1 Peter 4:14 - Chishemanituu Utayimuwin: Kaa Uskaach Testament

¹⁴ Wesh chiishpin maayeyimikuyekwe Christ e nuushuushkuwekw, chishaweyihtaakusinaawaau wesh ekut wehchi chischeyihtaakuhch taapwe e wiicheutaakw kaa chisteyihtaakusit Ahchaahkw, Chishemanituu Utahchaahkwa.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐌᔥ ᒌᔥᐱᓐ ᒫᔦᔨᒥᑯᔦᑴ ᙭ ᐁ ᓅᔔᔥᑯᐌᒄ, ᒋᔕᐌᔨᐦᑖᑯᓯᓈᐙᐤ ᐌᔥ ᐁᑯᑦ ᐌᐦᒋ ᒋᔅᒉᔨᐦᑖᑯᐦᒡ ᑖᐺ ᐁ ᐐᒉᐅᑖᒄ ᑳ ᒋᔅᑌᔨᐦᑖᑯᓯᑦ ᐊᐦᒑᐦᒄ, ᒋᔐᒪᓂᑑ ᐅᑕᐦᒑᐦᑾ᙮

1 Peter 4:14 Iomraidhean Croise

Matthew 5:11

“Chishaweyihtaakusinaawaau e maayeyimikuyekw, maak e nanehkaachihiikuyekw kaye e nanatayaachimikuyekw niya uhchi e pechi nuushuushkuuyekw.

Matthew 5:16

Ekun maak mwehch chipaa ishi waashtenamaakuuch awenichii chiwaashtewinawaayuu anite chipimaatisiiwiniwaahch kaa ihtakuhch, chechii waapahtahkwaau aniyuu e ishi miyutuutamekw ekw maak che maamihchimaatwaau Kuuhtaawaau kihchikiishikuhch kaa ihtaayich.”

Luke 6:22

Chishaweyihtaakusinaawaau chiyawaau kaa uhkaateyimikuyekw, ekaa piskaatikuyekw, e maayeyimikuyekw kaye e machaayimuumikuyekw niya uhchi e nuushuushkuuyekw, Iinuu Ukusisa.

John 15:21

Misiwe uu kaa ishi aayimuutamaatakuch che ihtuutaataakuch niya aniyeyuu che uhchi ihtuutaataakuch wesh taapaa uhchi chischeyimeuch aniyuu kaa pechi itishahuyich.

John 8:48

Anichii maak Jewa iinuuch chii iteuch aniyuu Jesus, “Nichii taapwenaan kaa itweyaahch Samaria e uhchiyin kaye e piihchishkaask machiahchaahkw.”

John 9:28

Ekw kaa maayeyimaatwaau aniyuu naapeu e itaatwaau, “Eukw chiya peyakw uchischinuhamuwaakanh an naapeu, niyaan wii Moses eukw weuchischinuhamuwaakanitutaakuyaahch.

John 9:34

Ekw anichii kaa niikaanishkuwaatwaau Jewa iinuuh kaa nishkweushihaatwaau aniyuu naapeu e itaatwaau, “Machaatisiiwinihch chichii uhchi pimaatisiin kaye anite machaatisiiwinihch ekute kaa ishi nihtaauchinikuyin, e iteyihtaman maak yaapach chechii chiskutamuuyaahch.” Ekw kaa wiiwiitishihwaatwaau chihchiwe anit ayimiheukamikuhch aniyuu naapeu.

ᐊᐸᔅᑕᓚᒡ 13:45

Iskutak maak anichii Jewa iinuuch wiyaapamaatwaau aniyuu mihchetu iinuu e wii nituhtamiyich, naashch chii uhteyihtamuch. Chiwii nishkuushtuweuch taan kaa itweyich Paul kaye chii maayeyimeuch.

ᐊᐸᔅᑕᓚᒡ 18:6

Chii aanuwehtaakuu maak kaye chii maayeyimikuu ekw Paul kaa pahpauhahk uchekwaanim e nuukuhtaat ekaa nihiishkaakut aniyuu e ihtiyich. Ekw kaa itaat, “Chiyawaau chika ihtuutaasunaawaau nishuuwanaatisiyekwe, namayeu niya che ihtuutaatakuch. Wesh ekw che chihchipayihtaayaan anichii ekaa Jewa kaa itiskaanesitwaau e waawiihtamuukwaau miywaachimuwiniyuu.”

ᐊᐸᔅᑕᓚᒡ 28:22

Mikw maak chiwii chischeyimitinaan taan e iteyihtamihiikuyin chiiya, wesh mihchetu awenichii mishihte uu aschii namui miyusinahamuch uyuu kaa ishi taapwehtamuwekw.”

ᐊᐸᔅᑕᓚᒡ 5:41

Anichii maak apastalach chii chistuhteuch anit kaa nishtuwiyiich aniyuu kaa maamuupishtamiyich wiyaaskunichewiniyuu e sichiyesitwaau e chii tepicheyimikutwaau Chishemanituu chechii nanehkaateyimutwaau Jesus utishinihkaasuwiniyuu uhchi.

