ᐊᐸᔅᑕᓚᒡ 1:2 - Chishemanituu Utayimuwin: Kaa Uskaach Testament

² Eshkw maak ekaa uhchi nakatahk uyuu aschiiyuu Jesus Kaa payehchisiyich Ahchaahkwa uhchi chii wiishumeu Apastalh e wiihtamuwaat taan che ihtiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᐁᔥᒄ ᒫᒃ ᐁᑳ ᐅᐦᒋ ᓇᑲᑕᐦᒃ ᐅᔫ ᐊᔅᒌᔫ ᒌᓴᔅ ᑳ ᐸᔦᐦᒋᓯᔨᒡ ᐊᐦᒑᐦᑾ ᐅᐦᒋ ᒌ ᐐᔓᒣᐤ ᐊᐸᔅᑕᓪᐦ ᐁ ᐐᐦᑕᒧᐙᑦ ᑖᓐ ᒉ ᐃᐦᑎᔨᒡ᙮

ᐊᐸᔅᑕᓚᒡ 1:2 Iomraidhean Croise

Matthew 12:28

Namayeu Beelzebul utahchaahkwa kaa pechi miit kaschihuwiniyuu chechii wiiwiitishihuumach machiahchaahkwa, Chishemanituu Utahchaahkwa eukw kaa pechi miit kaschihuwiniyuu chechii ihtuutamuch uyuu. Ekut maak wehchi waapahtiikuyekw taapwe Chishemanituu uchisheuchimaawin shaash mitun e utihtahukuwekw.”

Matthew 3:16

Iskutak maak Jesus kaa siikahaahtuwaakanuut, e ati kapaat maak chii uhchi pekuchishkupayuu kihchikiishikuhch. Chii waapameu maak Chishemanituu Utahchaahkuyuuh e pechi aashiitutaakut mwehch umiimiiu e ishinaakusiyich kaye e tehutaakut.

Mark 6:30

Jesus utapwaastalimh miin wiyaapamikut chii wiihtamaakuu misiwe taan kaa aihtiyiyich kaye taan kaa ishi chiskutamaacheyich.

Luke 24:51

Eshkw maak mekwaach e shaweyimaat ekut kaa uhchi nakataat, kihchikiishikuhch kaa ishi uhpiskaat.

Luke 9:51

Wetaach maak chii ati peshunaakuniyuu Jesus kihchikiishikuhch che ishi utinaakanuut ekw naashch kaa iteyihtamihiikut yaaitei chechii ituhtet Jerusalemihch. Ekw maak kaa chistuhtet.

John 1:16

Aniyuu e saakaschineshkaakut chishewaatisiiwiniyuu misiwe e tashiihkw naashch taapwe chishaweyimikunuu, namui maak nihtaa chika uhchi puuniyuu e shaweyimitahkw.

John 13:1

Eshkw ekaa uhchi utihchipayiyich Miyaaskaacheu Makushewin, shaash chii chischeyihtam Jesus e utihchipayiyich che nakatahk uyuu aschiiyuu kaye che nituwaapamaat Uhtaawiimaau. Muush chii saachiheu misiwe aniyuu kaa taapweyimikut utah aschiihch kaa ihtaayich ekw maak che utihchipayihch chechii waapahtiyaat taan e ishpish saachihaat.

John 13:18

“Namui maak misiwe chitaayimuumitinaawaau, nimiyuu chischeyimaauch anichii niya kaa wiyaapamakwaau. Itashteu Chishemanituu utayimuwinihch, An naapeu kaa wiich miichisuumit nika wiyeshipachishtinikw. Ekun maak uu shaash wiipach chipaa ispayuu.

John 13:3

Jesus chii chischeyihtam Uhtaawiimaau e chii miikut suuhkaatisiiwiniyuu misiwe chekwaayuu chechii ihtuutahk, kaye chii chischeyihtam Chishemanituu e ihtaayich e uhchiit kaye miin kaau anite Chishemanituu e ihtaayich che ituhtet.

John 16:28

Taapwe maak Uhtaawiimaau e ihtaat nichii uhtuhten kaa pechi takushiniyaan utah aschiihch miin maak kaau nikaa chistuhten Nuuhtaawii e ihtaat nikaa ituhten.”

John 17:13

Anuhchiish maak chipechi naatitin, uyuuh maak chekwaayuuh niwiihten utah aschiihch chechii saakaschineshkaakutwaau nimuuchicheyihtamuwiniyuu.

John 20:17

Jesus kaa itwet, “Ekaawii taahtin wesh eshkw namui Nuuhtaawii e ihtaat nuuhchii ishi uhpiskaan. Nituwaapamach niichishaanich che wiihtamuutwaau che uhpiskaauch Nuuhtaawii kaye chiyawaau Kuuhtaawiiwaau e ihtaat ishi, Nichishemanituum kaye chiyawaau Chichishemanituumiwaau.”

