2 Peter 2:1 - Chishemanituu Utayimuwin: Kaa Uskaach Testament

¹ Chii pechi ihtaauch maan anite utaahch naspaach uchischiwehiichesuuch. Ekun maak yaapach che ispayihch anite niishtaamihch. Chika ihtaauch nitamukw kaa ishi chiskutamaachetwaau mekwesiinuu anit Chishemanituu utiiniim e ihtaayich. Nitamukw chika ishi chiskutamaacheuch, kaye naashch taapwe chika wanihtahiiwemakaniyuu taan che ishi chiskutamaachetwaau. Waawaach aniyuu kaa nipistamaakutwaau tekash chika aataweyimeuch. Ekut maak anit che uhchi ihtuutaasutwaau sischikuuch chechii wanaatisiitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒌ ᐯᒋ ᐃᐦᑖᐅᒡ ᒫᓐ ᐊᓂᑌ ᐅᑖᐦᒡ ᓇᔅᐹᒡ ᐅᒋᔅᒋᐌᐦᐄᒉᓲᒡ᙮ ᐁᑯᓐ ᒫᒃ ᔮᐸᒡ ᒉ ᐃᔅᐸᔨᐦᒡ ᐊᓂᑌ ᓃᔥᑖᒥᐦᒡ᙮ ᒋᑲ ᐃᐦᑖᐅᒡ ᓂᑕᒧᒄ ᑳ ᐃᔑ ᒋᔅᑯᑕᒫᒉᑣᐤ ᒣᑴᓰᓅ ᐊᓂᑦ ᒋᔐᒪᓂᑑ ᐅᑏᓃᒻ ᐁ ᐃᐦᑖᔨᒡ᙮ ᓂᑕᒧᒄ ᒋᑲ ᐃᔑ ᒋᔅᑯᑕᒫᒉᐅᒡ, ᑲᔦ ᓈᔥᒡ ᑖᐺ ᒋᑲ ᐗᓂᐦᑕᐦᐄᐌᒪᑲᓂᔫ ᑖᓐ ᒉ ᐃᔑ ᒋᔅᑯᑕᒫᒉᑣᐤ᙮ ᐙᐙᒡ ᐊᓂᔫ ᑳ ᓂᐱᔅᑕᒫᑯᑣᐤ ᑌᑲᔥ ᒋᑲ ᐋᑕᐌᔨᒣᐅᒡ᙮ ᐁᑯᑦ ᒫᒃ ᐊᓂᑦ ᒉ ᐅᐦᒋ ᐃᐦᑑᑖᓱᑣᐤ ᓯᔅᒋᑰᒡ ᒉᒌ ᐗᓈᑎᓰᑣᐤ᙮

2 Peter 2:1 Iomraidhean Croise

Matthew 10:33

Ekw maak awen e itaat aweyuu ekaa taapweyimit nika itaau kaye niya Nuuhtaawii kihchikiishikuhch kaa ihtaat, namui nichischeyimaau.”

Matthew 24:11

Mihchetu machi uchischiwehiichesuuch chika takushinuuch che wiyeshihaatwaau aweyuuh, mihchetu maak aweyuu chika ihtuutaweuch chechii puuniyich e taapwehtamiyich.

Matthew 24:24

Kata ihtaauch awenichii e wiyeshihiiwetwaau e itwetwaau niya Christ. Kata ihtaauch kaye machi uchischiwehiichesuuch. Eukunich maak uchii nanaahkuu maamishkaach waapahtiiwewinh che waapahtiiwetwaau kaye kata ihtuutamuch e maamishkaateyihtaakuniyikwaauh chekwaayuuh. Ekut maak che uhchi wiyeshihaatwaau aweyuu nitamukw chechii ishi taapwehtamiyich. Aniyuuh maak Chishemanituu kaa wiyaapamaayich aweyuuh eukunh aniyuuh che wii wiyeshihaatwaau.

Matthew 24:5

Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, ‘Eukw niya Christ.’ Mihchetu maak aweyuu chika wiyeshimeuch.

