ᐊᐸᔅᑕᓚᒡ 1:16 - Chishemanituu Utayimuwin: Kaa Uskaach Testament

¹⁶ Ekw kaa itaat, “Niichishaanitikw, an kaa ishi niikaan wiihtaakuhch anite Chishemanituu utayimuwinihch yaaitei chii nituweyihtaakun misiwe chechii ispayihch. Eukw uyuu Kaa payehchisiit Ahchaahkw kaa ishi miyaat aniyaa David chechii niikaan wiihtamiyich taan che ihtiikupanenh Judas. Eukw uu Judas kaa ituhtahaat shimaakanisha Jesus e ihtaayich chechii maakunaayich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁶ ᐁᒄ ᑳ ᐃᑖᑦ, ᓃᒋᔖᓂᑎᒄ, ᐊᓐ ᑳ ᐃᔑ ᓃᑳᓐ ᐐᐦᑖᑯᐦᒡ ᐊᓂᑌ ᒋᔐᒪᓂᑑ ᐅᑕᔨᒧᐎᓂᐦᒡ ᔮᐃᑌᐃ ᒌ ᓂᑐᐌᔨᐦᑖᑯᓐ ᒥᓯᐌ ᒉᒌ ᐃᔅᐸᔨᐦᒡ᙮ ᐁᐅᒄ ᐅᔫ ᑳ ᐸᔦᐦᒋᓰᑦ ᐊᐦᒑᐦᒄ ᑳ ᐃᔑ ᒥᔮᑦ ᐊᓂᔮ ᑌᐱᑦ ᒉᒌ ᓃᑳᓐ ᐐᐦᑕᒥᔨᒡ ᑖᓐ ᒉ ᐃᐦᑏᑯᐸᓀᓐᐦ ᒍᑕᔅ᙮ ᐁᐅᒄ ᐆ ᒍᑕᔅ ᑳ ᐃᑐᐦᑕᐦᐋᑦ ᔑᒫᑲᓂᔕ ᒌᓴᔅ ᐁ ᐃᐦᑖᔨᒡ ᒉᒌ ᒫᑯᓈᔨᒡ᙮

ᐊᐸᔅᑕᓚᒡ 1:16 Iomraidhean Croise

Matthew 26:14

Ekw peyakw anit e niishushaapuutwaau anichii chischinuhamuwaakanich Judas Iscariot kaa ishinihkaasut chii nituwaapameu aniyuu kaa niikaanapiitwaauh ayimiheuchimaauh.

Matthew 26:47

Eshkw maak mekwaach e ayimit Jesus chii uhchi takushiniyuuh peyakw aniyuu kaa niishushaapuyich uchischinuhamuwaakan Judas kaa ishinihkaasuyich. Chii pechi wiicheukuyuu mihchetu aweyuuh e chii pechi itishahukutwaau kaa niikaanapitwaauh ayimiheuchimaauh kaye aniyuuh iinuuh kaa niikaanishkuwaayitwaauh. Chii pechi tahkunamuch maak nitupayuuhkumaan kaye utaamihiikanaahtikw.

Matthew 26:54

Mikw maak an ihtiyaane, taanite chechii uhchi ispayihch an kaa itashtech Chishemanituu utayimuwinihch an chipaa ispayuu.”

Matthew 26:56

Mikw maak shaakuuch misiwe tipapayuu taan kaa ishi masinahahkwaau anite Chishemanituu utayimuwiniihch aniyehkaanaanich uchischiwehiichesuuch. Iskutak maak uyuu kaa itaat ekw misiwe uchischinuhamuwaakan kaa ushimuyich e nakachipahiikut.

Mark 12:36

Kaa payehchisiyich Ahchaahkw chii ihtuutaakuu aniyaa David chechii itwet, Utipeyihchikeu chii iteu Nitipeyihchikemh, ute pechi apih nihiiwinihch paatish chii ashpashihiikwaawenich anichii kaa uhkaatiskwaau.

Mark 14:43

Eshkw maak mekwaach e ayimit Jesus chii uhchi takushiniyuuh peyakw aniyuu kaa niishushaapuyich uchischinuhamuwaakan Judas Iscariot kaa ishinihkaasuyich. Chii pechi wiicheukuyuu mihchetu aweyuuh e chii pechi itishahukutwaau kaa niikaanapiitwaau ayimiheuchimaau kaye wiishuwewiniyuu kaa chiskutamaacheyitwaauh kaye aniyuuh iinuuh kaa niikaanishkuwaayitwaauh. Chii pechi tahkunamuch maak nitupayuuhkumaan kaye utaamihiikanaahtikw.

