ᐊᐸᔅᑕᓚᒡ 10:1 - Chishemanituu Utayimuwin: Kaa Uskaach Testament

¹ Chii ihtaau naapeu Cornelius e ishinihkaasut anit ihtaawinihch Caesarea kaa ishinihkaateyich, Rome nitupayuuchimaau e itapit e niikaanishkuwaat shimaakanisha anite Italy aschiihch e uhchiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒌ ᐃᐦᑖᐤ ᓈᐯᐤ ᒀᕐᓃᓕᔭᔅ ᐁ ᐃᔑᓂᐦᑳᓱᑦ ᐊᓂᑦ ᐃᐦᑖᐎᓂᐦᒡ ᓭᓴᕆᔭ ᑳ ᐃᔑᓂᐦᑳᑌᔨᒡ, ᕎᒻ ᓂᑐᐸᔫᒋᒫᐤ ᐁ ᐃᑕᐱᑦ ᐁ ᓃᑳᓂᔥᑯᐙᑦ ᔑᒫᑲᓂᔕ ᐊᓂᑌ ᐃᑕᓖ ᐊᔅᒌᐦᒡ ᐁ ᐅᐦᒋᔨᒡ᙮

ᐊᐸᔅᑕᓚᒡ 10:1 Iomraidhean Croise

Matthew 27:27

Ekw Pilate ushimaakanishimh kaa ituhtahaayich Jesus anite aniyuuh chisheuchimaau aapachihaakanh wiichiihch. Misiwe maak anichii shimaakanishach anit kaa ihtaatwaau chii waaskaakaapuushtaweuch Jesus.

Matthew 27:54

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Mark 15:16

Anichii maak shimaakanishach anite e ihtakuniyich aniyuu chisheuchimaaukamikuyuu ekute kaa ituhtahaatwaau Jesus. Kaa wiishaamaatwaau misiwe aniyuuh kutak shimaakanishah.

Luke 7:2

Chii ihtaau maak anit peyakw nitupayuuchimaau naashch e chii saachihaat utaapachihaakan. Mekwaach maak naashch chii aahkusiyuu aniyuu utaapachihaakan chekaat e puunipimaatisiyich.

John 18:12

Anichii maak shimaakanishach ekw maak aniyuu uchimaamuwaauh kaye maak anichii Jewa kaa itiskaanesitwaau kaa maakunawesuutwaau chisheayimiheukamikuhch, chii maakuneuch aniyuuh Jesus kaye chii maahkupiteuch.

John 18:3

Judas maak chii ituhteu anite e wiicheukut Rome shimaakanisha kaye aniyuuh kaa maakunawesiyich anite chisheayimiheukamikuhch kaa aapatisiitwaau. Aniyuu kaa niikaanapitwaau ayimiheuchimaauh kaye aniyuu Phariseeh chii itishahukuuch chechii nituu naanituwaapamaatwaau Jesus. Chii pechi tahkunamuch maak waashtenamaakanh kaye ishkuteu waashtenamaakan kaye nitupayuuhkumaanh.

ᐊᐸᔅᑕᓚᒡ 10:24

Miin wiyaapaniyich ekw kaa takushihkwaau anite aniyuu ihtaawiniyuu Caesarea kaa ishinihkaateyich, ekut maak anit kaa ashuwaapamikuwaakupanenich Cornelius kaye aniyuu kaa wiishaamaayich uwaahkumaakaniyuu kaye uwiichewaakaniyuu chechii nituhtuwaayich Peter.

ᐊᐸᔅᑕᓚᒡ 21:31

Anichii maak iinuuch kaa maakunaatwaau Paul ekut kaa wii ati nipahaatwaau aniyuu Paul. Mekwaach maak e ishpishiihkawaatwaau aniyuu e wii nipahaatwaau, an Rome nitupayuuchimaau chii pehtam taan e ishi machipayinaanuyich anite Jerusalemihch.