Matthew 7:15

“Ayaakwaamiishtawaahkuch machi uchischiwehiichesuuch. Mwehch maanishchaanishach ishinaakusuuch utah uschich mikw maak piihch anite upimaatisiiwiniwaahch mwehch mahiihkanich iteyihtaakusuuch.”

Mark 13:22

Kata ihtaauch awenichii e wiyeshihiiwetwaau e itwetwaau Niya Christ. Kata ihtaauch kaye machi uchischiwehiichesuuch. Eukunich maak uchii nanaahkuu maamishkaach waapahtiiwewinh che waapahtiiwetwaau kaye kata ihtuutamuch e maamishkaateyihtaakuniyikwaauh chekwaayuuh. Ekut maak che uhchi wiyeshihaatwaau aweyuu nitamukw chechii ishi taapwehtamiyich. Aniyuuh maak Chishemanituu kaa wiyaapamaayich aweyuuh eukunh aniyuuh che wii wiyeshihaatwaau.

Luke 12:9

Ekw maak ihtaate awen e itaat aweyuu ekaa taapweyimit, nika itaayuuh kaye Chishemanituu utenchilam, ‘Namayeu an nitiiniim.’

Luke 21:8

Jesus maak chii iteu, “Yaakwaamiikw ekaa awen chechii wiyeshimitaakw. Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, Eukw niya Christ. Mihchetu maak aweyuu chika wiyeshimeuch. Kaye maak chika itweuch, shaash peshunaakun che ispayihkwaau uyuu chekwaayuu. Ekaawii maak chika uhchi nuushuushkuwaawaauch uchii.

Luke 6:26

Yaakwaau chiyawaau kaa miywaachimikuyekw, wesh anichii kaa miywaachimitaakuch, aniyehkaanaan maak uwaahkumaakanawaau, ekun mwehch kaa ishi miywaachimaayich machi uchischiwehiichesuuh.”

Romans 16:18

Namui Chitipeyihchikeminuuh Christ atushkuweuch uchii uyuu e ihtitwaau, mikw taan aniyuuh chekwaayuuh chechii miichitwaau maak taan aniyuuh ekaa chechii miichitwaau eukunh mekushkaateyihtamihiikutwaau. Naashch taapwe miyuuhtaakuhiisuuch taan e ishi ayimitwaau kaye nitamukw ihtuuch aniyuu e miywaachimaatwaau aweyuu. Ekut maak wehchi wiyeshimaatwaau aniyuuh naashch kaa wehchipayihch chechii wiyeshimaakanuyich.

1 Corinthians 11:19

Yaaitei puut nituweyihtaakuniyiche chechii ihtakuhch pahkaanipayihuwin yaakw chechii nisituunaakusitwaau taan anichii tiyaapwetwaau Chishemanituu ishi e ihtaayich.

1 Corinthians 6:20

Wesh chekwaayuu chii ishi tipahiicheu chechii ayaausk. Aapachihtaa chiiyuu Chishemanituu chechii chisteyihtaakuhiit.

1 Corinthians 7:23

Mistahii chii ispitikuu Christ wiya chechii tipeyimisk. Ekaawii maak pachishtin naapeu chechii tipeyimisk.

Galatians 2:4

Mikw maak chii ihtaauch naapeuch chiimuut e chii pechi piihtepayihutwaau anit e ihtaawachiht muyaam e taapweyimaatwaau kaye wiyawaau Jesus e ihtitwaau. Nichii wii naanituu chischeyimikunaanich taan e ishi tipeyimachiht Jesus Christ e wiicheumachiht, an kaa aapihkuniyimiht. Eukw uyuu kaa ihtitwaau e chii wii ihtuutuuyimihtwaau kaau chechii maahchikwaapihkaatikuyaahch wiishuwewin.

Galatians 3:13

Christ chichii naatamaakunuu taan kaa ishi nishuuwanaachimikuyihkw wiishuwewinihch uhchi ekw wii miiskuch kaa nishuuwanaachimaakanuut. Wesh itashteu Chishemanituu utayimuwinihch, Misiwe awen mistikuhch kaa akuyaakanuut nishuuwanaachimikuu Chishemanituu.

