2 Peter 3:1 - Chishemanituu Utayimuwin: Kaa Uskaach Testament

¹ Niiwiichewaakanitikw eukw uu niishwaa che masinahamaatakuch. Taapishkun anit kaa masinahamaatakuch suuhk nichii kuchihtaan chechii wiichihiitakuch chechii payehchi maamituneyihtamihiikuyekw misiwe chekwaan e chischisuumitakuch uyuu chekwaayuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᓃᐐᒉᐙᑲᓂᑎᒄ ᐁᐅᒄ ᐆ ᓃᔣ ᒉ ᒪᓯᓇᐦᐊᒫᑕᑯᒡ᙮ ᑖᐱᔥᑯᓐ ᐊᓂᑦ ᑳ ᒪᓯᓇᐦᐊᒫᑕᑯᒡ ᓲᐦᒃ ᓂᒌ ᑯᒋᐦᑖᓐ ᒉᒌ ᐐᒋᐦᐄᑕᑯᒡ ᒉᒌ ᐸᔦᐦᒋ ᒫᒥᑐᓀᔨᐦᑕᒥᐦᐄᑯᔦᒄ ᒥᓯᐌ ᒉᒀᓐ ᐁ ᒋᔅᒋᓲᒥᑕᑯᒡ ᐅᔫ ᒉᒀᔫ᙮

2 Peter 3:1 Iomraidhean Croise

Matthew 5:8

Shaweyihtaakusuuch anichii kaa payehchisiitwaau utehiiwaahch, wesh chika waapameuch Chishemanituu.

2 Corinthians 13:2

Maahchishtai kaa takushinuuch shaash nichii yaakwaamimaauch anichii kaa machituutahkwaau. Miin maak anuhchiish nitayaakwaamimaauch. Kaye anichii kutakach nitayaakwaamimaauch. Uu anuhchiish che takushiniyaan chihchiwe nititwen namui nika uhchi manaachimaauch uchii kaa machituutahkwaau.

1 Timothy 5:22

Ekaawii wesaa wiipach chika uhchi saaminaau awen kaye chechii wiichihiit awen e machituutahk. Suuhk miyu kanuweyimisuu chechii payehchinaakuhch chipimaatisiiwin.

2 Timothy 1:6

Eukw maak uu wehchi wii chischisuumitan suuhk muush chechii aapachihtaawat aniyuu miiwewiniyuu Chishemanituu kaa miisk iskutak kaa saaminitaan e ayimiheshtamaataan.

Hebrews 6:9

E saachihiitakuch wehchi uu ishi ayimihiitakuch. Chitaapweucheyimitinaawaau wesh nishituunaakun taan e itaatisiyekw taapwe e chii pimaachihuyekw.

1 Peter 1:22

E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

1 Peter 2:11

Niwiichewaakanitikw kaa saachihiitakuch, mikw wesin chimaaniteunaawaau kaye mikw chipapaa ihtaanaawaau utah aschiihch. Eukw maak uu wehchi wii siihchimitakuch tekash ekaa chechii papiskaateyihtamihiikuyekw aniyuu machi nitaweyihtamuwinh aniyuu muush miyaashihchepayihkwaau chitahchaahkuwaahch.

2 Peter 3:14

Ekw maak niichishaanitikw mekwaach uu e ashuwaapahtamekw an e chiishikaach kwaast e ishpish chii ihtiyekw wii payehchi pimaatisiikw kaye ekaawii chekwaan chika uhchi wii ataameyihtaakusinaawaau Chishemanituu ishi e ihtaat. Suuhk kata wii kuiskunaakunh chipimaatisiiwinawaauh ekw maak che ihtakuhch chiyaameyihtamuwin anit mekwesiinuu e ihtaayekw.

2 Peter 3:17

Chiyawaau maak wii niichishaanitikw shaash chichischeyihtenaawaau misiwe uu. Yaakwaamiikw maak ekaa chechii wanihtahiitutaakuch anichii ekaa kaa ayaapateyihtahkwaau taan e ishi wiishuwaanuyich. Wesh chiishpin uu ispayihche chika wanihtahiikunaawaau taanite an e ihtaayekw mekwaach, an e chii cheshtinaateyihtaakuhtaakanuuhch taanite naapuuyekw.

2 Peter 3:8

Peyakw chekwaan ekaawii chika uhchi wanichischisinaawaau niichishaanitikw. Peyakun yaapach iteyihtamihiikuu Utipeyihchikeu peyakw chiishikaau taan e iteyihtamihiikut peyakwaau chishemitaahtumitanuu pipunh.

Jude 1:5

Aat maak shaash misiwe e chischeyihtamekw uu che ishi waawiihtamaatakuch, chiwii chischisuumitinaawaau Utipeyihchikeu e chii wiihkuchihaat aniyuuh Israel iinuuh Egypt kaa ishinihkaateyich aschiiyuu uhchi ekw aniyuu ekaa kaa taapwehtamiyich paatimaa chii wanaachiheu.