ᐊᐸᔅᑕᓚᒡ 21:8

Ekw maak wiyaapahch ekw kaa chistuhteyaahch anite an ihtaawin Caesarea kaa ishinihkaatech kaa ituhteyaahch. Philip maak e ishinihkaasut naapeu anit e ihtaat eukw uu wiichihch kaa ihtaawachiht. Kaa kacheskwet chii itaapatisuu uu Philip kaye eukw uu peyakw anichii niishwaashch kaa tashitwaau kaa wiyaapamaakanuutwaau chechii naatamaachetwaau anite ayimiheukamikuhch Jerusalemihch.

ᐊᐸᔅᑕᓚᒡ 22:25

Iskutak maak kaa wiyaapihkaataatwaau che papasistehwaatwaau, an shimaakanishuuchimaau chii ishi kakwechimikuu aniyuu Paul, “Kuiskunaakun aa chechii papasistehwekw awen Rome e ishi masinaasut kaye ekaa eshkw uhchi wiyaaskunaakanuut.”

ᐊᐸᔅᑕᓚᒡ 23:23

Ekw an nitupayuuchimaau kaa wiishaamaat niishu aniyuu kaa niikaanishkuwaayich ushimaakanishiim, ekw kaa itaat, “Ayeskuuhiich niishwaa mitaahtumitanuu shimaakanishach ekw maak niishwaashumitanuu anichii kaapalakaskweu kaa chii aapachihaatwaau e maasihchetwaau kaye maak niishwaa mitaahtumitanuu shimaakanishach muuhkumaan kaa maasihchewaachetwaau chechii ituhtetwaau Caesareahch. Anuhchiish maak uyuu che utaakushiyich peyakushteu ispayiyiche che chistuhtetwaau.

ᐊᐸᔅᑕᓚᒡ 23:33

Anite maak Caesareahch ekute kaa ituhtahaatwaau. Iskutak maak tekushihkwaau anit ekw kaa miyaatwaau aniyuu chisheuchimaau Felix aniyuu masinahiikaniyuu kaa aapachihaakanuutwaau chechii miyaatwaau. Paul kaye kaa pachishtinaatwaau anite Felix e ihtaayich.

ᐊᐸᔅᑕᓚᒡ 25:1

Nishtu chiishikaau maak kaa ishpish chii takushihk Porcius Festus anite aniyuu aschiiyuu, chii nakatam Caesarea ekw anite Jerusalemihch kaa ituhtet.

ᐊᐸᔅᑕᓚᒡ 25:13

Paatimaa maak miin kutak chisheuchimaau Agrippa e ishinihkaasut ekw maak usiimh Bernice e ishinihkaasuyich chii pechi takushinuuch anite Caesareahch. Chii wii pechi nituu waachiyemeuch aniyuu chisheuchimaau Festus.

ᐊᐸᔅᑕᓚᒡ 27:1

Iskutak maak kaa wiyeyihtaakanuuhch Italy che isichimeyaahch, peyakw shimaakanishuuchimaau Julius e ishinihkaasut chii itashumaakanuu chechii naanaakachihaat aniyuu Paul ekw maak aniyuu kutak aweyuu kaa maakunaakanuyich. Uu maak Julius mitaahtumitanuu chii tashiyuuh shimaakanisha e niikaanishkuwaat Rome e ishi masinaasuyich.

ᐊᐸᔅᑕᓚᒡ 27:31

Ekw Paul kaa itaat aniyuu shimaakanishuuchimaau ekw maak aniyuu shimaakanisha, “Namui waachi peyakw chika uhchi pimaatisiinaawaau nakatamekwe uu chiimaan.”

ᐊᐸᔅᑕᓚᒡ 27:43

An maak shimaakanishuuchimaau chii wii pimaachiheu Paul ekw kaa chistahamuwaat aniyuu shimaakanisha kaa wii nipahaayich aniyuu naapeu. Ekw kaa itashuwet aniyuu kaa nihtaauhamiyich niishtam chechii pakashtawekwaashkuhtiyich chechii naatakahamiyich.

ᐊᐸᔅᑕᓚᒡ 8:40

Philip maak anite Azotus chii uhchi ihtaau. Ekut anit uhchi Azotus kaa chihchi waawiihtahk miywaachimuwiniyuu kaye anite misiwe taanite kaa ati ihtaat piihiim kaa takushihk Caesareahch.