Galatians 4:17

Naashch taapwe chiwii naheyihtamihiikuwaauch anichii aahchiiuh kaa ishi chiskutamaachetwaau. Mikw maak ihtakuniyuu taan e ishi ekaa muyaam iteyihtaakuniyich taan waa ihtitwaau. Chiwii ihtuutaakuwaauch ekaa chechii aapateyimiyekw niya, wiyawaau teyakuch chechii nituhtawekuch.

Galatians 5:20

Kaye maak manituuhkaanh e nuuchiishtuwaat kaye maamaahtaawaatisiiwiniyuu e mukushkaachishtaat. Uyuu e ishi pimaatisiitwaau awenichii wauhkaateyimituuch, mamachipayihkahtaatuuch, naashch taapwe wiihchi wauhteyimeuch aweyuuh, aahkuyuwesuuch, kaye muush wii naniikaaneyihtaakuhiisuuch. Kakatipaanipayiheuch aweyuuh kaye pahkaanihiisuuch wiyawaau taan waa ihtitwaau chechii ihtitwaau.

Ephesians 1:7

Wesh Christ kaa nipistamaatahkw aashiteyaahtikuhch, ekut kaa uhchi aapihkunikuyihkw, chimachihtwaawinuuh chichii wepeyihtamaakunaanuu. Taapwe mishaayuu Chishemanituu ushaweyihchichewin.

Ephesians 4:14

Ekw maak namui chika uhchi awaashiyuuweyihtaakusinaanuu. Muyaam e papaamuwepahukuyihk taan e ishi Chiskutamaachetwaau kaa wiyeshihiiwetwaau chechii ishinaakusiihkw, eukw uchii kaa ihtuutuwaatwaau aweyuu chechii machituutamiyich nanaahkuu e ishi pisiiwiyaatwaau.

Philippians 3:19

Eshkw kata nachishkamuch wanaachihiiwewiniyuu. Taan e ishi nituweyihtamuumakaniyikwaauh wiiyuuwaauh eukw chihchiwe niyaakataweyihtamihiikutwaau. Mamihchihiikuuch taan e ihtitwaau. Chipaa pimaameyimuhiikuuch maak aniyuuh ihtuwinh. Mikw taan e itaatisiinaanuyich utah aschiihch eukun mikw miyaamituneyihtamihiikutwaau.

Colossians 2:18

Ekaawii chika uhchi pachishtinaawaauch anichii awenichii ayaahch kaa ihtitwaau e tipihteyimisutwaau kaye enchilh kaa nuuchiishtuwaatwaau chechii pisiiwiitaakuch e wii ayaayekw chikaaniyuwinawaau. Euk uchii naashch taapwe piichishkweuhiikuuch taan e ishi waapahtahkwaau waapahtiiwewinh. Namui maak aapateyihtaakuniyuu aniyuu taan e ishi aayimuutahkwaau, wesh mikw e ishi maamituneyihtaakanuyich utah aschiihch ekun pishikw e ishi maamituneyihtahkwaau.

Colossians 2:8

Ekaawii maak awen chika uhchi wiyeshimikuwaau aniyuu uhchi taan e ishi nitamukw chiskutamaachet, wesh aniyuu taan e ishi taapwehtahk naapeuh chii aashuu chiskutamaacheyuu. Anichii ahchaahkuch kaa waawiishuwetwaau taan che ishi pimaatisiinaanuyich utah aschiihch wiyawaau e ihtaatwaau uhchipayiniyuu. Namui Christ e ihtaayich uhchipayiniyuu.

1 Timothy 5:8

Wesh chiishpin awen ekaa mitun waa wawiichihaakwe tipiiwe uwaahkumaakanh kaye aniyuuh anit tipiiwe e peyakuteusiit kaa ihtaayich mitun ekaa taapwehtahk taapwewiniyuu ishinaakusuu uyuu e ihtit. Etituu wiya namui muyaam ihtuu ishpishaat aniyuu ekaa kaa taapwehtamiyich.

