ᐊᐸᔅᑕᓚᒡ 15:3 - Chishemanituu Utayimuwin: Kaa Uskaach Testament

³ Ekw kaa ituhtetwaau anite kaa itishahukutwaau aniyuu umaamuuayimihaau. Phoenicia kaye Samaria chii shaapuweshkamuch e waawiihtamuwaatwaau aniyuu umaamuuayimihaau anite kaa ihtaayich e taapweyimaayich Jesus aniyuu ekaa Jewa kaa itiskaanesitwaau. Naashch taapwe chii miyeyihtamiyuu aniyuuh wiichishaanimaauh iskutak piyehtamiyich uyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐁᒄ ᑳ ᐃᑐᐦᑌᑣᐤ ᐊᓂᑌ ᑳ ᐃᑎᔕᐦᐅᑯᑣᐤ ᐊᓂᔫ ᐅᒫᒨᐊᔨᒥᐦᐋᐤ᙮ ᕛᓃᓯᔭ ᑲᔦ ᓴᒣᕆᔮ ᒌ ᔖᐳᐌᔥᑲᒧᒡ ᐁ ᐙᐐᐦᑕᒧᐙᑣᐤ ᐊᓂᔫ ᐅᒫᒨᐊᔨᒥᐦᐋᐤ ᐊᓂᑌ ᑳ ᐃᐦᑖᔨᒡ ᐁ ᑖᐺᔨᒫᔨᒡ ᒌᓴᔅ ᐊᓂᔫ ᐁᑳ ᒎᐗ ᑳ ᐃᑎᔅᑳᓀᓯᑣᐤ᙮ ᓈᔥᒡ ᑖᐺ ᒌ ᒥᔦᔨᐦᑕᒥᔫ ᐊᓂᔫᐦ ᐐᒋᔖᓂᒫᐤᐦ ᐃᔅᑯᑕᒃ ᐱᔦᐦᑕᒥᔨᒡ ᐅᔫ᙮

ᐊᐸᔅᑕᓚᒡ 15:3 Iomraidhean Croise

Luke 15:32

Ishinaakun taapwe chechii muuchicheyihtamuhkw wesh chiichishaan mwehch e chii nipit chii ishinaakusuu ekw maak anuhchiish mwehch miin e pimaatisiit ekun e ishinaakusit. Mwehch e chii wanishinit chii ishinaakusuu ekw maak miin e miskawaakanuut ekun e ishinaakusit.’ ”

ᐊᐸᔅᑕᓚᒡ 1:15

Peyakwaau maak e nishtuwiitwaau anichii kaa taapwehtahkwaau, Peter chii pisikuu ekw kaa ayimihaat aniyuu kaa pechi nishtuwiitwaauh. Wiyesh mitaahtumitanuu miin niishtunuu chii tashiichen.

ᐊᐸᔅᑕᓚᒡ 13:48

Iskutak piyehtawaatwaau Paul aniyuu kaa itweyich anichii iinuuch ekaa Jewa kaa itiskaanesitwaau nuwach chii miyeyihtamuch kaye chii maamihchimeuch Chishemanituu aniyuu kaa ishi pachishtinamiyich utayimuwiniyuu. Ekw anichii iinuuch kaa wiyaapamikutwaau Chishemanituu chechii ayaatwaau kaachiche pimaatisiiwiniyuu chii chihchi taapweyimeuch Chishemanituu.

ᐊᐸᔅᑕᓚᒡ 13:52

Anichii maak kaa taapweyimaatwaau Jesus anite Antiochihch kaa ihtaatwaau naashch taapwe chii miyeyihtamuch kaye chii saakaschineshkaakuuch Kaa payehchisiyich Ahchaahkwa.

ᐊᐸᔅᑕᓚᒡ 14:27

Iskutak maak kaau mesikaatwaau anichii apastalach anite Antiochihch, chii nishtuuneuch aniyuu misiwe umaamuuayimihaauh e waawiihtamuwaatwaau taan kaa ihtuutamiyich Chishemanituu wiyawaau e chii aapachihiikutwaau. Ekw maak anichii iinuuch chii wiihtamaakuch aniyuu apastalh, aniyuu iinuuh ekaa Jewa kaa itiskaanesiitwaauh kaye wiyawaau e taapweyimaatwaau Jesus.

ᐊᐸᔅᑕᓚᒡ 15:1

Pasch maak naapeuch anite Judea aschiihch chii uhtuhteuch anite Antiochihch kaa piihchetwaau kaa ati chischinuhamuwaatwaau aniyuuh kaa taapwehtamiitwaau anit kaa ihtaayich, e itaatwaau, “Namui chika chii pimaachihunaawaau paatishkaan chischinuwaachishukuyekwe wesh ekun e itashtech anite Moses uwiishuwewinihch.”

ᐊᐸᔅᑕᓚᒡ 15:12

Misiwe maak awen anit kaa ihtaat namui uhchi chistuu mikw chii nituhtaweuch Paul ekw maak Barnabas e wiihtamiyich taan kaa ishi maamishkaach waapahtiiweyich Chishemanituuh waapahtiiwewinh, kaye maak taan kaa ishi ihtuutamiyich e maamishkaateyihtaakuniyikwaauh chekwaayuuh wiyawaau uhchi anite iinuu ekaa Jewa kaa itiskaanesiitwaauh e ihtaayich.

