2 Peter 3:8 - Chishemanituu Utayimuwin: Kaa Uskaach Testament

⁸ Peyakw chekwaan ekaawii chika uhchi wanichischisinaawaau niichishaanitikw. Peyakun yaapach iteyihtamihiikuu Utipeyihchikeu peyakw chiishikaau taan e iteyihtamihiikut peyakwaau chishemitaahtumitanuu pipunh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐯᔭᒄ ᒉᒀᓐ ᐁᑳᐐ ᒋᑲ ᐅᐦᒋ ᐗᓂᒋᔅᒋᓯᓈᐙᐤ ᓃᒋᔖᓂᑎᒄ᙮ ᐯᔭᑯᓐ ᔮᐸᒡ ᐃᑌᔨᐦᑕᒥᐦᐄᑰ ᐅᑎᐯᔨᐦᒋᑫᐤ ᐯᔭᒄ ᒌᔑᑳᐤ ᑖᓐ ᐁ ᐃᑌᔨᐦᑕᒥᐦᐄᑯᑦ ᐯᔭᒀᐤ ᒋᔐᒥᑖᐦᑐᒥᑕᓅ ᐱᐳᓐᐦ᙮

2 Peter 3:8 Iomraidhean Croise

Romans 11:25

Niichishaanitikw, chinituweyimitinaawaau chechii nisituhtamuwekw uyuu kaa ishi chischeyihtaakuhtaat Chishemanituu ekw maak namui chika uhchi iteyihtenaawaau naashch e iipwaahkaayekw. Anuhchiish mekwaach mihchetu anichii Jewa kaa itiskaanesitwaau wii suuhchitamuch. Namui wii taapweucheyimeuch Chishemanituuh. Mikw maak chika utihchipayuu taanit che taapwehtahkwaau. Eshkw maak ekaa utihchipayihch uu misiwe anichii ekaa Jewa kaa itiskaanesitwaau tahtu mikw che wiyaapamikuwaakwenich Chishemanituuh chechii pimaachihutwaau, chika pimaachihuuch.

1 Corinthians 10:1

Niichishaanitikw, chinitaweyimitinaawaau chechii chischisiyekw taan kaa ispayitwaau aniyehkaanaanich kuuhtaawiinuuch anichii kaa chii ihtaatwaau anite pakwaatiskamikaahch. Chishemanituuh chii itashuweyuu kaskawanishkwa chechii wiicheukutwaau, ekut kaa uhchi nuukuhtaayich e kanuweyimikutwaau. Misiwe chii aashuuskamuch chihchikamiyuu Chishemanituu kaa taunamiyich chechii pimuhtetwaau.

1 Corinthians 12:1

Niichishaanitikw, uu che ishi aayimuutamaan, naashch taapwe chinituweyimitinaawaau chechii nisituhtamekw. Eukw uyuuh miiwewinh Payehchi Ahchaahkw kaa miiwet.

2 Peter 3:1

Niiwiichewaakanitikw eukw uu niishwaa che masinahamaatakuch. Taapishkun anit kaa masinahamaatakuch suuhk nichii kuchihtaan chechii wiichihiitakuch chechii payehchi maamituneyihtamihiikuyekw misiwe chekwaan e chischisuumitakuch uyuu chekwaayuu.