2 Peter 2:21 - Chishemanituu Utayimuwin: Kaa Uskaach Testament

²¹ Uste chipaa miywaayikupane ekaa mechim uhchi chischeyihtakwaau taapwewiniyuu ishpishaat wii chechii chischeyihtahkwaau ekw maak kaau chechii nakatahkwaau aniyuu kaa ishi chischeyihtamihaakanuutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᐅᔅᑌ ᒋᐹ ᒥᔻᔨᑯᐸᓀ ᐁᑳ ᒣᒋᒻ ᐅᐦᒋ ᒋᔅᒉᔨᐦᑕᒀᐤ ᑖᐺᐎᓂᔫ ᐃᔥᐱᔖᑦ ᐐ ᒉᒌ ᒋᔅᒉᔨᐦᑕᐦᒀᐤ ᐁᒄ ᒫᒃ ᑳᐤ ᒉᒌ ᓇᑲᑕᐦᒀᐤ ᐊᓂᔫ ᑳ ᐃᔑ ᒋᔅᒉᔨᐦᑕᒥᐦᐋᑲᓅᑣᐤ᙮

2 Peter 2:21 Iomraidhean Croise

Matthew 21:32

Wesh John kaa siikahiitaachet chichii pechi nituwaapamikuwaau e chii wii waapahtiitaakw kuiskutaatisiiwiniyuu, namui maak chuuhchi taapwehtawaawaau. Mikw maak anichii chisheuchimaau kaa aapachihiikuutwaau e maamuushtinamuwaatwaau ushuuliyaamiyuu kaye anichii pisikwaatisiiskweuch chii taapwehtaweuch taan kaa ishi aayimuutamaakutwaau kuiskutaatisiiwiniyuu. Aat iskutak wiyaapamekuch e taapwehtahkwaau uchii, namui yaapach chuuhchi kweskaatisiinaawaau namui yaapach chuuhchi taapwehtenaawaau.”

Luke 12:47

Jesus miin kaa ati wiihtamuwaat, “Aapachihaakan kaa chischeyihtahk taan e ishi nituweyihtamiyich uchimaam chechii ihtuutahk ekaa maak ayeskuwiihiitisute chechii ihtuutahk aniyuu kaa itashumaakanuut kata mista papasistehwaakanuu e waweshihaakanuut.

John 15:22

Ekaa uhchi pechi ayimihaauchipanenich namui chipaa uhchi ataameyihtaakusuuch machihtwaawiniyuu. Anuhchiish maak taapwe e chii pechi ayimihiikwaau kiipaa e ataameyihtaakusitwaau e chii machituutahkwaau.

John 9:41

Jesus kaa nishkweushihaat e itaat, “Ekaa waapahtamekw namui chipaa uhchii itikunaawaau e machituutamekw, mikw maak e itweyekw niwaapahtenaan, ekut wehchi chischeyihtaakusiyekw e machituutamekw.”

Romans 7:12

Ekut maak wehchi waapahtamaan e payehkahch wiishuwewin. Kaye maak misiwe taan itashuwemakahkwaau aniyuuh kascheskwewinh anit wiishuwewinihch payehchisiimakanh, taapwemakanh, kaye maak miyawaauh.

Galatians 6:2

Maamiiskuch wiichihiitukw e aayimuhuyekw. Uu ihtiyekwe chika ihtuutamuwaanaawaau taan kaa itashuwet Christ.

1 Thessalonians 4:2

Wesh chichischeyihtenaawaau taan kaa itashumitaahch che ishi pimaatisiyekw, Utipeyihchikeu Jesus Christ e chii wiihtamaakuyaahch taan che ititaahch.

1 Timothy 6:14

yaakwaau ishi nanihiihta taan kaa itashumisk Chishemanituu, kuiskw wii ihtuut ekw maak namui nitawiin chika uhchi ishi ataameyihtaakusin che ishpish ekaa miin takushihk Chitipeyihchikeminuu Jesus Christ.

Hebrews 10:26

Ekw maak anuhchiish e chischeyihtamuhkw taapwewin, yaapach maak machituutamuhkwe e chischeyihtamuhkw maak ekaa kuiskw ihtiihkw, namui chitaapateyihtamihiikuwaanaanuu taan kaa ishi pachishtinisut Jesus chiyaanuu uhchi. Namui chika uhchi ihtakun miin kutach pachishtinisuwin anit chechii uhchi wepeyihtamaakuyihkw chimachihtwaawinuu.

James 4:17

An awen kaa chischeyihtahk taan chipaa ishi miyutuutam ekaa maak ihtuutahk machituutam an awen.

2 Peter 3:2

Chiwii chischisuumitinaawaau taan kaa itwetwaau aniyehkaa uchischiwehiichesuuch kaa payehchi pimaatisiitwaau kaye maak taan kaa itashumitaakw Utipeyihchikeu chipimaachihiiweminuu aniyuuh wii tipiiwe utapastalimh uhchi.

Jude 1:3

Niwiichewaakanitikw kaa saachihiitakuch, naashch e chii iteyihtamaan chechii masinahamaatakuch chechii aayimuutamaatakuch an pimaachihiikusiiwin misiwe kaa chischeyihtamuhkw. Chek nichii iteyihten taapwe e nituweyihtaakuhch chechii masinahamaatakuch chechii kaachiichimitakuch. Chiwii siihchimitinaawaau maak suuhk chechii aahchiishtamekw chechii kanuweyihtamekw an peyakwaau kaye chihchiwe kaa ishi miyaakanuutwaau che ishi taapwehtahkwaau kaa taapwehtahkwaau.