2 Peter 1:12 - Chishemanituu Utayimuwin: Kaa Uskaach Testament

¹² Eukw wesh kiipaa kaye uu che uhchi muush wii chischisuumitakuch uyuu chekwaayuu aat shaash e chischeyihtamekw kaye shaash e cheshtinaateyihtamihiikuyekw taan e ishi taapwehtamekw anuhchiish.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐁᐅᒄ ᐌᔥ ᑮᐹ ᑲᔦ ᐆ ᒉ ᐅᐦᒋ ᒨᔥ ᐐ ᒋᔅᒋᓲᒥᑕᑯᒡ ᐅᔫ ᒉᒀᔫ ᐋᑦ ᔖᔥ ᐁ ᒋᔅᒉᔨᐦᑕᒣᒄ ᑲᔦ ᔖᔥ ᐁ ᒉᔥᑎᓈᑌᔨᐦᑕᒥᐦᐄᑯᔦᒄ ᑖᓐ ᐁ ᐃᔑ ᑖᐺᐦᑕᒣᒄ ᐊᓄᐦᒌᔥ᙮

2 Peter 1:12 Iomraidhean Croise

ᐊᐸᔅᑕᓚᒡ 16:5

Ekw anichii umaamuuayimihaauch wetaach chii ati yaaichikaapuuch taapwehtamuwinihch ishi kaye tahtwaau e chiishikaayich chii ati mihchetuuch awenichii e taapwehtahkwaau.

Philippians 3:1

Ekw maak niichishaanitikw, eshkw ekaa chiishihtaayaan uu kaa masinahamaatakuch chiwii ititinaawaau chechii miyeyihtamekw Utipeyihchikeu e tipeyimitaakw. Namui wiyesh nititeyihten miin chechii aayimuutamaatakuch taan kaa itasinahamaatakuch utah utaahch, wesh chika ihtakun taan che ishi wiichihiikuyekw uu.

Colossians 1:5

Anit uskach kaa waawiihtamaakuyekw miywaachimuwin, uu taapwewin ayimuwin kaa ishinihkaatech, ekut kaa pehtamekw taan e ishi ihtakuhch aspeyimuwinihch. Ekw maak aspeyimuwin e ayaayekw ekut wehchi ishinaakuhch chechii taapweyimekw Christ kaye chechii saachihiiweyekw. Uu maak taan e ishi aspeyimuyekw kihchikiishikuhch kanuweyihtaakanuu.

Colossians 2:7

Pachishtinaahkw chechii ihtuutaataakw kuiskw chechii ishi pimaatisiiwekw kaye chechii miitaakw maskuusiiwiniyuu, muyaam mistikw nitaamihch aschiihch e ishi kutaaupayiyich utapiih chechii suuhchikaapuut ekun chipaa ishinaakusinaawaau. Ekun chipaa wii ishi suuhchikaapuunaawaau taan e ishi taapwehtamekw. Ekw maak wetaach muush che taapweyimekw mwehch kaa ishi chiskutamaakuyekw chechii ihtiyekw. Kaye maak muush chipaa nanaaskumaawaau.

1 Timothy 4:6

Chiishpin maak uyuu ishi waawiihtamuutwaawenich wiichishaanimaauch chika miyu atushkuwaau Christ Jesus wesh chika miyu nihtaauchihiikuun taan e ishi taapwemakaniyich Chishemanituu utayimuwin kaye an miyu chiskutamaachewin kaa ishi nuushunehaman.

2 Timothy 1:6

Eukw maak uu wehchi wii chischisuumitan suuhk muush chechii aapachihtaawat aniyuu miiwewiniyuu Chishemanituu kaa miisk iskutak kaa saaminitaan e ayimiheshtamaataan.

Hebrews 10:32

Suuhk maak maamituneyihtamihiikuukw niishtam taan kaa ishi pehtamekw e aayimuumaakanuut Christ. Maamituneyihtamukw taan kaa ishi suuhchikaapuuyekw kaa nanehkaachihiikuyekw iskutak kaa pimaachihuyekw. Naashch taapwe chii yaaitan chitaapwehtamuwinawaau.

Hebrews 13:9

Yaakwaamiikw ekaa chechii wiyeshihiikuyekw chechii ati taapwehtamekw nanaahkuu nitamukw Chiskutamaachewinh. Wesh miywaashuu mitehii chechii yaaichikaapuuhch shaweyihchichewinihch, namui wii miichimihch. Wesh namui wiichihiikuu awen miichimiyuu chechii yaaichikaapuut taapwehtamuwinihch ishi.

