1 Peter 5:6 - Chishemanituu Utayimuwin: Kaa Uskaach Testament

⁶ Tipihteyihtaakuhiisukw maak e nanihiihtuwekw Chishemanituu an kaa suuhkaatisiit, wesh chika uhpinikuwaau taanit iteyihtahke wiya che uhpinitaakw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᑎᐱᐦᑌᔨᐦᑖᑯᐦᐄᓱᒄ ᒫᒃ ᐁ ᓇᓂᐦᐄᐦᑐᐌᒄ ᒋᔐᒪᓂᑑ ᐊᓐ ᑳ ᓲᐦᑳᑎᓰᑦ, ᐌᔥ ᒋᑲ ᐅᐦᐱᓂᑯᐙᐤ ᑖᓂᑦ ᐃᑌᔨᐦᑕᐦᑫ ᐎᔭ ᒉ ᐅᐦᐱᓂᑖᒄ᙮

1 Peter 5:6 Iomraidhean Croise

Matthew 23:12

Wesh awen mistahii kaa wii iteyimikusiit kata ihtakuniyuu taan che ihtuutawaakanuut anit chechii uhchi niihteyimitisuut. An maak kaa tipihteyimitisut eukun an mistahii che iteyihtaakuhiikut Chishemanituu.”

Luke 1:52

Utapuwiniihch chii uhchi niihtineu aniyuu naashch kaa uchimaaweyihtaakusiyich chisheuchimaau ekw kaa chisteyihtaakuhaat aniyuu kaa tipihteyihtaakusiyich.

Luke 14:11

Wesh awen mistahii kaa wii iteyimikusiit Chishemanituu chika tipihteyimuhiikuu. An maak kaa tipihteyimitisut eukw an che chisteyihtaakuhiikut Chishemanituu.”

Luke 18:14

Chiwiihtamaatinaawaau maak, uu naapeu chii chiiweu taapwe e kuiskunaakusit Chishemanituu e kanawaapamikut. Namui wii an Pharisee. An awen mistahii kaa iteyimisut kata tipihteyihtaakuhiikuu Chishemanituu ekw an kaa tipihteyimitisut awen eukw che chisteyihtaakuhaakanuut.”

Romans 5:6

Wesh anit mekwaach kaa ishinaakusiihkw ekaa mitun chechii pimaachihiisuyihkw, Christ chii nipistamuweu umachihtwaau. Anit maak Chishemanituuh kaa wiyeyihtamiyich uyuu chechii ihtuutamaatahkw ekut kaa nipuushtamaatahkw.

1 Corinthians 10:22

Uu ihtiihkwe, chika chishuwaahaanuu Chishemanituu nesht chika uhteyihtam. Chititeyihtenaanuu aa uste chiyaanuu e suuhchisiihkw ishpishaat Chishemanituu.

1 Timothy 2:6

Eukw maak uu naapeu kaa pachishteyihtamihiikut upimaatisiiwin chechii uhchi wiihkuchihaat misiwe aweyuu umachihtwaawaniihch uhchi. Ekut maak kaa utihchipayihch anit che miyupayihch Chishemanituu chechii nuukuhtaat taanit chechii uhchi pimaachihaat misiwe aweyuu.

Titus 1:3

Ekw maak wetihchipayiyich anit wiya Chishemanituu kaa iteyihtamihiikut chechii chischeyihtaakunuyich miywaachimuwiniyuu. Ekw maak misiwe awen wiyaawiihtamuuhk uyuu miywaachimuwiniyuu. Niya nichii miikw Chishemanituu chipimaachihiiweminuu chechii aapatisiihkahtamaan uu.

James 4:10

Tipihteyimitisuustuwaahkw Utipeyihchikeu ekw maak che uhpinitaakw.

James 4:7

Pachishteyimitisuustuwaahkw Chishemanituu. Nishkuushtuwaahkw machimanituu ekw maak che usimitaakw.

James 5:10

Niichishaanitikw maamituneyimaahkuch maa uchischiwehiichesuuch anichii Chishemanituuh kaa pechi itishahukutwaau chechii ayimistamuwaatwaau. Naashch taapwe chii siipiiwesiyuuch e nanehkaachihaakanuutwaau. Eukun maak chipaa ihtinaawaau kaye chiyawaau.