ᐊᐸᔅᑕᓚᒡ 15:22

Ekw anichii apastalach kaye anichii kaa niikaanishkuwaatwaau umaamuuayimihaauh ekw maak misiwe anichii umaamuuayimihaauch chii naheyihtamihiikuuch taan kaa itweyich James ekw kaa wiyeyimaatwaau niishu naapeuh chechii wiichewaayich Paul ekw maak Barnabas e nituwaapamaayich aniyuu kaa taapwehtamiitwaauh anite Antiochihch kaa ihtaayich. Eukw maak uchii anite kaa itishahwaakanuutwaau, Judas, an Barsabbas kaye kaa chii ishinihkaataakanuut, ekw maak Silas. Chii wiichihiiweuch e niikaanishkuwaakanuyich wiichishaanimaauh uchii naapeuch.

ᐊᐸᔅᑕᓚᒡ 15:32

Judas ekw maak Silas e uchischiwehiichesuutwaau kaye wiyawaau, chineush chii ayimiheuch aniyuu wiichishaanimaauh, ekw maak etituu kaa ati suuhchikaapuyich.

ᐊᐸᔅᑕᓚᒡ 15:4

Iskutak maak tekushihkwaau anite Jerusalemihch, naasch chii piisaatakuuch aniyuu apastalh kaye aniyuu kaa niikaanishkamiitwaau ayimiheukamikuyuu, kaye aniyuu kutak umaamuuayimihaau, ekw kaa waawiihtamuwaatwaau taan kaa ishi ihtuutamaakutwaau Chishemanituu.

ᐊᐸᔅᑕᓚᒡ 17:15

Ekw anichii naapeuch kaa itahuyaatwaau Paul anite Athensihch. Ekw anichii naapeuch miin kaau Bereahch kaa ishi chiiwehutwaau, e chii itikutwaau Paul chechii itaatwaau Silas ekw maak Timothy wiipach chechii pechi nituwaapamikut.

ᐊᐸᔅᑕᓚᒡ 20:38

naashch e macheyihtamiyich. Aniyuu maak e chii itaat ekaa miin che uhchi waapamikut eukw uyuu maauch kaa maakuhiikuyich. Ekw kaa ati wiicheukut anite chiimaanihch e ituhtet.

ᐊᐸᔅᑕᓚᒡ 21:5

Mikw maak iskutak wetihchipayihch che chistuhteyaahch, mikw nichii ishi chistuhtenaan. Misiwe maak anichii kaa taapwehtahkwaau kaye wiichiskwewaau kaye utawaashiimuwaau nichii wiicheukunaanich e naasipewachiht. Ekw misiwe kaa niipiskuupiyaahch anit yaayeu e ayimihaayaahch.

ᐊᐸᔅᑕᓚᒡ 28:15

Ekw anichii wiichishaanimaauch anite Romehch kaa ihtaatwaau kaa pehtahkwaau e chii misakaawachiht. Pasch waahyuushiish chii uhtuhteuch anite aniyuu Appius kaa ishinihkaatech kaa chii maauchihiitunaanuyich ekw maak pasch anite Kaa Nishtihkwaau Minihkweukamikw kaa ishinihkaateyich ihtaawiniyuu chii uhtuhteuch e wii pechi nachishkuuyimihtwaau. Iskutak maak Paul wiyaapamaat aniyuu, chii nanaaskumeu Chishemanituu, wesh naashch chii uhpinikuu aniyuu e waapamaat.

ᐊᐸᔅᑕᓚᒡ 8:14

Iskutak maak anichii apastalach anite Jerusalemihch kaa ihtaatwaau, piyehtahkwaau aniyuu iinuu anite Samaria kaa ihtaayich e taapwehtamiyich Chishemanituu utayimuwiniyuu, chii itishahuweuch Peter ekw maak John anite.

Romans 15:24

Nipukuseyimun maak chechii naskwe waapamitakuch Spain ituhteyaane. Chipukuseyimitinaawaau kaye chechii wiichihiyekw anite Spain e wii ituhteyaan. Pitamaa kiipaa chipaa chiiutamitinaawaau. Naashch nika miyeyihten nihiipayihche chechii chiiutamitakuch.

1 Corinthians 16:11

Namui awen chipaa uhchi aatuweyimeu aniyuuh Timothy. Teyakuch wiichihaahkw chechii takushinit ute e ihtaauch ekaa chekwaayuu chipishkaakut. Wesh nipukuseyimaau chechii pechi chiiwe wiichewaat aniyuuh kutak chiichishaanuuh.

1 Corinthians 16:6

Maaskuuch weipishchiish nika ihtaan anit e ihtaayekw, nesht iskan pipun che ihtaawaane anit e ihtaayekw. Ekw maak chechii wiichihiyekw taan che ishi nitaweyihtamuwaane taanite miin che ituhtewaane.

2 Corinthians 1:16

Wesh anite an aschii Macedonia kaa ishinihkaatech kaa ituhteyaan nichii iteyihten chiyawaau niishtam chechii nituwaapamitakuch. Ekw maak iskutak kaau pechi chiiweyaane ekw miin chipaa nituwaapamitinaawaau. Ekut maak anit chipaa chii wiichihiinaawaau Judea kaa ishinihkaatech aschii chechii ituhteyaan, ekun kiipaa kaa ishi wiyeyihtamaan nipaa ihtin.

Titus 3:13

Kata chistuhteuch an wiyaaskunichesuu Zenas ekw maak Apollos. Suuhk che kuchihtaayin chechii wiichihiitwaau e ayeskuwiitwaau, che nituu chischeyimatwaau misiwe chekwaayuu chechii ayaatwaau taan che ishi nituweyihtahkwaau.