ᐊᐸᔅᑕᓚᒡ 15:2 - Chishemanituu Utayimuwin: Kaa Uskaach Testament

² Paul ekw maak Barnabas chii nishkuushtuweuch kaye suuhk chii wii waapahtiyeuch taapwe e wanipayiyich aniyuu e itweyich. Ekw kaa wiyeyihtaakanuyich Paul ekw maak Barnabas ekw maak pasch anit Antiochihch kaa uhchiitwaau chechii ituhtetwaau anite Jerusalemihch chechii nituu kakwechimaatwaau aniyuu apastalh kaye aniyuu kaa niikaanishkamiitwaauh ayimiheukamikuyuu taan e iteyihtamihiikuyich aniyuu kaa ishi chiskutamaachaanuyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᑆᓪ ᐁᒄ ᒫᒃ ᐸᕐᓇᐸᔅ ᒌ ᓂᔥᑰᔥᑐᐌᐅᒡ ᑲᔦ ᓲᐦᒃ ᒌ ᐐ ᐙᐸᐦᑎᔦᐅᒡ ᑖᐺ ᐁ ᐗᓂᐸᔨᔨᒡ ᐊᓂᔫ ᐁ ᐃᑗᔨᒡ᙮ ᐁᒄ ᑳ ᐎᔦᔨᐦᑖᑲᓄᔨᒡ ᑆᓪ ᐁᒄ ᒫᒃ ᐸᕐᓇᐸᔅ ᐁᒄ ᒫᒃ ᐸᔅᒡ ᐊᓂᑦ ᐋᓐᑎᔻᑭᐦᒡ ᑳ ᐅᐦᒌᑣᐤ ᒉᒌ ᐃᑐᐦᑌᑣᐤ ᐊᓂᑌ ᒉᕉᓴᓚᒥᐦᒡ ᒉᒌ ᓂᑑ ᑲᑴᒋᒫᑣᐤ ᐊᓂᔫ ᐊᐸᔅᑕᓪᐦ ᑲᔦ ᐊᓂᔫ ᑳ ᓃᑳᓂᔥᑲᒦᑣᐤᐦ ᐊᔨᒥᐦᐁᐅᑲᒥᑯᔫ ᑖᓐ ᐁ ᐃᑌᔨᐦᑕᒥᐦᐄᑯᔨᒡ ᐊᓂᔫ ᑳ ᐃᔑ ᒋᔅᑯᑕᒫᒑᓄᔨᒡ᙮

ᐊᐸᔅᑕᓚᒡ 15:2 Iomraidhean Croise

ᐊᐸᔅᑕᓚᒡ 10:23

Ekw maak Peter kaa wiishaamaat aniyuu naapeuh chechii piihcheyich wiichihch. Miin maak wiyaapaniyich ekw kaa ayeskuwiit che wiichewaat, kaye maak pasch aniyuu wiichishaanimaauh anit Joppahch kaa uhchiyich chii wiicheukuuch.

ᐊᐸᔅᑕᓚᒡ 11:12

Kaa payehchisiit Ahchaahkw nichii itikw chechii wiicheumach uyuu naapeu kaye ekaa chechii nakaawiyaan chechii wiicheukwaau mikw aniyuu uhchi ekaa Jewa itiskaanesitwaau. Ekw maak kaa wiicheukwaau. Kaye maak kaye uchii kutwaashch kutakach chiichishaanuuch kaa taapwehtahkwaau Joppahch kaa uhchiitwaau nichii wiicheukuch anite Caesareahch e ituhteuch. Misiwe maak nichii piihchenaan anite Cornelius wiichihch.

ᐊᐸᔅᑕᓚᒡ 11:30

Ekun maak kaa ihtitwaau. Chii itishahuweuch Barnabas kaye Saul chechii ituhtataayich aniyuu shuuliyaayuu anite Jerusalemihch chechii miyaayich aniyuuh kaa niikaanishkamiitwaau ayimiheukamikuyuu.

ᐊᐸᔅᑕᓚᒡ 15:25

Eukw maak wehchii nishtuwiyaahch utah, nichii wiyeyihtenaan maak chechii itishahuchihtwaau awenichii anite e ihtaawekw. Kata pechi wiicheweuch Paul ekw maak Barnabas, aniyuuh niwiichewaakanaanh kaa saachihiimachiht.

ᐊᐸᔅᑕᓚᒡ 15:27

Ekw maak Judas kaye Silas nichii wiyaapamaanaanich chechii wiihtamaatakuch taan nihaau e iteyihtamaahch an kaa ishi chiskutamaakuyekw. Ekun maak mwehch che ishi wiihtamaataakuch kaye wiyawaau taan e ishi masinahamaataahch utah.

ᐊᐸᔅᑕᓚᒡ 15:4

Iskutak maak tekushihkwaau anite Jerusalemihch, naasch chii piisaatakuuch aniyuu apastalh kaye aniyuu kaa niikaanishkamiitwaau ayimiheukamikuyuu, kaye aniyuu kutak umaamuuayimihaau, ekw kaa waawiihtamuwaatwaau taan kaa ishi ihtuutamaakutwaau Chishemanituu.

ᐊᐸᔅᑕᓚᒡ 16:4

Aniyuu maak e ati yaanischeskahkwaau ihtaawinh chii waawiihtamuweuch umaamuuayimihaauh taan kaa ishi wiyeyihtamiyich apastalh ekw maak aniyuu kaa niikaanishkamiyich ayimiheukamikuyuu anite Jerusalemihch taan chipaa ishi nanaakataweyihtamuch.

ᐊᐸᔅᑕᓚᒡ 21:18

Miin maak wiyaapahch nichii nituwaapamaanaan James misiwe anit e tashiyaahch. Paul kaye nichii wiicheukunaan. Misiwe anichii kaa niikaanishkuwaatwaau aniyuu kaa taapwehtamiyich anit Jerusalemihch kaa ihtaayich chii ihtaauch anit James e ihtaayich.

1 Corinthians 1:1

Niya Paul, Chishemanituu nichii wiyaapamukw Christ Jesus utapastalimh chechii itaapachihiit. Chiichishaanuu Sosthenes kaye wiya ihtaau utah e ihtaauch.

2 Corinthians 11:5

Namui mitun nuuhtaash nititeyihtaakusin nititeyihten taan e iteyihtaakusitwaau anichii kaa chisteyimekuch apastalach kaa ishinihkaatekuch.

Galatians 2:5

Namui maak mitun nuuhchi niskumuwaanaan chechii ihtuuchiht aniyuu kaa ishi nituweyimiyamihtwaau chechii ihtuuchiht wesh niwii miyu kanuweyihtenaan taan e ishi taapwemakahch miywaachimuwin chiyawaau chechii chischeyihtamekw.

Jude 1:3

Niwiichewaakanitikw kaa saachihiitakuch, naashch e chii iteyihtamaan chechii masinahamaatakuch chechii aayimuutamaatakuch an pimaachihiikusiiwin misiwe kaa chischeyihtamuhkw. Chek nichii iteyihten taapwe e nituweyihtaakuhch chechii masinahamaatakuch chechii kaachiichimitakuch. Chiwii siihchimitinaawaau maak suuhk chechii aahchiishtamekw chechii kanuweyihtamekw an peyakwaau kaye chihchiwe kaa ishi miyaakanuutwaau che ishi taapwehtahkwaau kaa taapwehtahkwaau.