1 Peter 4:18 - Chishemanituu Utayimuwin: Kaa Uskaach Testament

¹⁸ Itashteu Chishemanituu utayimuwinihch, Chiishpin wanaaush che pimaachihaakanuwaakwenich anichii kaa kuiskutaatisiitwaau, taan che ispayitwaau wii anichii umachihtwaauch kaye anichii ekaa kaa manituuwaatisiitwaau ekaa kaa wii nanihiihtuwaatwaau Chishemanituu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁸ ᐃᑕᔥᑌᐤ ᒋᔐᒪᓂᑑ ᐅᑕᔨᒧᐎᓂᐦᒡ, ᒌᔥᐱᓐ ᐗᓈᐅᔥ ᒉ ᐱᒫᒋᐦᐋᑲᓄᐙᑴᓂᒡ ᐊᓂᒌ ᑳ ᑯᐃᔅᑯᑖᑎᓰᑣᐤ, ᑖᓐ ᒉ ᐃᔅᐸᔨᑣᐤ ᐐ ᐊᓂᒌ ᐅᒪᒋᐦᑣᐅᒡ ᑲᔦ ᐊᓂᒌ ᐁᑳ ᑳ ᒪᓂᑑᐙᑎᓰᑣᐤ ᐁᑳ ᑳ ᐐ ᓇᓂᐦᐄᐦᑐᐙᑣᐤ ᒋᔐᒪᓂᑑ᙮

1 Peter 4:18 Iomraidhean Croise

Luke 15:1

Peyakwaau anichii kaa maamuushtinahkwaau chisheuchimaau shuuliyaayuu kaa itaapatisitwaau chii pechi nituhtaweuch Jesus e pechi mihchetitwaau. Kaye kutakach iinuuch e chischeyimaakanuutwaau e machaatisiitwaau chii pechi takushinuuch.

Luke 23:31

Wesh uu e ishpish ihtakuhch nanehkaateyimuwin mekwaach e chikaskaahtikuut mistikw taan che ishpish ihtakuhch nanehkaateyimuwin paahkuhtakuute.” Ekun kaa itaat Jesus aniyuuh iskweuh kaa muushkuwaatikut.

ᐊᐸᔅᑕᓚᒡ 14:22

Ekut anit kaa ayimihaatwaau aniyuu aweyuu kaa taapweyimaayich Jesus e siihchimaatwaau chechii memechiminimiyich utaapwehtamuwiniyuu. Chii iteuch kaye e nituweyihtaakuniyich awen chechii nachishkahk nanaahkuu chekwaayuuh e aayimaniyikwaau ekw maak chechii piihchet Chishemanituu uchisheuchimaawinihch.

ᐊᐸᔅᑕᓚᒡ 27:24

Ekw kaa iishit an enchil, ‘Paul, ekaawii kushtaach, wesh chika uhchishkuukaapuushtawaau Caesar anite Romehch kaa ihtaat chechii wiyaaskunisk. Ihtakuniyuu kaye taan e ishi miyutuutamaask Chishemanituu, misiwe chika pimaatisiyuuch anichii kaa wiicheutwaau.’ ”

ᐊᐸᔅᑕᓚᒡ 27:31

Ekw Paul kaa itaat aniyuu shimaakanishuuchimaau ekw maak aniyuu shimaakanisha, “Namui waachi peyakw chika uhchi pimaatisiinaawaau nakatamekwe uu chiimaan.”

Romans 1:18

Wesh ekw e nuukuhtaat Chishemanituu kihchikiishikuhch uhchi taan e ishpish mista chishuwaahiikut misiwe aweyuuh aniyuu uhchi e machaatisiyich kaye aniyuu ekaa mitun aapateyimikut. Wesh aniyuu e machaatisiitwaau awenichii nakaahamuch etituu chechii chischeyihtaakunuyich taapwewiniyuu.

Romans 5:6

Wesh anit mekwaach kaa ishinaakusiihkw ekaa mitun chechii pimaachihiisuyihkw, Christ chii nipistamuweu umachihtwaau. Anit maak Chishemanituuh kaa wiyeyihtamiyich uyuu chechii ihtuutamaatahkw ekut kaa nipuushtamaatahkw.

