ᐊᐸᔅᑕᓚᒡ 16:2 - Chishemanituu Utayimuwin: Kaa Uskaach Testament

² Timothy maak misiwe chii miywaachimikuu aniyuu wiichishaanimaauh anite Lystrahch kaye anite Iconiumihch kaa ihtaayitwaauh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᑎᒧᑏ ᒫᒃ ᒥᓯᐌ ᒌ ᒥᔻᒋᒥᑰ ᐊᓂᔫ ᐐᒋᔖᓂᒫᐤᐦ ᐊᓂᑌ ᓕᔅᑦᕋᐦᒡ ᑲᔦ ᐊᓂᑌ ᐊᐃᒀᓂᔭᒥᐦᒡ ᑳ ᐃᐦᑖᔨᑣᐤᐦ᙮

ᐊᐸᔅᑕᓚᒡ 16:2 Iomraidhean Croise

2 Timothy 3:15

Wesh chichischisinaache mekwaach e awaashiiwiyin shaash chichii chiskutamaakuun taan kaa ishi masinahiikanuyich Chishemanituu utayimuwinihch. Ekut kaa uhchi ayaayin kachehtaaweyihtamuwin chechii chischeyihtaman e taapweyimaat awen Christ Jesus ekut chechii uhchi pimaachihut.

1 Timothy 5:10

Kaye chipaa ihtakuniyuu taan e ishi miywaachimaakanuut e mamiyuutuutamaachet, muyaam e chii miyu nihtaautinaat awaashah, e chii miyu kanuweyimaat maan maaniteuh, kaye muush e chii mamiyuututawaat kaa taapwehtamiitwaauh kaye muush e chii nanaatamuwaat aniyuuh kaa aayimihuyich ekw maak suuhk muush e chii naanituu miskahk taan che ishi mamiyuutuutamaachet.

Hebrews 11:2

Aniyuu maak kaa ishpish chii taapwehtahkwaau aniyehkaanaanich weskach awenichii eukw uyuu naashch kaa naheyihtamiyich Chishemanituu.

2 Timothy 3:11

Kaye maak chichii waapahten taan kaa ishi nanehkaachihiikuyaan kaye taan kaa ishi waawiisacheyihtamaan. Wesh misiwe chichischeyihten taan kaa ishi ihtuutaakuyaan anite Antioch, Iconiumihch kaye maak anite Lystrahch. Taapwe nuwach chii aahkwaateyihtaakun taan kaa ishi nachishkamaan. Mikw maak Utipeyihchikeu wiya nichii wiihkuchihiikw chechii shaapushkamaan misiwe taan kaa ihtuutaakuyaan.

1 Timothy 3:7

Kaye maak an awen uyuu kaa itaapatisit chipaa miyu tipaatutamiyuu upimaatisiiwin aniyuuh aweyuu ekaa kaa pimaachihuyich. Wesh miyu tipaachimaakanuute namui kata chii ihtuutaakuu machimanituuh chechii nakwaatikut.

ᐊᐸᔅᑕᓚᒡ 16:40

Ekw maak Paul kaye maak Silas anite aniyuu iskweu Lydia e ihtaayich ekute kaa ituhtetwaau. Ekut utah pasch kaa ihtaayich chiichishaanuuh kaa taapwehtamiitwaau, ekw kaa ayimihaatwaau chechii yaaichikaapuyich e taapwehtamiyich. Ekw kaa chistuhtetwaau.

ᐊᐸᔅᑕᓚᒡ 14:21

Paul ekw maak Barnabas chii waawiihtamuch miywaachimuwiniyuu anite Derbe, mihchetu maak aweyuu chii taapweyimeyuu Jesus. Ekw miin kaau anite Lystra kaa ituhtetwaau, miin anite Iconiumihch, ekw miin anite Antiochihch.

ᐊᐸᔅᑕᓚᒡ 13:51

Chii pahpuusiteshimuuch maak Paul ekw maak Barnabas. Eukw uyuu e waapahtiiwetwaau ekaa miin che uhchi piskaataatwaau aniyuu iinuu aniyuu ekaa uhchi wii taapwehtamiitwaau miywaachimuwiniyuu. Ekw anite Iconiumihch kaa ituhtetwaau.

ᐊᐸᔅᑕᓚᒡ 6:3

Chiyawaau niichishaanaanich, wiyaapamaahkuch niishwaashch naapeuch anit e tashiyekw anichii e miywaachimaakanuutwaau aniyuu uhchi e kuiskutaatisiitwaau kaye naashch e kachehtaaweyihtahkwaau kaye maak e saakaschineshkaakutwaau Kaa payehchisiyich Ahchaahkwa. Eukunich uchii che miihkwaau uyuu aapatisuwiniyuu e naanaakatuweyimaatwaau kaa paahpeyakuyich iskweu.

1 Timothy 5:25

Ekun maak mwehch e ishinaakuniyikwaauh kaye awenich umiyuutuutamaachewinawaauh. Miyu nisituunaakuniyuuh kutakach. Anichii maak ekaa kaa miyu nisituunaakuniyikwaau umiyuutuutamaachewinawaauh eshkw paatimaa kata chischeyihtaakuniyuuh.

ᐊᐸᔅᑕᓚᒡ 1:15

Peyakwaau maak e nishtuwiitwaau anichii kaa taapwehtahkwaau, Peter chii pisikuu ekw kaa ayimihaat aniyuu kaa pechi nishtuwiitwaauh. Wiyesh mitaahtumitanuu miin niishtunuu chii tashiichen.

ᐊᐸᔅᑕᓚᒡ 14:1

Iskutak kaa takushihkwaau anite Iconiumihch, Paul ekw maak Barnabas chii piihcheuch anite ayimiheukamikuhch, ekw maak aniyuu kaa ishpish chii suuhchihtaakusitwaau e kacheskwetwaau mihchetu Jewa iinuuh kaye aniyuu ekaa Jewa kaa itiskaanesiitwaauh ekut kaa uhchi taapweyimaayich Jesus.

ᐊᐸᔅᑕᓚᒡ 14:6

Iskutak maak Paul ekw maak Barnabas piyehtahkwaau uyuu, anite Lystra ekw maak Derbe kaa ishinihkaateyikwaauh ihtaawinh chii ishi ushimuuch. Anite Lycaonia aschiihch chii ihtakuniyuu uyuu ihtaawinh. Anite kaye waaskaa aniyuu aschiiyuu ekute kaa papaaituhtetwaau.

Philippians 2:22

Chichischeyimaawaau Timothy e chii ishi nuukuhtaat e miywaapatisit. Nichii niishwaapatisinaan miywaachimuwin e waawiihtamaahch mwehch naapeu ekw maak ukusisa e niishwaapatisitwaau nichii ishinaakusinaan.