Luke 22:47

Mekwaach maak e ayimit Jesus chii uhchi takushiniyuu aweyuu e maausikuhteyitwaau. Peyakw maak aniyuuh kaa niishushaapuyich uchischinuhamuwaakanh, Judas kaa ishinihkaasuyich, chii pechi niikaanihteyuu kaa naatikut ekw kaa uchemikut.

John 10:35

Chichischeyihtenaanuu kaachiche e taapwemakahch taan e itashtech Chishemanituu utayimuwinihch. Manituuch chii ishinihkaateu Chishemanituu aniyuuh kaa miyaakanuyich utayimuwin.

John 13:18

“Namui maak misiwe chitaayimuumitinaawaau, nimiyuu chischeyimaauch anichii niya kaa wiyaapamakwaau. Itashteu Chishemanituu utayimuwinihch, An naapeu kaa wiich miichisuumit nika wiyeshipachishtinikw. Ekun maak uu shaash wiipach chipaa ispayuu.

John 17:12

Mekwaach kaa wiicheukwaau nichii kanuweyimaauch aniyuu ishinihkaasuwiniyuu kaa pechi miyuut uhchi. Nichii kanuweyimaauch, namui maak waachi peyakw uhchi wanishinuuch mikw an kaa iteyihtaakuniyikupane che wanishihk chii wanishinuu. Misiwe uu kaa ispayihch chii ispayuu chechii tipipayihch taan e itashtech chitayimuwinihch.

John 19:36

Chii ispayuu uu chechii tipipayihch taan kaa ishi niikaan wiihtaakanuukupane Chishemanituu utayimuwinihch che ispayikupane, itashteu, Namui waachipeyakw uhchi naatwaahiikanuuyuu wiya uskanh.

ᐊᐸᔅᑕᓚᒡ 1:20

Wesh itashteyuu anite aniyaa David unikamuwinihch, Namui chika uhchi ihtaanuuyuu anit kaa chii ihtaat, ekaawii awen chika uhchi wiichuu anit. Eyuu maak itashteu, Kutak aweyuu chika miiskuchishkaakuu aniyuu kaa chii itaapatisit.

ᐊᐸᔅᑕᓚᒡ 13:15

Chii ihtaau anite awen ayimiheukamikuhch e ayimihtuwaat aniyuu iinuu ayimihewin wiishuwewinh, kaye aniyehkaanaan uchischiwehiichesuuh kaa ishi masinahamiikupanenh. Ekw maak anichii kaa niikaanishkahkwaau aniyuu ayimiheukamikuyuu kaa kakwechimaatwaau Paul ekw maak aniyuu wiichishaanimaauh chechii ayimihaayich aniyuu iinuu chechii suuhchikaapuyich.

ᐊᐸᔅᑕᓚᒡ 13:38

Misiwe chiyawaau niichishaanitikw pechi nituhtuukw taan e ishi wiihtamaatakuch, chipaa chischeyihtenaawaau mikw Jesus uhchi ekut chechii uhchi wepeyihtamaakuyekw chimachihtwaawinawaau.

ᐊᐸᔅᑕᓚᒡ 15:13

Iskutak maak kaa chiishi tipaachimuyich, ekw James kaa pisikuut e itwet, “Nituhtamukw maa, niichishaanitikw,

ᐊᐸᔅᑕᓚᒡ 15:7

Chineush maak chii ayimitutamuch uyuu ekw Peter kaa uhchi pisikuut e itwet, “Niichishaanitikw, chichischisinaawaau Chishemanituu e chii wiyaapamit chechii waawiihtamuukwaau miywaachimuwiniyuu anichii ekaa Jewa kaa itiskaanesitwaau, chechii uhchi pehtahkwaau ekw maak chechii taapwehtahkwaau.

ᐊᐸᔅᑕᓚᒡ 2:23

Shaash anite chii wiyeyihtam Chishemanituu chiyawaau e ihtaawekw che ishi pachishtinaat Jesus, chiyawaau maak chichii nipahaawaau e chii pachishtinekuch naapeuch e machaatisiitwaau chechii chiistaaskuhwaatwaau aashiteyaahtikuhch.