John 20:21

Miin kaa ayimihaat aniyuu uchischinuhamuwaakanh e itaat, “Chiyaameyihtamukw. Mwehch Nuuhtaawii kaa pechi itishahuut chiyaameyihtamuwinihch ishi kaye niya chititishahutinaawaau chiyaameyihtamuwinihch ishi.”

John 3:34

An kaa pechi itishahukut Chishemanituu iteu taan e ishi miikut Chishemanituuh chechii itwet kaye mitun tekash piihchishkaakuu Chishemanituu Utahchaahkuyuuh.

John 6:62

Taan maak che iteyihtamekw waapamekwe Iinuu Ukusisa e uhpipayit anite ishi kaa chii ihtaat eshkw ekaa uhchi pechi itishahwaakanuut utah aschiihch.

John 6:70

Jesus kaa nishkweushihaat e itaat, “Namui aa niya kuuhchi wiyaapamitinaawaau e niishushaapuyekw, peyakw maak anit e tashiyekw machimanituu.”

ᐊᐸᔅᑕᓚᒡ 1:11

Ekw kaa itikutwaau, “Chiyawaau naapeutikw Galileehch kaa uhchiyekw, chekwaan wehchi niipuuyekw utah, ishpimihch e iitaapiyekw. Uu Jesus taan kaa ishi pechi utinaakanuut kihchikiishikuhch ishi, kaa ishi waapamekw e ituhtet kihchikiishikuhch ekun mwehch che ishinaakusit miin takushihke.”

ᐊᐸᔅᑕᓚᒡ 1:13

Iskutak maak tekushihkwaau anite Jerusalemihch chii piihcheuch aniyuu waaskaahiikaniyuu che ihtaatwaau. Chii ihtakuniyuu e pischisaayich ishpimiihtakuhch aniyuu waaskaahiikaniyuu. Ekute kaa ishi kushpaahtawiitwaau. Eukunich uchii kaa ihtaatwaau, Peter, John, James, Andrew, Philip, Thomas, Bartholomew, Matthew, James Alphaeus ukusisa, Simon kaa ayimihewaatisiit kaa ishinihkaataakanuut, ekw maak Judas, James ukusisa.

ᐊᐸᔅᑕᓚᒡ 1:22

Uu maak awen che miiskuchishkuwaat Judas utah uu e peyakuminehiituyihkw chika uhtinaanuu kaye shaash anite e chii uhchi wiicheukuyihkw uskach kaa chihchi papaawiicheukw Jesus. Kaye e chii wiicheukuyihkw iskutak kaa siikahaahtaakut Jesus aniyuu John, piihiim maak Jesus kaa wanishkaanaakauut Jesus nipuwinihch uhchi.” Eukw uyuu kaa itwet Peter.

ᐊᐸᔅᑕᓚᒡ 1:9

Iskutak Jesus uyuu kaa itaat aniyuu apastalh mekwaach e kanawaapamikut ishpimihch chii ishi uhpipayuu. Kaskawanishkwa kaa aakuuhukut ekw namui uhchii waapamikuu.

ᐊᐸᔅᑕᓚᒡ 10:38

Chichii pehtenaawaau Jesus Nazareth kaa uhchiit e chii tuumiskunikut Chishemanituu kaye e chii miikut suuhkaatisiiwiniyuu kaye Kaa payehchisiyich Ahchaahkwa. Mikw maak taanite kaa ati aihtaat chii miyutuutamaacheu kaye chii miinuwaachiheu aniyuu iinuu machimanituu kaa nanehkaachihiikuyich wesh muush chii wiicheukuu Chishemanituu.

Galatians 1:1

Niya Paul kaa masinahamaatakuch. Wiya Jesus Christ wechiihch nichii wiyaapamukw apastal chechii itaapachihiit. Kaye maak Chishemanituu Kuuhtaawiinuu nichii wiyaapamukw, an kaa wanishkaanaat Jesus nipuwinihch uhchi. Namayeu wii naapeu kaa wiyaapamit kaye namayeu naapeu kaa miit uyuu chechii itapaatisuuch.

