1 Peter 4:19 - Chishemanituu Utayimuwin: Kaa Uskaach Testament

¹⁹ Ekw maak anichii awenichii kaa nanehkaateyimutwaau Chishemanituu e chii pachishtinamiyich uyuu chechii ispayitwaau yaapach chipaa ihtuutamuch aniyuu taan e ishi kuiskunaakuniyich kaye tekash chipaa taapweucheyimeuch Chishemanituu aniyuu kaa ushihiikutwaau, aniyuu ekaa nihtaa che uhchi puuniyich e wiichihiikutwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᐁᒄ ᒫᒃ ᐊᓂᒌ ᐊᐌᓂᒌ ᑳ ᓇᓀᐦᑳᑌᔨᒧᑣᐤ ᒋᔐᒪᓂᑑ ᐁ ᒌ ᐸᒋᔥᑎᓇᒥᔨᒡ ᐅᔫ ᒉᒌ ᐃᔅᐸᔨᑣᐤ ᔮᐸᒡ ᒋᐹ ᐃᐦᑑᑕᒧᒡ ᐊᓂᔫ ᑖᓐ ᐁ ᐃᔑ ᑯᐃᔅᑯᓈᑯᓂᔨᒡ ᑲᔦ ᑌᑲᔥ ᒋᐹ ᑖᐺᐅᒉᔨᒣᐅᒡ ᒋᔐᒪᓂᑑ ᐊᓂᔫ ᑳ ᐅᔑᐦᐄᑯᑣᐤ, ᐊᓂᔫ ᐁᑳ ᓂᐦᑖ ᒉ ᐅᐦᒋ ᐴᓂᔨᒡ ᐁ ᐐᒋᐦᐄᑯᑣᐤ᙮

1 Peter 4:19 Iomraidhean Croise

Luke 23:46

Jesus maak chii ishi tepweu, “Nuuhtaawii, chiya e ihtaayin nipachishteyimaau nitahchaahkw chechii kanuweyimat.” Iskutak maak uyeyuu kaa itwet ekw kaa nipit.

ᐊᐸᔅᑕᓚᒡ 7:59

Chii paahpimusinaatahweuch maak yaapach aniyuu Stephen aat mekwaach e tepwaataayich Utipeyihchikeu e itweyich, “Utipeyihchikeu Jesus, utin nitahchaahkw.”

Romans 2:7

Aniyuuh aweyuuh muush kaa miyutuutamiyich e pukuseyimuyich chechii miyu kanawaapamikuyich Chishemanituu kaye chechii miywaachimikuyich kaye chechii miikuyich kaachiche chechii pimaatisiyich, kata miyeu kaachiche chechii pimaatisiyich.

2 Timothy 1:12

Eukw maak uu niyaanikutehch wehch nanehkaateyimuyaan, mikw maak namui ihtakun taan chechii ishi pimaamishiitutamaan uu miywaachimuwin, wesh nichischeyimaau an awen kaa taapweyimak kaye maak mitun nicheshtinaateyihten chechii miyu kanuweyihtahk aniyuu taan kaa ishi pachishteyihtamuuk paatish utihchipayiyiche aniyuu e chiishikaayich miin che takushihk.

1 Peter 2:15

Wesh eukw uyuu Chishemanituu utiteyihtamuwin, naashch chechii miyunaakuhkwaau chipimaatisiiwinawaau ekaa mitun nitamukw chechii ishi aayimuutahkwaau miywaachimuwiniyuu anichii ekaa kaa chischeyihtahkwaau taan e ishi chiishkwe ayimitwaau.

1 Peter 3:17

Nanehkaateyimuyine an uhchi e miyutuutaman, Chishemanituu maak e pachishtinahk uyuu chechii ispayuut, uste miywaau e nanehkaateyimuyin e miyutuutaman ishpish wii chechii nanehkaateyimuyin e machituutaman.

1 Peter 3:20

Namui uhchi nanihiihtuwewaakupanenich Chishemanituu, mikw maak chii siipiiwesiistaakuuch Chishemanituu. Mikw yaanaaneu awenichii chii puusuuch aniyuu chiimaaniyuu, chii pimaachihiikuuch maak Chishemanituuh anit aniyuu kaa aschiputeyich.