Romans 5:8

Chishemanituu maak wii mitun chichii waapahtiikunuu taan e ishpish saachihiitahkw, chii pachishtineu Christ chechii nipistamaakuuhkw eshkw mekwaach machihtwaawinihch e chii ihtaauhkw.

1 Corinthians 10:12

Yaakwaamiih chiya kaa iteyihtaman muush e suuhchikaapuuyin ekaa chechii pahchishiniyin machihtwaawinihch ishi.

1 Timothy 1:9

Uu maak wii nisituhtamuhkw, taapaa namayeu ukuiskutaatisiiu kaa ushihtamuwaakanuut uyuu wiishuwewiniyuu. Anichii wesin ekaa mitun kaa aapateyihtahkwaau Chishemanituu uwiishuwewiniyuu kaye anichii ekaa mitun kaa nanihiihtamuwaatwaau kaye anichii ekaa mitun kaa chischeyihtahkwaau taan chipaa ishi nanaakatuweyihtamihiikuuch upimaatisiiwinawaau eukw uchii kaa ushihtamuwaakanuutwaau uyuu wiishuwewiniyuu. Kaye maak anichii ekaa mitun kaa papaameyimaatwaau Chishemanituu upimaatisiiwiniwaahch kaye anichii tekash kaa machipimaatisiitwaau eukunich uchii kaa ushihtamuwaakanuutwaau aniyuu wiishuwewiniyuu. Kaye maak anichii ekaa kaa payehch pimaatisiitwaau utahchaahkwaahch kaye anichii ekaa mitun kaa ayimihewaatisiitwaau kaye anichii kaa nanipahaatwaau uhtaawiiwaau kaye ukaawiiwaau kaye anichii kaa nipahiiwetwaau,

Hebrews 4:1

Chishemanituu maak chii itweu cheshtinaash che ayeskuushtamuwaat utiiniim taanite che ayiwepiyich. Eshkw maak uu anuhchiish kaa chiishikaach chika chii piihchenaanuu kaye chiyaanuu anite chechii ayiwepiihkw. Ekw maak ayaakwaamiitaau ekaa chechii ishi pimaatisiihkw chechii uhchi iteyimitahkw Chishemanituu ekaa tepicheyihtaakusuuhkw anite chechii piihcheuhkw.

James 5:6

Chichii nishuuwanaachimaawaauch kaye chichii nipahaawaauch kaa kuiskutaatisiitwaau. Namui maak chinishkuushtaakuwaauch anichii awenichii uyuu kaa ihtuutawekuch.

1 Peter 5:8

Muush yaakwaamiishtuwaahkw machimanituu, an muush kaa wii naanituu machipayihiikuyekw, wesh muyaam mistatim muush kaa papaamuhtet e papaanemut e naanituu miichisut ekun e ishinaakusit. Machimanituu muush naanituuweyimeu aweyuu chechii wanaachihaat.

2 Peter 3:7

Uyuuh maak chiishikw kaye an nete etituu ishi ispimihch, ekw maak uu aschii anuhchiish kaa waapahtamukw, yaapach Chishemanituu utayimuwin uhchi kanuweyihtaakanuu che ishpish utihchipayihch anit che wanaachihtaakanuuhkwaau. Kanuweyihtaakanuu an e chiishikaach anichii ekaa kaa aapateyimaatwaau Chishemanituu upimaatisiiwiniwaahch che wiyaaskunaakanuutwaau kaye che wanaachihaakanuutwaau ishkutehch.

Jude 1:15

misiwe aweyuuh chechii wiyaaskunaat. Chika takushin chechii nishuuwanaachimaat misiwe umachihtwaauh ekaa kaa Chishemanituuwaatisiyich aniyuuh uhchi e chii ihtuutamiyich misiwe taan e ishi maayaataniyich. Chika wiyaaskuneu kaye uyuuh naapeuh misiwe taan kaa ishi machi aayimuumaayich Chishemanituuh.”