ᐊᐸᔅᑕᓚᒡ 1:8 - Chishemanituu Utayimuwin: Kaa Uskaach Testament

⁸ Chika saakaschineshkaakunaawaau suuhkaatisiiwin, iskutak Kaa payehchisiit Ahchaahkw chii utihtikuyekwe. Ekw maak che papaamaachimiyekw anite Jerusalemihch, misiwe Judea aschiihch, Samariahch kaye misiwe e ispichiskamikaach aschii.”

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒋᑲ ᓵᑲᔅᒋᓀᔥᑳᑯᓈᐙᐤ ᓲᐦᑳᑎᓰᐎᓐ, ᐃᔅᑯᑕᒃ ᑳ ᐸᔦᐦᒋᓰᑦ ᐊᐦᒑᐦᒄ ᒌ ᐅᑎᐦᑎᑯᔦᑴ᙮ ᐁᒄ ᒫᒃ ᒉ ᐸᐹᒫᒋᒥᔦᒄ ᐊᓂᑌ ᒉᕉᓴᓚᒥᐦᒡ, ᒥᓯᐌ ᒎᑎᔭ ᐊᔅᒌᐦᒡ, ᓴᒣᕆᔮᐦᒡ ᑲᔦ ᒥᓯᐌ ᐁ ᐃᔅᐱᒋᔅᑲᒥᑳᒡ ᐊᔅᒌ᙮

ᐊᐸᔅᑕᓚᒡ 1:8 Iomraidhean Croise

Matthew 24:14

Uu maak miywaachimuwin Chishemanituu uchisheuchimaawin kaa tipaatuteyich chika kacheskwaanuu utah misiwe aschiihch misiwe awen chechii pehtahk, ekw maak yaakw che iskwaapayihch.”

Matthew 28:19

Uu maak uhchi maachiikw nituwaapamaahkuch misiwe e itiskaanesitwaau awenichii che ihtuutawekuch chechii uchischinuhamuwaakaniyaan, che siikahaahtuwekuch utishinihkaasuwiniyuu Uhtaawiimaau nesht Ukusiisimaau nesht Kaa payehchisiyich Ahchaahkwa.

Mark 16:15

Ekw kaa itaat, “Maachiikw misiwe e ispichiskamikaach uu aschii che kacheskweyekw e waawiihtamekw uu miywaachimuwin misiwe awen chechii pehtahk.

Luke 1:35

Ekw kaa itikut aniyuu enchil, “Kaa payehchisiit Ahchaahkw chika utihtikw, Chishemanituu maauch e ispeyihtaakusit, usuuhkaatiisiiwinihch ekut che uhchi kanuweyimaausuyin. Eukw maak che uhchi ishinihkaataakanuut an awaash che pimaatisiit kaa payehchisiit kaye Chishemanituu Ukusisa chika ishinihkaataakanuu.

Luke 10:19

Nituhtamukw maak, chichii miitinaawaau tipeyihchichewin chechii shaakuuchihekw machimanituu, kaye chechii taahtahkushkaatekuch kaa pihchipuwetwaau misichinepukuch, kaye maak kaa pihchipuwetwaau mistahiipihchesuuch. Namui ihtakun chekwaan chechii aahkuhiikuyekw.

Luke 24:29

Chii aayihkamiheuch maak Jesus ekaa etituu chechii chistuhteyich, e itaatwaau, “Ekut utah ihtaah, wesh shaash utaakushuu, shaash wiipach kata tipiskaau.” Ekw Jesus kaa ati wiichewaat e chiiweyitwaau.

John 15:27

Kaye chiyawaau maak chika aayimuuminaawaau wesh anit uskach kaa uhchi chihchi chiskutamaacheyaan ekut shaash kaa uhchi waawiichewiyekw.”

ᐊᐸᔅᑕᓚᒡ 1:22

Uu maak awen che miiskuchishkuwaat Judas utah uu e peyakuminehiituyihkw chika uhtinaanuu kaye shaash anite e chii uhchi wiicheukuyihkw uskach kaa chihchi papaawiicheukw Jesus. Kaye e chii wiicheukuyihkw iskutak kaa siikahaahtaakut Jesus aniyuu John, piihiim maak Jesus kaa wanishkaanaakauut Jesus nipuwinihch uhchi.” Eukw uyuu kaa itwet Peter.

ᐊᐸᔅᑕᓚᒡ 1:5

Wesh John chii siikahaahtaacheu nipiiyuu chii aapachihtaau. Ekw maak shaash wiipach chika siikahaahtaakunaawaau Kaa payehchisiyich Ahchaahkw.”