2 Timothy 4:3

Wesh kata utihchipayuu taanit ekaa che uhchi nituhtahkwaau awenichii aniyuu tiyaapwemakaniyich chiskutamaachewiniyuu. Teyakuch kata naanitaweyimeuch aweyuu chechii chiskutamaakutwaau wiyawaau taan waa ishi pehtahkwaau.

Titus 1:11

Iteyihtaakuniyuu maak chechii chipihchihaakanuutwaau uyuu e ishi wiihtamaachetwaau wesh machipayiheuch aweyuu e chiskutamuwaatwaau aniyuu chekwaayuu ekaa chipaa uhchi chiskutamuweuch mikw aniyuu e wii ushuuliyaamihkaasutwaau uhchi.

Titus 3:10

Ihtaate awen muush e ihtuutawaat chechii machipayiyich umaamuuayimihaau kaye chechii ihtuutawaat chechii pahkaanipayihuyich wiihtamuu peyakwaau maak niishwaau chechii puuniit aniyuu e ihtit. Ekaa maak nituhtaaske ekush ekaa piskaas.

Hebrews 10:29

Etituu maak chika iteyihtaakuniyuu an awen yaapach kaa machituutahk aat e chischeyihtahk ekaa kuiskw ihtit. Uyuu e ihtit maayeyimeu Chishemanituu Ukusiyuu. Maayeyihtamuweu umihkuyuu kaa siikanikaateyich aashiteyaahtikuhch kaa nipahaakanuyich. Maayeyihtam aniyuu kaa ushkaayich niskumuwiniyuu aniyuu Chishemanituu kaa ushihtamuwaayich utiiniimiyuu. An awen uyuu kaa ihtit maayeyimeu kaye Kaa payehtisiyich Ahchaahkwa an kaa chischeyihtamihiitahkw Chishemanituu ushaweyihchichewiniyuu. Uu awen ishinaakuniyuu taapwe chechii waweshihaakanuukupane.

1 Peter 1:8

Aat ekaa wiiskaat uhchi waapamekw Jesus yaapach chisaachihaawaau kaye maak aat ekaa waapamekw anuhchiish yaapach chichii taapweyimaawaau. Chichii muuchicheyihtenaawaau, an maak e ishpish muuchicheyihtamekw namui nihaau chichii wiihtenaawaau taan e ishpish miyeyihtamekw.

2 Peter 2:3

Aniyuu maak che ishpish wii weyuuch ayaatwaau uchii naspaach chiskutamaachesuuch nitamukw tipaachimuwin chika waawiihtamaakuwaauch. Ekut maak niyaanitam aniyuu nitamukw e itaachimushtaataakuch che uhchi wii itaapachihiitaakuch chechii uhchi ushuuliyaamihkaasutwaau. Eukunich maak uchii shaash weskach kaa ayeskushteyich taan che ishi waweshihaakanuutwaau kaye muush chii cheshtinaachisteyuu taan che ishi wanaatisiitwaau.

1 John 2:26

Chimasinahamaatinaawaau e aayimuutamaatakuch anichii kaa wii wiyeshimitaakuch.

1 John 4:1

Niichishaanitikw kaa saachihiitakuch ekaawii misiwe awen Chishemanituuh kaa aayimuutamaataakw mikw chika uhchi ishi taapwehtawaawaau. Yaakwaau nituu chischeyimaahkuch ati chechii uhchi chischeyihtamekw taapwe Chishemanituu e ihtaayich wehchipayikwe taan e ishi chiskutamaachetwaau. Wesh mihchetuuch mishihte utah aschiihch anichii machi uchischiwehiichesuuch.

Jude 1:18

Chichii itikuwaauch, “Utihchipayihkwaawenh maahchishtai e chiishikaakwaauh chika ihtaauch naapeuch e maayeyimitaakuch, mikw taan e ishi nitamukw iteyihtahkwaau chechii ihtitwaau aniyuu ekaa Chishemanituuwaatisiitwaau ekun che ihtitwaau.”

