1 Peter 5:12 - Chishemanituu Utayimuwin: Kaa Uskaach Testament

¹² Ihtaau peyakw niichishaan e taapweucheyihtaakusit e iteyimak. Silas ishinihkaasuu. Eukw uu kaa wiichihiit uyuu apishiish e masinahamaatakuch. Uu maak kaa masinahamaatakuch chiwii siihchimitinaawaau chechii yaaichikaapuyekw kaye chiwii cheshtinaateyihtamihiitinaawaau eukw uyuu taapwe Chishemanituu ushaweyihchichewin kaa aayimuutamaataahch. Ekut maak anit ushaweyihchichewinihch ishi yaaichikaapuwaahkw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹² ᐃᐦᑖᐤ ᐯᔭᒄ ᓃᒋᔖᓐ ᐁ ᑖᐺᐅᒉᔨᐦᑖᑯᓯᑦ ᐁ ᐃᑌᔨᒪᒃ᙮ ᓴᐃᓚᔅ ᐃᔑᓂᐦᑳᓲ᙮ ᐁᐅᒄ ᐆ ᑳ ᐐᒋᐦᐄᑦ ᐅᔫ ᐊᐱᔒᔥ ᐁ ᒪᓯᓇᐦᐊᒫᑕᑯᒡ᙮ ᐆ ᒫᒃ ᑳ ᒪᓯᓇᐦᐊᒫᑕᑯᒡ ᒋᐐ ᓰᐦᒋᒥᑎᓈᐙᐤ ᒉᒌ ᔮᐃᒋᑳᐳᔦᒄ ᑲᔦ ᒋᐐ ᒉᔥᑎᓈᑌᔨᐦᑕᒥᐦᐄᑎᓈᐙᐤ ᐁᐅᒄ ᐅᔫ ᑖᐺ ᒋᔐᒪᓂᑑ ᐅᔕᐌᔨᐦᒋᒉᐎᓐ ᑳ ᐋᔨᒨᑕᒫᑖᐦᒡ᙮ ᐁᑯᑦ ᒫᒃ ᐊᓂᑦ ᐅᔕᐌᔨᐦᒋᒉᐎᓂᐦᒡ ᐃᔑ ᔮᐃᒋᑳᐳᐙᐦᒄ᙮

1 Peter 5:12 Iomraidhean Croise

John 21:21

Iskutak wiyaapamaat Peter uyuu naapeu chii kakwechimeu Jesus, “Utipeyihchikeu, uu maak wii naapeu.”

ᐊᐸᔅᑕᓚᒡ 11:23

Iskutak maak tekushihk Barnabas anite, wiyaapahtamuwaat maak Chishemanituu taan e ishi shaweyimaayich aniyuu iinuu, chii miyeyihtam. Chii siihchimeu maak chechii yaaichikaapuyich kaye suuhk muush che wii nanihiiwehaayich Utipeyihchikeu.

ᐊᐸᔅᑕᓚᒡ 15:22

Ekw anichii apastalach kaye anichii kaa niikaanishkuwaatwaau umaamuuayimihaauh ekw maak misiwe anichii umaamuuayimihaauch chii naheyihtamihiikuuch taan kaa itweyich James ekw kaa wiyeyimaatwaau niishu naapeuh chechii wiichewaayich Paul ekw maak Barnabas e nituwaapamaayich aniyuu kaa taapwehtamiitwaauh anite Antiochihch kaa ihtaayich. Eukw maak uchii anite kaa itishahwaakanuutwaau, Judas, an Barsabbas kaye kaa chii ishinihkaataakanuut, ekw maak Silas. Chii wiichihiiweuch e niikaanishkuwaakanuyich wiichishaanimaauh uchii naapeuch.

ᐊᐸᔅᑕᓚᒡ 20:24

Namui maak mitun wiyesh nititeyihtamihiikun nipimaatisiiwin tepiyaahch iskutak chiishipayihche nipimaatisiiwin utah aschiihch chii chiishitaayaane taan kaa itashumit Utipeyihchikeu Jesus che itaapatisuuch, eukw uyuu chechii waawiihtamuch miywaachimuwiniyuu. Utah maak miywaachimuwinihch ekut e aayimuuteyich Chishemanituu ushaweyihchichewin.”

Romans 5:2

Christ chichii ihtuutamaakunaanuu muush ekw chechii chischeyihtamukw Chishemanituuh ushaweyihchichewin chipimaatisiiwinaahch. Ekw maak meyeyihtamuhkw e cheshtinaateyihtamuhkw eshkw tekash che chischeyihtamihiitahkw Chishemanituu uchisteyihtaakusuwin.

1 Corinthians 15:1

Ekw maak waa chischisuumitakuch, niichishaanitikw, an miywaachimuwin kaa aayimuutamaan kaa kacheschimitakuch, chichii taapwehtenaawaau kaye maak chichii utinenaawaau taan kaa ishi wiihtamaan. Eukuu miywaachimuwin yaaichikaapuuhiikuyekw.

2 Corinthians 1:19

Wesh Jesus Christ Chishemanituu Ukusisa an kaa aayimuutamaataahch, niyaan kiipaa Silas, Timothy ekw maak niya, cheshtinaateyihtaakusuu taan e itwet, namui wiiskaat nanatayuu. “Ehe” e itwech, cheshtinaateyihtaakuniyuu aniyuu ehe e itwet.

