1 Peter 5:1 - Chishemanituu Utayimuwin: Kaa Uskaach Testament

¹ Maauyuu waa itakwaau anichii kaa wiichihiiwetwaau e pimipayihtaakanuyich ayimiheukamikuyuu anit e ihtaayekw kaa ihtaatwaau wesh kaye niya niwiichihiiwen e pimipayihtaakanuuhch ayimiheukamikw. Nika chii tipaatutamuwaan kaye taan kaa ishi nanehkaateyimuhaakanuut Christ kaye maak nika chisteyihtaakuhiikuun kaye niya iskutak nuukuhtaakanuwiiche anit Christ che chisteyihtaakuhaakanuut. Maauyuu waa itakwaau,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒫᐅᔫ ᐙ ᐃᑕᒀᐤ ᐊᓂᒌ ᑳ ᐐᒋᐦᐄᐌᑣᐤ ᐁ ᐱᒥᐸᔨᐦᑖᑲᓄᔨᒡ ᐊᔨᒥᐦᐁᐅᑲᒥᑯᔫ ᐊᓂᑦ ᐁ ᐃᐦᑖᔦᒄ ᑳ ᐃᐦᑖᑣᐤ ᐌᔥ ᑲᔦ ᓂᔭ ᓂᐐᒋᐦᐄᐌᓐ ᐁ ᐱᒥᐸᔨᐦᑖᑲᓅᐦᒡ ᐊᔨᒥᐦᐁᐅᑲᒥᒄ᙮ ᓂᑲ ᒌ ᑎᐹᑐᑕᒧᐙᓐ ᑲᔦ ᑖᓐ ᑳ ᐃᔑ ᓇᓀᐦᑳᑌᔨᒧᐦᐋᑲᓅᑦ ᙭ ᑲᔦ ᒫᒃ ᓂᑲ ᒋᔅᑌᔨᐦᑖᑯᐦᐄᑰᓐ ᑲᔦ ᓂᔭ ᐃᔅᑯᑕᒃ ᓅᑯᐦᑖᑲᓄᐐᒉ ᐊᓂᑦ ᙭ ᒉ ᒋᔅᑌᔨᐦᑖᑯᐦᐋᑲᓅᑦ᙮ ᒫᐅᔫ ᐙ ᐃᑕᒀᐤ,

1 Peter 5:1 Iomraidhean Croise

Luke 24:48

Chiyawaau maak chichii waapahtenaawaau taan kaa ispayihch, chechii wiihtamuwekuch kutakach awenichii.

ᐊᐸᔅᑕᓚᒡ 1:22

Uu maak awen che miiskuchishkuwaat Judas utah uu e peyakuminehiituyihkw chika uhtinaanuu kaye shaash anite e chii uhchi wiicheukuyihkw uskach kaa chihchi papaawiicheukw Jesus. Kaye e chii wiicheukuyihkw iskutak kaa siikahaahtaakut Jesus aniyuu John, piihiim maak Jesus kaa wanishkaanaakauut Jesus nipuwinihch uhchi.” Eukw uyuu kaa itwet Peter.

ᐊᐸᔅᑕᓚᒡ 1:8

Chika saakaschineshkaakunaawaau suuhkaatisiiwin, iskutak Kaa payehchisiit Ahchaahkw chii utihtikuyekwe. Ekw maak che papaamaachimiyekw anite Jerusalemihch, misiwe Judea aschiihch, Samariahch kaye misiwe e ispichiskamikaach aschii.”

ᐊᐸᔅᑕᓚᒡ 11:30

Ekun maak kaa ihtitwaau. Chii itishahuweuch Barnabas kaye Saul chechii ituhtataayich aniyuu shuuliyaayuu anite Jerusalemihch chechii miyaayich aniyuuh kaa niikaanishkamiitwaau ayimiheukamikuyuu.