Ephesians 2:20

Aniyuu taan kaa ishi wiihtamaataakuch miywaachimuwiniyuu apastalach kaye uchischiwehiichesuuch eukuu kaa wiikaapuuhiikuyekw. Jesus Christ maak eukw chihchiwe meyuu yaaichikaapuuhiitaakw,

1 Timothy 3:16

Nuwach kiipaa chisteyihtaakun an taan e ishi miskaateyihtaakuch chitaapwehtamuwinuu. Chishemanituu wiyaasuwinihch e chii ishi nuukuhiisut. Chii cheshtinaateyihtaakuhiikuu Kaa payehchisiyich Ahchaahkwa taapwe Chishemanituu e chii pechi itishahukut. Chii waapamikuu enchil. Chii aayimuumaakanuu e kacheskwaanuyich anite nanaahkuu e itiskaanesinaanuyich. Chii taapweyimikuu aweyuuh utah aschiihch. Ekw maak kihchikiishikuhch kaa ishi uhpiskaat chechii chisteyihtaakuhaakanuut.

Hebrews 9:24

Wesh Christ chii piihcheu aniyuu maauch kaa chisteyihtaakuniyich ayimiheu maahkiiyuu anite kihchikiishikuhch kaa ihtakuniyich, aniyuu ekaa naapeu uhchi ushihtaayich. Uu maahkii utah aschiihch kaa ihtakuhch nispitaachemakan e ishinaakuhch an maahkii kihchikiishikuhch kaa ihtakuhch. Jesus maak anite kihchikiishikuhch wechiihch chii piihcheu, anite muush e ayimiheshtamaatahkw Chishemanituu e ihtaayich.

1 Peter 3:22

Eukw uu Christ kihchikiishikuhch kaa ishi uhpiskaat kaye kaa waaweyipahiikut Chishemanituu unihiiwiniihch itehche anit maauch e chisteyihtaakuniyich chechii apit awen. Ekut maak kaa miyaakanuut chechii uchimaahkahtuwaat misiwe enchil kaye chechii tipeyihtahk misiwe kihchikiishikw tipeyihchewiniyuu kaye misiwe suuhkaatisiiwiniyuu.

2 Peter 3:2

Chiwii chischisuumitinaawaau taan kaa itwetwaau aniyehkaa uchischiwehiichesuuch kaa payehchi pimaatisiitwaau kaye maak taan kaa itashumitaakw Utipeyihchikeu chipimaachihiiweminuu aniyuuh wii tipiiwe utapastalimh uhchi.

Revelation 1:1

Eukw uyuu kaa ishi waapahtiiwet Jesus, Chishemanituu chii miikuu chechii chischeyihtamihaat aniyuu kaa atushkuwaayich Chishemanituu taan che ispayiyich wiipach. Niya, John, Chishemanituu kaa atushkuwaat, nichii itishahamaakw Christ enchil chechii pechi wiihtamuyich taan aniyuuh shaash wiipach che ispayiyich.

Revelation 2:11

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii che shaakuuchihtaawaakwenich kakwechihiiwewiniyuu namui chika uhchi aahkuhiikuuch niishu nipuwiniyuu.”

Revelation 2:17

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii che shaakuuchihtaawaakwenich taan che ishi kakwechihiikutwaau machi chekwaayuu nika ashamaauch aniyuu kihchikiishikw aaihkunaauh kaa kaayaakanuyich. Nika miyaauch asinii e waapaapischisiyich anit mesinaateyich e uskaayich ishinihkaasuwiniyuu. Namui maak awen chischeyihtam uyuu ishinihkaasuwiniyuu mikw an awen che miyaakanuukwe eukun che chischeyihtahk.”

Revelation 2:29

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh.”

Revelation 2:7

“Misiwe chiyawaau kaa nituhtamekw, suuhk wii nisituhtamukw taan e itaat Kaa payehchisiit Ahchaahkw umaamuuayimihaauh. Anichii awenichii che shaakuuchistaatwaau machaatisiiwiniyuu nika miyaauch chechii miichitwaau miinsa anit uhchi pimaatisiyuu mistikuhch. Eukuu mistikw kaa ihtaat anite Chishemanituu unihtaauchihchikan aschiihch.”

Revelation 21:14

Chii niishushaapuuch e maamihchaapischisitwaau asiniich anit kaa tehchikaapuuhch an misiwe kaa ishi waaskaakaapuuhch anit ihtaawinihch. Uchii maak asiniich ekut kaa masinaateyikwaau utishinihkaasuwinawaau anichii kaa niishushaapuutwaau apastalach aniyuuh Maanishchaanish kaa wiyaapamaat.

Revelation 3:13

“Misiwe chiyawaau kaa nituhtamekw suuhk wii nisituhtamekw taan e itaat Kaa payehchisiit Ahchaahkw umaamuuayimihaauh.”

Revelation 3:16

An maak ekaa tahchisiyekw kaye ekaa chisuyekw mikw e chiisuukamisiyekw e ishinaakusiyekw chika aapahkaatemitinaawaau.

Revelation 3:22

“Misiwe chiyawaau kaa nituhtamekw suuhk wii nisituhtamekw taan e itaat Kaa payehchisiit Ahchaahkw umaamuuayimihaauh.”