chechii aapihkunamuch umaschisiniyaapii. Wiya maak chika siikahaahtaakuwaau Kaa payehchisiyich Ahchaahkwa, kaye ishkuteyuu.

Matthew 3:15

Ekw Jesus kaa itaat, “Anuhchiish uu ihtuut taan e itashumitaan. Wesh uu ihtuutamuhkwe chika ihtuutamuwaanuu misiwe taan e ishi nituweyihtahk Chishemanituu.” Kiipaa kaa pishichihaat John.

Luke 24:32

Ekw maak kaa ititutwaau, “Taapwe chichii miyeyihtenaanuu chitehiinaahch e ati nisituhtamuhkw taanite kaa itwemakaniikupane Chishemanituu utayimuwin anite kaa aayimuumaakanuut kaye taan kaa ishi wiihtamaakuyihkw mekwaach kaa pimuhteyihkw anite meskanaahch.”

ᐊᐸᔅᑕᓚᒡ 1:15

Peyakwaau maak e nishtuwiitwaau anichii kaa taapwehtahkwaau, Peter chii pisikuu ekw kaa ayimihaat aniyuu kaa pechi nishtuwiitwaauh. Wiyesh mitaahtumitanuu miin niishtunuu chii tashiichen.

ᐊᐸᔅᑕᓚᒡ 2:11

Chitihtaanaanuu kaye utah taapishkun Jewa ekw maak ekaa Jewa e itiskaanesiihkw e chii wiyeyihtamuhkw chiyaanuu chechii taapwehtamukw taan e ishi taapwehtahkwaau Jewa iinuuch. Pasch kaye anite Crete ekw maak Arabia kuuhchiinaanuu. Yaapach maak misiwe e tashiihkw chipehtawaanuuch chiyaanuu e ishi ayimiihkw e ishi ayimitwaau. Waawiihtamuch taan e ishi maamishkaach ihtiyich Chishemanituu.”

ᐊᐸᔅᑕᓚᒡ 2:2

Sischikuuch chii uhchi pehtamuch muyaam e mistayuutiniyich e itihtaakuniyich anite chiishikuhch uhchi. Misiwe e ishpishaayich piihtakamihch aniyuu waaskaahiikaniyuu kaa ihtaatwaau chii pehtaakuniyuu.

ᐊᐸᔅᑕᓚᒡ 2:4

Misiwe maak e tashitwaau chii saakaschineshkaakuuch Kaa payehchisiyich Ahchaahkwa. Chii uhchi kweschayimuuch maak kutak ayimuwinh e ishi miikutwaau Ahchaahkwa chechii ishi ayimitwaau.

1 Corinthians 12:10

Kutak aweyuuh suuhkaatisiiwiniyuu miyeu chechii maamishkaach ihtiyich. Miin kutak aweyuuh miyeu che chischiwehiicheyich. Ekw miin kutak maayaat mitun chechii cheshtinaahuyich Chishemanituu Upayehchi Ahchaahkuyuuh e aapatisiikwenh maak machiahchaahkwa e aapatisiikwenh. Ekw miin kutak maayaat chechii kweschayimiyich. Ekw kutak aweyuuh maayaat chechii itweshtamaatamiyich taan kaa itweyich aniyuuh kaa kweschayimiyich.

James 3:6

Mwehch ishkuteu kaa iteyihtaakuhch ekun e iteyihtaakuhch miteinii. Misiwe taan e ishi ihtakuhch machaatisiiwin utah aschiihch ekut miteiniihch e ihtakuhch, chiiyuunaahch maak ekute e ihtakuhch. Tekash wiinihiiwemakan taan e ishpishaach miiyuu. Uskach pemaatisiit awen tasine ishkuteu ishinaakuniyuu uteinii piihiim nepit, machishkutehch maak ekute wehchi saskahiikanuyich.

Revelation 11:3

Mekwaach maak aniyuuh e chiishikaakwaauh nika itishahwaauch niishu awenich che utaapachihaakaniyaan chechii chischiwehiichetwaau. Kalwaakas machunishiyuu e chichishkahkwaau. Peyakwaau chishemitaahtumitanuu niishwaau mitaahtumitanuu miin kutwaashumitanuu chiishikaauh ekun che ishpish waawiihtahkwaau taan che ishpish miikwaau chechii ishi aayimuutahkwaau. Ekun e tahtihkwaau e chiishikaakwaauh nemitanuu niishu piisimh.

Revelation 14:6

Ekw miin kutak enchil kaa waapamak naashch e ispahahk ishpimihch anite e pimihiyaat, e pechi waawiihtamuwaat aniyuuh aschiihch kaa ihtaayich miyu tipaachimuwiniyuu muush che taapwemakaniyich. Misiwe aweyuuh chika wiihtamuweu, misiwe itiskaanesiyich, misiwe e ishi ayimiyich, nanaahkuu e ishi maamuuteushiyich.