ᐊᐸᔅᑕᓚᒡ 14:23

Ekw maak misiwe taanite kaa ati ihtaayich umaamuuayimihaauh Paul ekw maak Barnabas chii wiyeyimeuch aweyuu chechii niikaanishkuwaayich aniyuu umaamuuayimihaauh anit kaa ihtaayich. Iskutak maak kaa chiishihtaatwaau aniyuu ekaa miichisutwaau mikw e ayimihaatwaau ekw kaa ayimiheshtamuwaatwaau chechii aapachihiikutwaau Utipeyihchikeuh, aniyuuh kaa taapweyimaatwaau.

ᐊᐸᔅᑕᓚᒡ 15:4

Iskutak maak tekushihkwaau anite Jerusalemihch, naasch chii piisaatakuuch aniyuu apastalh kaye aniyuu kaa niikaanishkamiitwaau ayimiheukamikuyuu, kaye aniyuu kutak umaamuuayimihaau, ekw kaa waawiihtamuwaatwaau taan kaa ishi ihtuutamaakutwaau Chishemanituu.

ᐊᐸᔅᑕᓚᒡ 15:6

Ekw anichii apastalach kaye anichii kaa niikaanishkahkwaau ayimiheukamikuyuu chii nishtuwiyuuch e ayimitutahkwaau uyuu kaa ishi kakwechischeyimunaanuyich.

ᐊᐸᔅᑕᓚᒡ 2:32

Ekw Peter miin kaa ati itwet, “Chishemanituu chii wanishkaaneu uyuu Jesus nipuwinihch uhchi. Nichischeyihtenaan uu wesh nichii waapamaanaan.

ᐊᐸᔅᑕᓚᒡ 20:17

Paul maak anite Miletus chii uhchi masinahamuweu aniyuu kaa niikaanishkuwaayich umaamuuayimihaauh anite Ephesus kaa ihtaayich e wiishaamat.

ᐊᐸᔅᑕᓚᒡ 20:28

Suuhk maak naanaakatuweyimisukw kaye suuhk wii miyu kanuweyimaahkuch aniyuuh Kaa payehchisiit Ahchaahkw kaa miitaakw chechii naanaakachihiimekw. Yaakwaau ishi kanuweyimaahkuch umaamuuayimihaauch, wesh Chishemanituu wiya chii tipahahweu uyuuh iskutak Ukusisa kaa pachishtinaat chechii nipahaakanuyich.

ᐊᐸᔅᑕᓚᒡ 21:18

Miin maak wiyaapahch nichii nituwaapamaanaan James misiwe anit e tashiyaahch. Paul kaye nichii wiicheukunaan. Misiwe anichii kaa niikaanishkuwaatwaau aniyuu kaa taapwehtamiyich anit Jerusalemihch kaa ihtaayich chii ihtaauch anit James e ihtaayich.

ᐊᐸᔅᑕᓚᒡ 3:15

Kaye chichii ihtuutawaawaau Jesus chechii nipahaakanuut an kaa miyaat aweyuu pimaatisiiwiniyuu. Mikw maak Chishemanituu chii ihtuutaweu miin kaau chechii pimaatisiyich. Wesh nichii waapamanaan miin kaau kaa wanishkaat Jesus. Nichischeyihtenaan maak e taapwemakahch uu.

2 Corinthians 5:1

Wesh Chichischeyihtenaanuu uyuuh chiiyuunuuh mwehch maahkiih ishinaakun. Peyakwaau e chiishikaach kata niihtinikanuuh. Anite maak kihchikiishikuhch chika miikunaanuu miiyuuh kaachiche che pimaatisiimakahkwaau, muyaam waaskaahiikanh e iteyihtaakuhkwaauh kaachiche che ihtakuhkwaauh. Namayeu wii muhch kaa ushihtaakanuuhch maahkii kaa iteyihtaakuhch kata uhchi iteyihtaakunh. Chishemanituu maak chitayeskuushtamaakunuu uyuu.

