1 Peter 4:8 - Chishemanituu Utayimuwin: Kaa Uskaach Testament

⁸ Maauch maak e iteyihtaakuhch eukw uu chihchiwe chechii saachihiituyekw misiwe e tashiyekw wesh saachihiiwewin wepeyihtamuumakan mihchetu machihtwaawinh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᒫᐅᒡ ᒫᒃ ᐁ ᐃᑌᔨᐦᑖᑯᐦᒡ ᐁᐅᒄ ᐆ ᒋᐦᒋᐌ ᒉᒌ ᓵᒋᐦᐄᑐᔦᒄ ᒥᓯᐌ ᐁ ᑕᔑᔦᒄ ᐌᔥ ᓵᒋᐦᐄᐌᐎᓐ ᐌᐯᔨᐦᑕᒨᒪᑲᓐ ᒥᐦᒉᑐ ᒪᒋᐦᑣᐎᓐᐦ᙮

1 Peter 4:8 Iomraidhean Croise

1 Corinthians 13:1

Aat miikuyaan chechii ishi ayimiyaan e ishi ayimitwaau kutakach awenichii kaye e ishi ayimitwaau enchilich, ekaa maak ayaayaan saachihiiwewin namui wiyesh chipaa uhchi itaapatan an kaa ishi miikuyaan chechii ishi ayimiyaan wesh mwehch mikw e mamatweyaapiskahiikanuuhch piywaapiskw nipaa itihtaakusin.

1 Corinthians 13:4

Awen e saachihaat aweyuu naashch miyutuutaweu kaye siipiiwesiistuweu, namui kaye waauhteyihtam kaye namui maamihchimuu,

Colossians 3:14

Maau maauch chihchiwe e iteyihtaakuhch eukw chechii saachihiituyekw. Saachihiituyekwe misiwe chika miyu wiicheutunaawaau.

1 Thessalonians 3:12

Nitutamuwaanaan Utipeyihchikeu chechii ihtuutaataakw wetaach chechii saachihiituwekw kaye kutak aweyuuh wetaach chechii saachihiimekw, chechii ati ishpish saachihiituyekw kaye chechii ati ishpish saachihekuch kutakach awenichii muyaam niyaan e ishpish saachihiitaahch.

2 Thessalonians 1:3

Niichishaanaanich, iteyihtaakun muush chechii nanaaskumachiht Chishemanituu chiyawaau uhchi wesh etituu chit ati taapweucheyimaawaau Christ kaye maak wetaach etituu chisaachihiitunaawaau.

1 Timothy 1:5

Wesh uyuu itashumitwaawenich ekut chechii uhchi saachihaatwaau aweyuu e payehkaniyikwaau utehiiwaau kaye e chischeyihtahkwaau kuiskw e chii ihtitwaau kaye maak e suuhcheyihtaakuniyich utaapwehtamuwinawaau. Wesh uu ishi nanaakataweyihtamihiikuyine chechii ishi wiihtamuutwaau ekute chechii uhchi tekash saachihaatwaau aweyuu utehiiwaahch.

Hebrews 13:1

Niichishaanitikw, muush kanawach saachihiitukw.

James 5:12

Niichishaanitikw, e itat awen cheshtinaash che ihtuutaman chekwaan ekaawii wii naspichitaapwe Chishemanituu utishinihkaasun e aapachihtaawat. Ekaawii itweh, ishpimihch e ishi taapweyin, maak kutach chekwaan chechii itweyin chechii cheshtinaashtaakusiyin taan e itweyin. E wii itweyin “Ehe,” mikw “Ehe” chipaa itwen, maak “Namui” e wii itweyin, mikw “Namui” chipaa itwen, ekw maak namui chika uhchi nishuuwanaachimukw Chishemanituu.

James 5:20

che wii chischisiyekw uu. An awen kaau kaa peshuwaat aweyuu taan e ishi wanipayiyich wiihkuchihiimeu utahchaahkuyuu nipuwinihch uhchi, kaye ihtuutuweu mihchetu umachihtwaawiniyuuh chechii wepeyihtamuwaakanuyich.

1 Peter 1:22

E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

3 John 1:2

Chiya niwiichewaakan kaa saachihiitaan, chitayimiheshtamaatin misiwe chechii ishi miyupayin kaye chechii miyu pimaatisiyin. Chichischeyimitin e miyupayin chitahchaahkuhch.