ᐊᐸᔅᑕᓚᒡ 12:3 - Chishemanituu Utayimuwin: Kaa Uskaach Testament

³ Iskutak wiyaapahtahk e miyeyihtamiyich Jewa iinuuh uyuu kaa ihtit, ekw kaa itwet Peter kaye chechii maakunaakanuyich. Eukw maak uyuu mekwaach e chiishikaayich anichii Jewa iinuuch kaa makushetwaau, an makushaan kaa chii muwaakanuut aaihkunaau ekaa uhpisikanihkahtuwaakanuut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᐃᔅᑯᑕᒃ ᐎᔮᐸᐦᑕᐦᒃ ᐁ ᒥᔦᔨᐦᑕᒥᔨᒡ ᒎᐗ ᐄᓅᐦ ᐅᔫ ᑳ ᐃᐦᑎᑦ, ᐁᒄ ᑳ ᐃᑗᑦ ᐲᑕᕐ ᑲᔦ ᒉᒌ ᒫᑯᓈᑲᓄᔨᒡ᙮ ᐁᐅᒄ ᒫᒃ ᐅᔫ ᒣᒀᒡ ᐁ ᒌᔑᑳᔨᒡ ᐊᓂᒌ ᒎᐗ ᐄᓅᒡ ᑳ ᒪᑯᔐᑣᐤ, ᐊᓐ ᒪᑯᔖᓐ ᑳ ᒌ ᒧᐙᑲᓅᑦ ᐋᐃᐦᑯᓈᐤ ᐁᑳ ᐅᐦᐱᓯᑲᓂᐦᑲᐦᑐᐙᑲᓅᑦ᙮

ᐊᐸᔅᑕᓚᒡ 12:3 Iomraidhean Croise

Matthew 26:17

An maak niishtam e chiishikaach anit aniyuuh e pimichiishikaakwaau ekaa uhpisut aaihkunaau kaa chii muwaakanuut, Jesus chii pechi nituwaapamikuu uchischinuhamuwaakan ekw kaa itikut, “Taanite netaweyimiyaahch chechii nituu ayeskuushtamaataahch miyaaskaacheun makushaan chechii miichiyin.”

John 12:43

Wesh uste chii iteyimeuch iinuuh chechii nahiiwehaatwaau ishpish wii Chishemanituu chechii nahiiwehaatwaau.

John 19:11

Ekw Jesus kaa nishkweushihaat e itaat, “Mikw chesuwaat Chishemanituu e chii miisk aniyuu chechii ihtuut eukun wehchi ihtakuhch an chechii ihtiyin. An maak awen chiya e ihtaayin kaa ishi pachischisuwaasit eukw etituu mechi ihtuutahk.”

John 21:18

Kuiskw chiwiihtamaatin, eshkw e chii uschiniichiiwiin mikw taan waa aihtiin chichii ihtin kaye mikw taanite waa ituhteyin ekute kaa ituhteyin. Iskutak maak chisheinuuyine, suwanischeyine maak chika maahkupitaakanuu chitihchii ekw che ituhtahiikuyin anite ekaa wii ituhteyin.”

ᐊᐸᔅᑕᓚᒡ 12:4

Ekw Peter kaa maakunaakanuut kaa nituu chipahwaakanuut. Maamuu kutwaashaap chii tashiyuu shimaakanisha e naanaakachihiikut, e maamiiskuchishkaatuyitwaau. Neu chii tashiyuu peyakwaau e naanaakachihiikut. Herod maak chii iteyihtam chechii nishtuunaat aniyuu iinuu chiishkwaa makusheyichen. Ekut kaa iteyihtahk chechii wiyaaskunaat Peter anit aniyuu mekwaach.

ᐊᐸᔅᑕᓚᒡ 2:14

Peter maak chii wiichikaapuushtaweu aniyuu kaa peyakushaapuyich apastalh. Kaa uhchishkuukaapuushtawaatwaau aniyuu iinuu. Ekw Peter kaa ayimihaat aniyuu iinuu e chishewet e itwet, “Chiyaanuu Jewa kaa itiskaanesiihkw kaye misiwe chiyawaau e tashiyekw utah Jerusalemihch kaa wiichiyekw yaakwaau pechi nituhtuukw taan che ishi wiihtamaatakuch. Chika wiihtamaatinaawaau uu chekwaan kaa ispayihch.

ᐊᐸᔅᑕᓚᒡ 20:6

Anite maak Philippihch ekut kaa uhchi puusiyaahch wii niyaan iskutak an kaa chiishikaach kaa chii muwaakanuut aaihkunaau ekaa uhpisut. Niyaayinuu chiishikaau maak ishpish ekw kaa utihtahuuchihtwaau anite Troas. Ekut kaa ihtaayaahch peyakw tuushteu.

ᐊᐸᔅᑕᓚᒡ 24:27

Niishu pipunh maak ishpish ekw kutak aweyuu kaa miiskuchishkaakut an chisheuchimaau Felix. Porcius Festus chii ishinihkaasuyuuh aniyuu kaa miiskuchishkaakut. Ekw maak Felix mikw e wii nanihiiwehaat aniyuu Jewa iinuuh ekut anit chipahutuukamikuhch kaa nakataat aniyuuh Paul.

ᐊᐸᔅᑕᓚᒡ 25:9

Ekw Festus kaa itaat aniyuu Paul, “Chipaa miyeyihten aa kaau nete Jerusalemihch chechii ituhtahiikuyin. Ekute nete yaakwaau chipaa chii nituu chischeyimitin uu taan e ishi mamishimikuyin.” Uyuu maak kaa itwet an chisheuchimaau mikw e wii nanihiiwehaat aniyuu Jewa iinuuh ekun wehchii itwet aniyuu.

ᐊᐸᔅᑕᓚᒡ 4:13

Anichii maak kaa nishtuwiitwaau chii miskaateyihtamuweuch taan kaa ishi ayimiyich kaye aniyuu e ishpish suuhchiteheyich Peter ekw maak John e chischeyimaatwaau ekaa uhchi chiskutamuwaakanuyich. Ekut maak kaa uhchi chischeyihtahkwaau Jesus e chii wiichewaakaniyich.

Galatians 1:10

Mikw wii ihtuutaweu aweyuu chechii mamiywaachimikut chititeyiminaawaau aa. Namui, Chishemanituu eukw waa chischeyihtamuch taan e ishi miywaachimit. Mikw wii naheyihtamiheu aweyuuh chititeyiminaawaau aa. Wesh mikw iinuuch wii naheyihtamahiikwaau namui nipaa uhchi atushkuwaau Christ.

1 Thessalonians 2:4

Teyakuch muush mikw taan e ishi nituweyimiyimiht Chishemanituu chechii ishi waawiihtamuchiht ekun e ishi waawiihtamaahch, wesh wiya nichii iteyimikunaan e taapweucheyihtaakusiyaahch chechii aapatisiihkahtamuchiht miywaachimuwiniyuu. Ekw maak wiyaawiihtamaahch namui wii naapeu e wii naheyihtamihiichiht, Chishemanituu eukw chechii naheyihtamihiichiht wesh wiya chinituu chischeyimikunuu taan e ihtuuhkw.