Jude 1:4

Wesh ihtaauch ekaa mitun Chishemanituuwaatisiitwaau naapeuch chiimuut e chii uhchi ihtaatwaau mekwesiinuu anit e ihtaawekw. Nitamukw ishi chiskutamaacheuch e iteyihtaakuniyich Chishemanituuh ushaweyihchichewiniyuu. Itweuch ekaa wiyesh iteyihtaakuniyich awen aat nitamukw e itaatisiit wesh yaapach chika wepeyihtamaakuu Chishemanituu. Namui uhchi wii nanihiihtaweuch Utipeyihchikeu Jesus aniyuu wechimaamiihkw. Weskach maak anite, Chishemanituu umasinahiikanihch chii niikaan wiihtaakun anit eshkw che waweshihaakanuutwaau uchii.

Revelation 13:14

Anichii maak awenichii anite aschiihch kaa ihtaatwaau chii wiyeshihiikuuch uyuu kaa ishi pachishtinaakanuyich uyuuh machi aweshiisa chechii maamishkaach ihtiyich e kanawaapamikuyich aniyuu kutak machi aweshiisa. Anichii awenichii aschiihch kaa ihtaatwaau chii itikuuch aniyuu niishu kaa ihtaayich machi awesiisa chechii ushihaatwaau manituuhkaan e chisteyihtaakuhaatwaau aniyuu machi aweshiisa chihchiwe kaa mishuwaakanihkaatikuyich nitupayuuhkumaaniyuu mikw maak yaapach e chii pimaatisiyich.

Revelation 2:13

Nichischeyihten anit waachiyekw, machimanituu e uchimaaut anit. Aat maak anit e wiichiyekw yaapach namui chipuuniinaawaau e taapweyimiyekw. Namui kuuhchi chiiwekaapuushtunaawaau aat anit mekwaach kaa nipahaakanuut aniyaa kaa nuushuushkuut Anitipas, an kuiskw kaa chii ishi tipaachimit. Anit waachiyekw ekut kaa nipahaakanuut, anite machimanituu waachit.

Revelation 2:9

Nichischeyihten taan e ishi nanehkaateyimuhiikuyekw. Nichischeyihten e chistimaatisiyekw mikw maak yaapach chimiisitisiinaawaau. Nichischeyihten taan e ishpish machaayimuumitaakuch anichii Jewa nititiskaanesinaan kaa itwetwaau, ekaa maak Jewa itiskaanesitwaau. Machimanituu e ihtaayich uhchiyuuch anichii.

Revelation 3:8

Chichischeyimitinaawaau taan e ihtiyekw. Chichischeyimitinaawaau ekaa naashch chischeyimakuyekw. Yaapach maak chichii nanihiihtuunaawaau taan kaa itashumitakuch kaye namui chuuhchi puuniinaawaau e taapweyimiyekw. Chichii aapahamaatinaawaau maak ishkwaahtem ekaa awen chechii chipahwaat.

Revelation 5:9

Anichii maak neu kaa pimaatisiitwaau awenich kaye anichii niishtunuu neu kaa chisteyihtaakusitwaau chisheinuuch chii nikamuuch nikamuwiniyuu ekaa nihtaa eshkw uhchi nikamunaanuyich. Maau kaa itahamaasutwaau, “Chiya, Maanishchaanish, chitepicheyihtaakusin chechii utinamin an masinahiikan. Chitepicheyihtaakusin chechii maniman e ishi chiishaawaach pasakuhiikanuuhch. Wesh chiya chichii nipahiikuun. Chimihkuhch maak ekut kaa uhchi wiihkuchihiitwaau awenichii misiwe e itiskaanesitwaau kaye misiwe e ishi maamuuteushiitwaau kaye nanaahkuu e ishi ayimitwaau, Chishemanituuh chechii utiiniimitutaakutwaau.

Revelation 6:10

Chii chisheweuch maak e tepwetwaau, “Nitipeyihchikeminaan kaa suuhkaatisiyin, kaa payehchisiyin, kaa tepicheyihtaakusiyin chechii taapweucheyimikuyin. Taaishpish che wiyaaskunitwaau anichii anite aschiihch kaa ihtaatwaau kaa nipahiyiamihtwaau. Taaishpish che taapishtuutwaau anichii kaa nipahiyiamihtwaau.”