ᐊᐸᔅᑕᓚᒡ 13:31

Mihchetu chiishikaau maak chii waapamikuu aniyuuh aweyuuh Galileehch kaa chii uhchi pechi wiicheukut Jerusalemihch iisku. Chii wiihtamuweyuu maak Israel iinuu miin e pimaatisiit.”

ᐊᐸᔅᑕᓚᒡ 2:32

Ekw Peter miin kaa ati itwet, “Chishemanituu chii wanishkaaneu uyuu Jesus nipuwinihch uhchi. Nichischeyihtenaan uu wesh nichii waapamaanaan.

ᐊᐸᔅᑕᓚᒡ 22:15

Misiwe maak awenichii chika wiihtamuwaauch taan kaa ishi waapahtaman kaye kaa ishi pehtaman e itaachimaakanuut.

ᐊᐸᔅᑕᓚᒡ 3:15

Kaye chichii ihtuutawaawaau Jesus chechii nipahaakanuut an kaa miyaat aweyuu pimaatisiiwiniyuu. Mikw maak Chishemanituu chii ihtuutaweu miin kaau chechii pimaatisiyich. Wesh nichii waapamanaan miin kaau kaa wanishkaat Jesus. Nichischeyihtenaan maak e taapwemakahch uu.

ᐊᐸᔅᑕᓚᒡ 4:33

Chii suuhchihtaakusuuch kaye chii mista miyuuhtaakusuuch anichii apastalach e waawiihtahkwaau Utipeyihchikeu Jesus kaau kaa wanishkaayich nipuwinihch uhchi, ekw maak Chishemanituu chii mista shaweyimikuuch misiwe e tashitwaau.

ᐊᐸᔅᑕᓚᒡ 5:32

Niyaan maak nitipaatuutenaan wesh nichii waapahtenaan uyuu kaa ispayihkwaau, ekw maak Kaa payehchisiyich Ahchaahkw aniyuu Chishemanituu kaa miyaat aweyuu kaa nanihiihtaakut kaye wiya wiihtamaacheu e taapwemakaniyich aniyuu kaa ispayiyich.”

ᐊᐸᔅᑕᓚᒡ 6:8

Stephen maak an awen kaa saachischineshkaakut Chishemanituu ushaweyihchichewiniyuu kaye usuuhkaatisiiwiniyuu chii iteyihtaakusuu, chii ihtuutam maak nanaahkuu maamishkaach chekwaayuuh kaye nanaahkuu chii ishi maamishkaach waapahtiiweu anit iinuu e ihtaayich.

ᐊᐸᔅᑕᓚᒡ 8:1

Saul maak chii miyeyihtam e chii nipahaakanuyich Stephen. Aniyuu maak e peyakuniyich e chiishikaayich anichii umaamuuayimihaauch anite Jerusalemihch ekut kaa uhchi chihchi nanehkaachihaakanuutwaau. Eukw uyuu wehchii nakatahkwaau Jerusalemiyuu ekw anite Judeahch ekw anite Samariahch kaa nituu wiichitwaau. Mikw anichii apastalach ekut yaapach kaa ihtaatwaau wiyawaau anit Jerusalemihch.

Romans 10:18

Mikw maak niwii kakwechihchemun, namui aa maak Christ uhchi aayimuutamuwaakanuuch Jewa iinuuch. Ehe, kiipaa kaa aayimuutamuwaakanuutwaau. Wesh itashteu Chishemanituu utayimuwinihch, Misiwe e ispichiskamikaayich aschiihch chii waawiihtamuch aniyuu miywaachimuwiniyuu. Mitun nete e iskwaayaayich uyuu aschiiyuu chii pehtaakuniyuu utayimuwinawaau.

Romans 15:19

taan kaa ishi waapahtiyaakanuutwaau waapahtiiwewinh kaye e miskaateyihtaakuniyikwaauh chekwaayuuh e suuhcheyihtaakuniyikwaauh, kaye maak aniyuu taan kaa ishi miit suuhkaatisiiwiniyuu Kaa payehchisiit Ahchaahkw ekut kaa uhchi wiihkuchihaakanuutwaau. Misiwe taanite kaa ituhteyaan Jerusalemihch anite maak ishi Illyricum aschiihch nichii waawiihtamuwaan Jesus Christ umiywaachimuwin.

Colossians 1:23

Chinituweyihtaakusinaawaau yaaitei chechii kanuweyihtamekw taan e ishi taapwehtamekw uu miywaachimuwin, wesh ekut uu wehchi cheshtinaachikaapuyekw. Ekaawii maak chika uhchi ishinaakusinaawaau chechii ati waanihtaayekw an aspeyimuwin kaa ayaayekw iskunaak kaa pehtamekw miywaachimuwin. Wesh shaash mistahii mishihte chii ituhtataakanuu. Kaye niya Paul niwiichihiiwen e papaamuhtataakanuuhch uu miywaachimuwin.