2 Peter 2:9 - Chishemanituu Utayimuwin: Kaa Uskaach Testament

⁹ Cheshtinaash kaschihtaau Chishemanituu chechii wiihkuchihaat ukuiskutaatisiiu taan e ishi nachishkamiyich kaye maak nanaakataweyihtamihiikuu wesh Chishemanituu taan e ishi machaatisiinaanuyich e chischeyihtahk peyakwaau e chiishikaayich misiwe aweyuu che wiyaaskunaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᒉᔥᑎᓈᔥ ᑲᔅᒋᐦᑖᐤ ᒋᔐᒪᓂᑑ ᒉᒌ ᐐᐦᑯᒋᐦᐋᑦ ᐅᑯᐃᔅᑯᑖᑎᓰᐤ ᑖᓐ ᐁ ᐃᔑ ᓇᒋᔥᑲᒥᔨᒡ ᑲᔦ ᒫᒃ ᓇᓈᑲᑕᐌᔨᐦᑕᒥᐦᐄᑰ ᐌᔥ ᒋᔐᒪᓂᑑ ᑖᓐ ᐁ ᐃᔑ ᒪᒑᑎᓰᓈᓄᔨᒡ ᐁ ᒋᔅᒉᔨᐦᑕᐦᒃ ᐯᔭᒀᐤ ᐁ ᒌᔑᑳᔨᒡ ᒥᓯᐌ ᐊᐌᔫ ᒉ ᐎᔮᔅᑯᓈᑦ

2 Peter 2:9 Iomraidhean Croise

Matthew 10:15

Chiwiihtamaatinaawaau, iskutak wiyaaskunicheu chiishikaache Chishemanituu uste chika chistimaacheyimeu aniyuu kaa machaatisiyich anit kaa ihtaayich Sodom ekw maak Gomorrah ishpishaat aniyuuh aweyuuh ekaa kaa naheyimitaakw.”

Matthew 6:13

Ekaawii maak ituhtahiinaan anite chechii kakwechihiikuyaahch. Pechi kanuweyiminaan taan waa ishi kakwechihiikuyaahch machimanituu. Wesh chiya chitipiyeusiyin chuuchimaawin kaye chiya chitayaan suuhkaatisiiwin kaye chisteyihtaakusuwin kaachiche kaye kaachiche. Eukw maak uyuu Jesus kaa ishi chiskutamaachet che ishi ayimihaanuyich.”

Romans 2:5

An maak e ishpish suuhcheyimuwiin mikw chitihtuuten etituu aahkwaach chechii ishi wiyaaskunisk Chishemanituu aniyuu e chiishikaayich taanit cheshtinaash kuiskw che ishi wiyaaskunaat aniyuuh kaa machituutamiyich.

1 Corinthians 10:13

Misiwe e ishi kakwechihiikuyihkw, ekun e ishi kakwechihaakanuut misiwe awen. Mikw maak Chishemanituu kuiskw ihtuu. Namui chika uhchi pachishtinikunuu paashich chechii ishi kakwechihiikuuhkw ekaa chii ishikaapuushtamuhkw kakwechihiiwewin. Anit aniyuu mekwaach e kakwechihiikuuhkw chika waapahtiikunuu Chishemanituu taanite chechii uhchi shaapushkamihkw an kakwechihiiwewin. Eukw uyuu e ishi wiichihiitahkw ekaa chechii shaakuuchipitikuuhkw aniyuu taan e ishi kakwechihiikuuhkw.

2 Timothy 3:12

Ehe, taapwe, misiwe awen kuiskw kaa wiishi pimaatisiit kaye tekash kaa pachishtinisut e wiichewaat Christ Jesus, kata ihtakuniyuu taan che ishi nanehkaachihaakanuut,

Titus 2:14

Chii pachishteyimitisuu Christ chiyaanuu uhchi, chechii wepeyihtamaakuyihkw misiwe chimachihtwaawinuuh kaye chechii payehchihiitahkw mikw wiya chechii ayaautahkw. Chinituweyimikunuu suuhk chechii iteyihtamihiikuyihkw kuiskw chechii ihtiihkw.

2 Peter 2:4

Taapaa yaapach uhchi manaachiheu Chishemanituu aniyuu enchil kaa wanituutamiyich, yaapach machi ishkutehch chii itishahuweu. ekute maak anite mekwaach e ihtaayich. Maahchikwaapiskahwaakanuyuu anite e ukaashteyaayich. ekute maak anite che ihtaayich che ishpish ekaa utihchipayiyich taanit che wiyaaskunaakanuyich.

2 Peter 3:7

Uyuuh maak chiishikw kaye an nete etituu ishi ispimihch, ekw maak uu aschii anuhchiish kaa waapahtamukw, yaapach Chishemanituu utayimuwin uhchi kanuweyihtaakanuu che ishpish utihchipayihch anit che wanaachihtaakanuuhkwaau. Kanuweyihtaakanuu an e chiishikaach anichii ekaa kaa aapateyimaatwaau Chishemanituu upimaatisiiwiniwaahch che wiyaaskunaakanuutwaau kaye che wanaachihaakanuutwaau ishkutehch.

Jude 1:6

Chischisiitutawaahkuch kaye anichii enchilich ekaa uhchi nanaakataweyihtahkwaau taan kaa ishpish miyaakanuutwaau tipeyihchichewiniyuu kaye kaa nakatahkwaau taanit kaa pachishtinaakanuutwaau chechii ihtaatwaau. Mekwaach kaachiche puuchisiyaapiih maahchikwaapihkaasuuch anite nihtaamihch tekash kaa ukaashteyaayich. ekute chepahukuutwaau Chishemanituu paatish utihchipayiyiche aniyuu naashch chesteyihtaakuniyich e chiishikaayich che wiyaaskunaakanuutwaau.

Revelation 3:10

An e chii siipiiwesiyekw taan e ishi nachishkamekw muyaam kaa itashumitakuch chechii ihtiyekw, chika kanuweyimitinaawaau anit mekwaach pimipayihche e aayimuhutwaau awenichii, anit mekwaach che nituu chischeyimaakanuutwaau misiwe awenichii utah aschiihch kaa ihtaatwaau.