1 Peter 5:10

Iskutak maak chiishi nanehkaateyimuyekwe chika ihtuutaakuwaau Chishemanituu miin chechii wiikaapuwekw, chika miikuwaau maskuushiiwiniyuu, chika yaaichikaapuuhiikuwaau, kaye chika sakascheyimuhiikuwaau. Chishemanituu an kaa ayaat misiwe shaweyihchichewiniyuu chiwiishaamikunuu chechii wiichihiiweyihkw anite kaachiche uchisteyihtaakusuwinihch Christ e ihtaayich uhchi.

1 Peter 5:12

Ihtaau peyakw niichishaan e taapweucheyihtaakusit e iteyimak. Silas ishinihkaasuu. Eukw uu kaa wiichihiit uyuu apishiish e masinahamaatakuch. Uu maak kaa masinahamaatakuch chiwii siihchimitinaawaau chechii yaaichikaapuyekw kaye chiwii cheshtinaateyihtamihiitinaawaau eukw uyuu taapwe Chishemanituu ushaweyihchichewin kaa aayimuutamaataahch. Ekut maak anit ushaweyihchichewinihch ishi yaaichikaapuwaahkw.

2 Peter 1:13

Ekun kiipaa taapwe e ishi miyawaach chechii ihtuutaatakuch nititeyihten, muush chechii chischisuumitakuch uyuu chekwaayuuh eshkw mekwaach e pimaatisiyaan.

2 Peter 1:15

Ekun maak che uhchi kwaast ihtiyaan chechii nisituhtamihiitakuch uyuu chekwaayuu muush chechii chischisiyekw iskutak ekaa pimaatisiyaane.

2 Peter 3:1

Niiwiichewaakanitikw eukw uu niishwaa che masinahamaatakuch. Taapishkun anit kaa masinahamaatakuch suuhk nichii kuchihtaan chechii wiichihiitakuch chechii payehchi maamituneyihtamihiikuyekw misiwe chekwaan e chischisuumitakuch uyuu chekwaayuu.

2 Peter 3:17

Chiyawaau maak wii niichishaanitikw shaash chichischeyihtenaawaau misiwe uu. Yaakwaamiikw maak ekaa chechii wanihtahiitutaakuch anichii ekaa kaa ayaapateyihtahkwaau taan e ishi wiishuwaanuyich. Wesh chiishpin uu ispayihche chika wanihtahiikunaawaau taanite an e ihtaayekw mekwaach, an e chii cheshtinaateyihtaakuhtaakanuuhch taanite naapuuyekw.

1 John 2:21

Namui wii e iteyimitakuch ekaa chischeyihtamekw taapwewin wehch masinahamaatakuch. E chischeyihtamekw taapwewin kaye maak e chischeyihtamekw ekaa ihtakuhch nanatayuwin anite taapwewinihch ekun wehchi masinahamaatakuch.

2 John 1:2

Wesh chikanuweyihtenaanuu kaye chinanihiihtenaanuu taapwewin chitehiinaahch kaye maak ekut muush che ihtakuhch kaachiche.

Jude 1:17

Chischisikw mikw, niichishaanitikw, taan kaa ishi niikaan aayimuutamaataakuch Chitipeyihchikeminuu Jesus Christ utapastalimh.

Jude 1:3

Niwiichewaakanitikw kaa saachihiitakuch, naashch e chii iteyihtamaan chechii masinahamaatakuch chechii aayimuutamaatakuch an pimaachihiikusiiwin misiwe kaa chischeyihtamuhkw. Chek nichii iteyihten taapwe e nituweyihtaakuhch chechii masinahamaatakuch chechii kaachiichimitakuch. Chiwii siihchimitinaawaau maak suuhk chechii aahchiishtamekw chechii kanuweyihtamekw an peyakwaau kaye chihchiwe kaa ishi miyaakanuutwaau che ishi taapwehtahkwaau kaa taapwehtahkwaau.

Jude 1:5

Aat maak shaash misiwe e chischeyihtamekw uu che ishi waawiihtamaatakuch, chiwii chischisuumitinaawaau Utipeyihchikeu e chii wiihkuchihaat aniyuuh Israel iinuuh Egypt kaa ishinihkaateyich aschiiyuu uhchi ekw aniyuu ekaa kaa taapwehtamiyich paatimaa chii wanaachiheu.