2 Corinthians 5:8

Taapwe maak chipaa suuhchitehenaanuu wesh uste chipaa miyeyihtenaanuu nakatamuhkw uyuuh chiiyuunuuh ekw maak chipaa ihtaanaanuu taanite e ihtaat Utipeyihchikeu.

Philippians 1:19

Suuhk maak nika miywaaten, nichischeyihten che pachishtinikuyaan wesh chitayimiheshtamuunaawaau kaye maak Kaa payehchisiit Ahchaahkw nipechi wiichihiikw.

1 Timothy 5:1

Ekaawii chistahamuu awen kaa chisheinuut. E iteyihtaakuniyikwe maak chechii chistahamuwaakanuut chekwaayuu yaakwaau ishi ayimihii muyaam taan chipaa ihtuutawaau tipiiwe kuuhtaawii. Anichii kaa uschiniichuutwaau muyaam tipiiwe e wiichishaaniin chipaa ihtuutawaauch,

1 Timothy 5:19

Ekaawii papaameyihtamukw taan e itaakanuukwe e ishi ataameyihtaakusit kaa niikaanishkahk ayimiheukamikuyuu paatish niishu maak nishtu awenich peyakuniyiche taan e itaachimaatwaau.

2 Timothy 4:8

Shaash ayeskuushteu an chisheuchimaau astuutin aniyuu che miiyaakanuutwaau anichii che kuiskutaatisiitwaau. Eukw maak uyuu che pechi miit Utipeyihchikeu an kuiskw kaa ishi wiyaaskunichet miin pechi takushihke. Namui maak mikw niya nika uhchi miikuun uu e ishinaakuhch astutin, misiwe anichii saachihiiwewinihch kaa ishi pukuseyimutwaau Utipeyihchikeuh miin che takushiniyich kaye wiyawaau kata miyaakanuuch.

Titus 1:5

Chichii nakatitin anit an ministikw Crete kaa ishinihkaatech chechii wiichihiitwaau anichii umaamuuayimihaauch taanit weushtaapayitwaau utaapwehtamuwiniwaahch. Chichii ititin misiwe e tahtihkwaau ihtaawin chechii wiyaapamitwaau anit awenich che niikaanishkuwaatwaau aniyuu umaamuuayimihaauh. Chischisih taan kaa ititaan chipaa iteyihtaakusuu awen e niikaanishkuwaat umaamuuayimihaauh.

Philemon 1:9

Mikw maak saachihiiwewin nitihtuutaakuun teyakuch chechii kakwechimitaan. Namui chika uhchi aayihkamihiitin e wiihtamaataan taan chipaa ihtin aat e chisheinuuyaan kaye chipahutuukamikuhch e ihtaayaan e chii aayimuumak Jesus.

Hebrews 12:1

Maamituneyimaataauch maa anichii kaa mihchetitwaau awenichii naashch kaa waapahtiiwetwaau e taapweyimaatwaau Chishemanituu. Uyuu e chii ihtitwaau kaye chiyaanuu ekun chipaa ihtinaanuu. Ekw maak an uhchi kaye chiyaanuu puunihtaataau misiwe aniyuu chekwaayuu e wanaahiikuyihkw chechii itaatisiihkw aniyuu taan e ishi nituweyimitahkw Chishemanituu chechii itaatisiihkw. Kaye misiwe wepinihtaau aniyuu machihtwaawinh kaa wii tipeyimikuyihkw, ekw maak che pimipahtaayihkw anite e kakwechiskatuhutunaanuuhch anite ahchaahkuwinihch ishi paatish chii utihtamuhkwe anite netaweyimitahkw Chishemanituu chechii ispahtaauhkw.

