2 Peter 3:3 - Chishemanituu Utayimuwin: Kaa Uskaach Testament

³ Niishtam maak chekwaan waa ititakuch, che wii chischisiyekw iskutak ati peshunaakuhche che takushihk Utipeyihchikeu chika ihtaauch maayeyihchesuuch, naashch chika tipeyimikuuch umachinituweyihtamuwinawaauh uchii. Chika maayeyimikuwaauch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᓃᔥᑕᒻ ᒫᒃ ᒉᒀᓐ ᐙ ᐃᑎᑕᑯᒡ, ᒉ ᐐ ᒋᔅᒋᓯᔦᒄ ᐃᔅᑯᑕᒃ ᐊᑎ ᐯᔓᓈᑯᐦᒉ ᒉ ᑕᑯᔑᐦᒃ ᐅᑎᐯᔨᐦᒋᑫᐤ ᒋᑲ ᐃᐦᑖᐅᒡ ᒫᔦᔨᐦᒉᓲᒡ, ᓈᔥᒡ ᒋᑲ ᑎᐯᔨᒥᑰᒡ ᐅᒪᒋᓂᑐᐌᔨᐦᑕᒧᐎᓇᐙᐤᐦ ᐅᒌ᙮ ᒋᑲ ᒫᔦᔨᒥᑯᐙᐅᒡ᙮

2 Peter 3:3 Iomraidhean Croise

John 12:48

An awen yaatuweyimikwe, kaye ekaa nenahiihtamukwe nimiywaachimuwiniyuu, chika wiyaaskunaakanuu. Aniyuu uhchi taan kaa itweyaan eukw aniyuu che uhchi wiyaaskunaakanuut maahchishtai chiishikaayiche.

2 Corinthians 4:2

E waawiihtamaahch uu miywaachimuwin namui chekwaan nichiimuuch ihtinaan. Muush kuiskw kaye muushe niwiihtenaan chekwaan. Namui niwii wiyeshimaanaan awen chechii uhchi taapwehtahk. Namui kaye nichiikuunenaan kutach chekwaan e waawiihtamaahch Chishemanituu utayimuwin. Kuiskw niwiihtamuwaanaan misiwe awen taapwewiniyuu ekw maak che chischeyihtahkwaau taapwe chechii taapwehtahkwaau taan e ishi waawiihtamuchiht. Nichischeyimikunaan maak Chishemanituu e taapwewachiht.

2 Timothy 3:1

Che wii chischeyihtaman kaye uu, iskutak anite maahchishtai ati chiishikaakwaawenh naashch taapwe kata ihtakun taan che ishi aayimipayihch.

Hebrews 1:2

Anuhchiish maak, uyuuh maahchishtai e chiishikaakwaauh Ukusisa uhchi ekut wehchi ayimihiitahkw. Eukw uyuu Ukusisa Chishemanituu kaa aapachihaat misiwe chekwaayuu kaa ushihtaat kaye eukw uyuu kaa wiyaapamaat misiwe chekwaayuu che aashuumiyaat.

2 Peter 1:20

Maauch maak e ishi nitaweyihtaakuhch chechii nishituhtamekw eukw uu ekaa waachi peyakw chischiwehiichewin anite Chishemanituu utayimuwinihch kaa ihtakuhkwaau chechii itweshtamaatahk naapeu mikw wii e payakushit.

2 Peter 2:10

Etituu maak cheshtinaateyihtaakuniyuu che wiyaaskunaakanuutwaau anichii mikw e ishi machi nitaweyihtamuumakaniyikwaau uwiiyaasu pimaatisiiwinawaau kaa ishi nuuspinitahkwaau, anichii kaa uhkaateyihtahkwaau tipeyihchichewiniyuu. Naasch taapwe suuhchimaayeyihcheuch eukunich uchii, namui mitun nanaakataweyimeuch taan e itaatwaau maak taan e ihtuutawaatwaau aweyuu e maayeyimaatwaau. Namui neshta sechisuuch chechii machi aayimuutahkwaau chisteyihtaakusuwiniyuu. Taapaa mechim nakaawiyuuch chechii maayeyimaatwaau aniyuu aweyuuh uchimaawiniyuu kaa ayaayich.

1 John 2:18

Awaashitikw, eukw uyuuh maahchishtai e chiishikaakwaauh. Chichii wiihtamaakunaawaau che takushihk an awen kaa suuhcheyimututawaat Christ. Shaash maak mihchetu awen Christ kaa wii suuhcheyimututawaat chii takushinuu. Ekut maak wehchi chischeyihtamuhkw eukw uyuuh e maahchishtai chiishikaakwaauh.

Jude 1:16

Muush memehch itweuch uchii naapeuch. Muush kutak aweyuuh ataameyimeuch ekaa kekachihkaawaachipayitwaauh. Pisikw ihtuutamuch taan e ishi machi nituweyihtahkwaau chechii ihtitwaau. Naashch taapwe wii nanaapeumuuch. Aayaahch ihtuuch e miyu aayimuumaatwaau aweyuuh mikw e wii mamiyuupayihiisutwaau chechii ihtitwaau aniyuu taan waa ihtitwaau.

Jude 1:18

Chichii itikuwaauch, “Utihchipayihkwaawenh maahchishtai e chiishikaakwaauh chika ihtaauch naapeuch e maayeyimitaakuch, mikw taan e ishi nitamukw iteyihtahkwaau chechii ihtitwaau aniyuu ekaa Chishemanituuwaatisiitwaau ekun che ihtitwaau.”