2 Corinthians 1:24

Namui kiipaa wii chiwii wawiishuwaatitinaan chechii wiihtamaataahch chekwaan chipaa taapwehtenaawaau wesh chiyaaichikaapuunaawaau taapwehtamuwinihch ishi. Teyakuch wesin chiwii wiichaapatisiimitinaan chiyawaau chechii uhchi miyeyihtamekw.

Ephesians 3:3

Nichii miikw Chishemanituu chechii chischeyihtamuch aniyuu kaa ishi wiyeyihtamukupane che ihtit ekaa aweyuuh uhchi chischeyihtamiyich. Apishiish nitaayimuuten uu utah uu kaa masinahamaatakuch.

Ephesians 6:21

Tychicus chika takushinuu nete e ihtaawekw chechii wiihtamaataakw taan e ihtuuch kaye taan e ispayuuch. Eukw uu kaa saachihiik chiichishaanuu kaye kuiskw kaa ishi aapatatisit Utipeyihchikeu e atushkuwaat.

Colossians 1:7

Epaphras maak kaa ishinihkaasut niwiichewaakanaan eukw kaa chischeyihtamihiitaakw Chishemanituu uchishewaatisiiwiniyuu kaa waawiihtamaataakw miywaachimuwiniyuu. Naashch taapwe nisaachiwiichewaanaan e wiitaapatisiimachiht uu Epaphras. Muush kuiskw ishi atushkuweu Christ kaye wiya. Naashch taapwe nimiyuu wiichihiikunaan taan e ishi atushkuwaat Christ.

Colossians 4:7

Chiichishaanuu Tychicus naashch kaa saachihachiht kaye muush kuiskw kaa ihtit ayimiheu aapachihaakan niwiichi aapatisiimakunaan e atushkaamachiht Utipeyihchikeu. Wiya chika tipaachimushtaakuwaau taan e ihtuuchiht.

Colossians 4:9

Onesimus kaa ishinihkaasuyich chika wiicheukuu. Eukuu chiichishaanuu kuiskw kaa ihtit kaye kaa saachihachiht anite e ihtaawekw kaa uhchiit. Misiwe chika wiihtamaakuwaauch taan e ihtinaanuyich ute.

1 Thessalonians 1:1

Niyaan Paul, Silas, ekw maak Timothy, chimasinahamaatinaan chiyawaau umaamuuayimihaauch anite Thessalonica kaa ihtaayekw Chishemanituu Uhtaawiimaau ekw maak Utipeyihchikeu Jesus Christ kaa tipiweusiitutaataakw. Chitayimiheshtamaatinaan Chishemanituu chechii chishewaach miyutuutaataakw kaye chechii miitaakw chiyaameyihtamuwiniyuu.

2 Thessalonians 1:1

Niyaan Paul, Silas, ekw maak Timothy, chiyawaau umaamuuayimihaauch anite Thessalonica kaa ihtaayekw Chishemanituu Uhtaawiimaau ekw maak Utipeyihchikeu Jesus Christ kaa tipiiweusiitutaataakw chimasinahamaatinaan.

Hebrews 13:22

Niichishaanitikw, chichii masinahamaatinaawaau uu. Namui mikw naashch chinwaau. Chichii masinahamaatinaawaau chechii kaachiichihiitakuch taapwehtamuwinihch ishi. Ekw maak chisiihchimitinaawaau suuhk chechii nanihiihtamekw taan kaa ititakuch.

1 Peter 1:13

Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.

1 Peter 4:10

Misiwe paahpeyakw awen ihtakuniyuu taan e ishi miikut Chishemanituu kaschihuwiniyuu. Eukw maak uyuu kaschihuwiniyuu chipaa aapachihtaau e waawiichihaat kutak aweyuuh, e aashuu miyaat aweyuuh Chishemanituuh ushaweyihchichewiniyuu.

2 Peter 1:12

Eukw wesh kiipaa kaye uu che uhchi muush wii chischisuumitakuch uyuu chekwaayuu aat shaash e chischeyihtamekw kaye shaash e cheshtinaateyihtamihiikuyekw taan e ishi taapwehtamekw anuhchiish.

2 Peter 2:15

shaash chii nakatamuch kuiskw e ishi pimuhtaanuyich Chishemanituu ishi e ihtaayich. Chii paschehteuch chechii nuuspinatamuwaatwaau taan kaa ishi pimuuteyich Balaam, Bosor ukusisiyuu. Uu Balaam kaa ishinihkaasut chii iteyihtamihiikuu chekwaayuu chechii utinamaasut wanihtuwinihch uhchi.

3 John 1:12

An naapeu Demetrius kaa ishinihkaasut misiwe aweyuu miywaachimikuu. Nuukuniyuu taapwe taapwewinihch e ishi pimaatisiit. Kaye niya nimiywaachimaau. Chichischeyihtenaawaau maak e taapwemakahch taan e itweyaan.

Jude 1:3

Niwiichewaakanitikw kaa saachihiitakuch, naashch e chii iteyihtamaan chechii masinahamaatakuch chechii aayimuutamaatakuch an pimaachihiikusiiwin misiwe kaa chischeyihtamuhkw. Chek nichii iteyihten taapwe e nituweyihtaakuhch chechii masinahamaatakuch chechii kaachiichimitakuch. Chiwii siihchimitinaawaau maak suuhk chechii aahchiishtamekw chechii kanuweyihtamekw an peyakwaau kaye chihchiwe kaa ishi miyaakanuutwaau che ishi taapwehtahkwaau kaa taapwehtahkwaau.