1 Peter 1:12

Chii chischeyihtamihaakanuuch maak aniyehkaanaanich uchischiwehiichesuuch ekaa wiyawaau mekwaach e pimaatisiitwaau che ispayiyich uyuu. Chiyawaau chechii chischeyihtamuwekw eukw wehchii aayimuutahkwaau aniyuuh chekwaayuuh anuhchiish taan e ishi waawiihtamaataakuch anichii kaa waawiihtahkwaau miywaachimuwiniyuu. Kaa payehchisiit Ahchaahkw an kaa pechi itishahwaakanuut kihchikiishikuhch uhchi eukun an kaa miyaat chechii waawiihtamiyich uyuu miywaachimuwiniyuu. Eukw uyuuh chekwaayuu waawaach enchilich wii chischeyihtamuch.

1 Peter 1:7

Wesh e nachishkamekw chekwaayuu e aayimihkwaau ekut wehchi chischeyihtaakuhch taan nihaau e iteyihtaakuhch chitaapwehtamuwinawaau. Waawaach ushaaushuuliyaanaapiskw, e ishinaakusit chechii wanaachihaakanuut, nituu chischeyimaakanuu ishkutehch taapwe e ushaaushuuliyaanaapiskuukwe, chitaapwehtamuwinawaau maak uste iteyihtaakun e iteyihtaakusit ushaaushuuliyaanaapiskw, iteyihtaakun chechii nituu chischeyihtaakunuuhch taan nihaau e iteyihtaakuhch. Taapwe maak e iteyihtaakunikwe taan chipaa iteyihtaakun chika miywaachimikunaawaau, kaye chika chisteyihtaakuhiikunaawaau kaye chika chishtaachimikunaawaau miin takushihke Jesus Christ.

1 Peter 4:13

Teyakuch chipaa miywaatenaawaau e wiichihiiweyekw taan kaa ishi waawiisacheyihtamihaakanuut Christ, ekw maak che saakaschineshkaakuyekw miywaatamuwin iskutak pechi nuukuhtaakanuyiche uchisteyihtaakusuwin.

1 Peter 5:4

Ekw maak iskutak pechi nuukusite an maauch kaa niikaaneyihtaakusit maanishchaanishuiinuu che miikuyekw an maauch e chisteyihtaakuhch kaaniyuwin an ekaa wiiskach che uhchi paasikunaakuhch.

1 John 3:2

Niichishaanitikw kaa saachihiitakuch, kuutawaashiimitutaakunuu Chishemanituu anuhchiish, mikw maak eshkw namui nuukun taan che iteyihtaakusiihkw, mikw chichischeyihtenaanuu iskutak takushihke mwehch wiya kaa iteyihtaakusit ekun che iteyihtaakusiihkw. Wesh chika waapamaanuu taan nihaau e iteyihtaakusit.

2 John 1:1

Niya peyakw kaa niikaanishkuwaat umaamuuayimihaauh chimasinahamaatin chiya kaa wiyaapamikuyin uchimaashkweu kaye maak Chitawaashiimach nimasinahamuwaauch. Eukw chiyawaau taapwe kaa saachihiitakuch. Namui maak mikw niya chisaachihiitinaawaau. Misiwe kaye anichii kaa chischeyihtahkwaau taapwewiniyuu chisaachihiikuwaauch.

3 John 1:1

Niya John peyakw kaa niikaanishkuwaat umaamuuayimihaau chimasinahamaatin chiya niwiichewaakan Gaius, naashch kaa saachihiitaan.

Revelation 1:9

Eukw niya chiichishaanawaau John. Misiwe chiwiichishaanihtunaanuu Jesus e ihtaat ishi. Chinanehkaateyimuhiikuyihkw an uhchi e nuushuushkuuhkw Jesus mikw maak maamuu chiwii siipiiwesinaanuu taanit anit nechishkamuhkw maan e aayimihch chekwaan. Nichii maakunikuun ekw anite an ministikw Patmos kaa ishinihkaatech kaa tayikuyaan an uhchi e chii waawiihtamaan Chishemanituu utayimuwin kaye e chii tipaachimak Jesus taan kaa aihtit.