2 Corinthians 12:10

Ekun kaye wehchi yaapach sichiyesiyaan taan e ishpish ekaa saapisiyaan utah niyuuch e nuushuushkuukw Christ, kaye taan e ishi maayeyimikuyaan, taan e ishpish aayimuhuyaan maanh, taan e ishpish nanehkaachihiikuyaan, kaye taan e ishi nanehkaateyimuyaan. Yaapach nisichiyesin uu e ishi aayimuhuyaan wesh ekut wehchi chischeyihtamuch Christ usuuhkaatisiiwin. Anit ekaa saapisiyaan ekut e suuhcheyihtaakusiyaan.

2 Corinthians 4:10

Muush kaye ninachishkenaan e wii nipihiikuyaahch mwehch Jesus muush kaa ishi nachishkahk. Ekut maak wehchi waapahtahkwaau awenichii utah niyuunaahch aniyuu pimaatisiiwiniyuu Jesus kaa wiihkuchihtamuuyamiht kaa wanishkaat nipuwinihch uhchi.

2 Corinthians 4:16

Ekun maak wehchi ekaa nihtaa wii puuniyaahch. Aat uschich utah chiiyuunaahch wetaach e ati wanaatisiihkw, eshikum chiishikaau maskuuhaakanuuch chitahchaahkunuuch.

Galatians 1:24

Ekw maak kaa nanaaskumaatwaau Chishemanituuh taan kaa ihtuutamuyich nipimaatisiiwiniihch.

Hebrews 11:26

Aniyuu maak Moses e chii taapwehtahk, chii iteyihtam uste e miywaayich chechii maayeyimaakanuut aniyuu uhchi e chischeyimaat aniyuu Christ che takushiniyich ishpish wii chechii ayaat miisitisiiwiniyuu anite Egypt aschiihch. Shaash chii ayeskuweyihtam chechii pachishtinahk misiwe aniyuu wesh anite niikaanihch chii ishi ashuwaapahtam aniyuu chekwaayuu che miikut Chishemanituu e tipahamaakut.

James 1:12

Shaweyihtaakusuu an awen ekaa kaa shaakuuchihiikut taan e ishi kakwechihaakanuut. Wesh shaapushkahke taan e ishi kakwechihaakanuut chika miikuu Chishemanituuh e weyuuch miyeyihtaakuniyich pimaatisiiwiniyuu, aniyuu kaa itweyich cheshtinaash che miyaayich aniyuu kaa saachihiikut.

James 5:11

Wesh taapwe shaweyihtaakusuuch chititeyimaanuuch anichii ekaa uhchi nuuhtipuuniitwaau. Chichii pehtenaawaau taan kaa ishpish siipiiwesiit Job mekwaach kaa aayimuhut. Chichischeyimaanuu maak taan kaa ishi miyupayihtamaakut Utipeyihchikeu iskutak kaa chiishi aayimuhut. Saakaschineshkaakuu chishewaatisiiwiniyuu Utipeyihchikeu kaye saakaschineshkaakuu e chistimaacheyimaat aweyuu.

1 Peter 2:12

Suuhk wii kuiskupimaatisiikw mekwesiinuu anichii ekaa kaa taapwehtahkwaau e ihtaatwaau. Ekut chechii nisituunahkwaau chimiyuutuutamuwinawaau ekw maak che maamihchimaatwaau Chishemanituu iskutak takushiniyichen. Ekun che ihtitwaau aat anuhchiish nitamukw e ishi mamishimitaakuch mwehch e machituutamuwekw.

1 Peter 3:14

Aat ishinaakuhch chechii nanehkaachihiikuyekw e kuiskutaatisiyekw uhchi, chika shaweyimikuwaau Chishemanituu. Ekaawii kakushtaahkuch wiyesh e wii ihtuutaataakuch awenichii, ekaawii chika uhchi mukushkaateyihtenaawaau,

1 Peter 3:16

Suuhk muush kuiskw wii ishi pimaatisiikw mitun chechii cheshtinaahuyekw ekaa machituutamekw. Uu ishinaakusiyekwe ekut che uhchi papimaameyimutwaau anichii kaa maayeyimitaakuch, anichii kaa machaayimuumitaakuch e kuiskupimaatisiiwekw Christ e nuushuushkuumekw.

1 Peter 4:16

Maak chiishpin niyehkaachihuuwekwe e nuushuushkuwekw Christ ekaawii chika uhchi pimaameyimunaawaau. Chipaa nanaaskumaawaau Chishemanituu Christ e ayaautaakw.

2 Peter 2:2

Yaapach maak mihchetu aweyuu chika chischinuwaapamikuuch aniyuu nitamukw e itaatisiitwaau. Ekw maak uyuu e itaatisiitwaau ekut che uhchi machaayimuutaakanuuhch taapwewin meskanuu.