ᐊᐸᔅᑕᓚᒡ 1:4 - Chishemanituu Utayimuwin: Kaa Uskaach Testament

⁴ Iskutak maak kaa nishtuwiitwaau Jesus chii iteu aniyuu Apastalh, “Ekaawii nakatamukw Jerusalem. Ashuwaapahtamuwaahkw aniyuu miiwewiniyuu Nuuhtaawii cheshtinaash kaa itwet che miitaakw, eukw uu shaash kaa pechi aayimuutamaatakuch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐃᔅᑯᑕᒃ ᒫᒃ ᑳ ᓂᔥᑐᐐᑣᐤ ᒌᓴᔅ ᒌ ᐃᑌᐤ ᐊᓂᔫ ᐊᐸᔅᑕᓪᐦ, ᐁᑳᐐ ᓇᑲᑕᒧᒄ ᒉᕉᓴᓚᒻ᙮ ᐊᔓᐙᐸᐦᑕᒧᐙᐦᒄ ᐊᓂᔫ ᒦᐌᐎᓂᔫ ᓅᐦᑖᐐ ᒉᔥᑎᓈᔥ ᑳ ᐃᑗᑦ ᒉ ᒦᑖᒄ, ᐁᐅᒄ ᐆ ᔖᔥ ᑳ ᐯᒋ ᐋᔨᒨᑕᒫᑕᑯᒡ᙮

ᐊᐸᔅᑕᓚᒡ 1:4 Iomraidhean Croise

Matthew 10:20

Wesh an che ishi ayimiyekw, namayeu chiyawaau an chitayimuwinawaau mikw maak an che itweyekw Ahchaahkw Chuuhtaawiinuu e ihtaat kaa uhchiit eukw an che miitaakw taan nihaau che itwewekw.”

Luke 11:13

Aat e machaatisiyekw yaapach chichischeyihtenaawaau chechii miyu miyekuch chitawaashiimuwaauch. Etituu maak Kuuhtaawaau kihchikiishikuhch kaa ihtaat chischeyihtam chechii miyu miiwet. Miyeyihtam e miyaat aweyuu Kaa payehchisiyich Ahchaahkwa aniyuu kaa nitutamaakut.”

Luke 12:12

Wesh Kaa payehchisiit Ahchaahkw chika chiskutamaakw taan nihaau chipaa itwen an mekwaach ishi nachishkamane.”

Luke 24:49

Ekw maak che pechi itishahamaatakuch an Kaa payehchisiit Ahchaahkw aniyuuh Nuuhtaawii kaa itwet cheshtinaash che pechi itishahwaat. Ashuwaapikw maak anite Jerusalemihch paatish chii utihtahukuyekwe suuhcheyihtaakusuwin kihchikiishikuhch kaa uhchipayihch.”

John 14:16

Nika ayimihaan e nitutamuuk Nuuhtaawii chechii itishahamaataakw miin kutak aweyuuh chechii wiichihiikuwekw kaye muush kaachiche chechii ihtaat anit e ihtaayekw.

John 15:26

“Chika pechi takushin an awen che wiichihiitaakw, eukuu Kaa payehchisiit Ahchaahkw. Niya nikapechi itishahwaau anite uhchi Uhtaawiimaau e ihtaat. Chika wiihtam taapwewiniyuu. Niya maak nika aayimuumikw.

John 20:22

Ekw anite e ihtaayich kaa ishi ayehet kaa itaat, “Utinaahkw Kaa payehchisit Ahchaahkw.

John 7:39

Eukw uyuu kaa itwet Jesus e aayimuumaat Kaa payehchisiyich Ahchaahkwa, aniyuu misiwe awen kaa taapwehtahk che ayaawaat. Anichii kaa taapwehtahkwaau eshkw namui uhchi miyaakanuuch aniyuuh Kaa payehchisiyich Ahchaahkwa wesh eshkw namui uhchi nituwaapameu Jesus uhtaawiimaauh chechii chisteyihtaakuhaakanuut.

ᐊᐸᔅᑕᓚᒡ 10:41

Namui kiipaa misiwe aweyuuh uhchi nuukushiishtaweu Jesus, mikw aniyuuh aweyuuh Chishemanituuh kaa wiyaapamikuyich chechii tipaachimikut. Kaye nichii wiichimiichisuumaanaan paatimaa kaa wanishkaat nipuwinihch uhchi.

ᐊᐸᔅᑕᓚᒡ 2:33

Chii apihaakanuu Jesus anite Chishemanituuh unihiiwiniihch itehche e chisteyihtaakuhaakanuut. Ekw Uhtaawiih Chishemanituuh kaa miikut aniyuu miiwewiniyuu kaa itweyich cheshtinaash che miiweyich eukun aniyuuh Kaa payehchisiyich Ahchaahkwa. Uu maak anuhchiish kaa ishi waapamiyaahch e ihtiyaahch kaye kaa ishi pehtuuyaahch e ishi ayimiyaahch Jesus nisiikanimaakunaan Kaa payehchisiyich Ahchaahkwa uu chechii ihtiyaahch. Wiya Jesus ayaau chisheuchimaawiniyuu uyuu chechii ihtit.