ᐊᐸᔅᑕᓚᒡ 2:37

Iskutak maak anichii iinuuch piyehtahkwaau uyuu naashch chii misimeyihtamuch ekw kaa itaatwaau Peter ekw maak aniyuuh kutak Apastalh, “Niichishaanitikw, taan maak chechii ihtiihkw.”

ᐊᐸᔅᑕᓚᒡ 22:1

Paul chii iteu, “Niichishaanitikw ekw maak chiyawaau chisheinuutikw, pechi nituhtuukw kuiskw e wii wiihtamaan ekaa wiyesh ishi aataameyihtaakusiyaan.”

ᐊᐸᔅᑕᓚᒡ 23:1

Ekw Paul kuiskw kaa kanawaapamaat aniyuu kaa maamuupishtamiyich wiyaaskunichewiniyuu ekw kaa itaat, “Niichishaanitikw, kaa ishpish pechi atushkuuk Chishemanituu nicheshtinaahun muush kuiskw e chii ihtiyaan Chishemanituu e pimaatisiistuuk.”

ᐊᐸᔅᑕᓚᒡ 23:6

Iskutak maak neshitaunuwaat Paul taapishkun Sadduceeh ekw maak Pharisee e ihtaayich anit aniyuu e nishtuwiyich kaa maamuupishtamiyich wiyaaskunichewiniyuu, chii iteu e chishewet, “Niichishaanitikw, Pharisee niya, kaye aniyehkaanaanich nitaanischewaahkumaakanich Pharisee chii itapuuch. Eukw uu wehchi wiyaaskunikuyaan uu anuhchiish, e taapwehtamaan kaa nipitwaau kaau che wanishkaatwaau.”

ᐊᐸᔅᑕᓚᒡ 28:17

Nishtu chiishikaau maak ishpish ekw kaa wiishaamaat Paul aniyuu Jewa iinuuh kaa niikaanishkuwaayich. Iskutak maak neshtuwiyich chii itweu, “Niichishaanitikw, nichii maakunikuun anite Jerusalemihch ekw anite Rome iinuuch e ihtaatwaau kaa ishi pachishtinikuyaan chechii ishi maamaahchikunikuyaan. Eukw uu kaa ihtuutaakuyaan aat ekaa uhchi machituutuukwaau chitiiniiminuuch kaye ekaa uhchi wanituutamaan aniyuuh ihtuwinh aanische chiwaahkumaakanuuch kaa miitahkwaau.

ᐊᐸᔅᑕᓚᒡ 28:25

Chii machipayihkahtaatuyuu chek uyuu ekaa kaa taapwehtamiitwaau, ekw kaa ati chistuhteyich iskutak uyuu kaa itwet Paul, “Taapwe muyaam chii ishi wiihtamukupane Kaa payehchisiit Ahchaahkw taan kaa itaat chitiiniimuwaau aniyuuh uchischiwehiichesuu Isaiah e chii aapachihaat chechii ishi wiihtamuwaayich,

ᐊᐸᔅᑕᓚᒡ 7:2

Ekw Stephen kaa itaat, “Niichishaanitikw kaye uhtaawiimaautikw. Pechi nituhtuukw. Chishemanituu kaa chisteyihtaakusit chii nuukushiishtaweu weskach aniyaa kuuhtaawiinuuh Abraham mekwaach kaa wiichiyich anite Mesopotamia aschiihch, eshkw ekaa Haran kaa ishinihkaateyich ihtaawiniyuu uhchi ishi aahtucheyich.

1 Peter 1:11

Christ Utahchaahkuyuu chii piihchishkaakuuch kaye chii wiihtamaakuuch taan che ishi nanehkaateyimuyich Christ kaye maak che chisteyihtaakuhaakanuyich. Ekw maak kaa naanituu chischeyihtahkwaau aweyuu che aawiyich Christ kaye maak taaishpish che ispayiyich uyuu.

2 Peter 1:21

Wesh taapaa waachi peyakw chischiwehiichewin naapeu utiteyihtamuwinihch uhchi uhchipayuu. Kaa payehchisiyich Ahchaahkwa chii ihtuutaakuuch uchii naapeuch chechii wiihtahkwaau taan kaa ishi nitaweyimikutwaau Chishemanituu chechii ishi wiihtahkwaau.

2 Peter 2:21

Uste chipaa miywaayikupane ekaa mechim uhchi chischeyihtakwaau taapwewiniyuu ishpishaat wii chechii chischeyihtahkwaau ekw maak kaau chechii nakatahkwaau aniyuu kaa ishi chischeyihtamihaakanuutwaau.