1 Peter 4:13 - Chishemanituu Utayimuwin: Kaa Uskaach Testament

¹³ Teyakuch chipaa miywaatenaawaau e wiichihiiweyekw taan kaa ishi waawiisacheyihtamihaakanuut Christ, ekw maak che saakaschineshkaakuyekw miywaatamuwin iskutak pechi nuukuhtaakanuyiche uchisteyihtaakusuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᑌᔭᑯᒡ ᒋᐹ ᒥᔻᑌᓈᐙᐤ ᐁ ᐐᒋᐦᐄᐌᔦᒄ ᑖᓐ ᑳ ᐃᔑ ᐙᐐᓯᒉᔨᐦᑕᒥᐦᐋᑲᓅᑦ ᙭, ᐁᒄ ᒫᒃ ᒉ ᓵᑲᔅᒋᓀᔥᑳᑯᔦᒄ ᒥᔻᑕᒧᐎᓐ ᐃᔅᑯᑕᒃ ᐯᒋ ᓅᑯᐦᑖᑲᓄᔨᒉ ᐅᒋᔅᑌᔨᐦᑖᑯᓱᐎᓐ᙮

1 Peter 4:13 Iomraidhean Croise

Matthew 16:27

Wesh Iinuu Ukusisah chika takushiniyuuh Uhtaawiimaau uchisteyihtaakusuwiniihch kaye enchilh e pechi wiicheukut, ekw maak che tipahamuwaat misiwe aweyuu taan kaa ishi ihtuutaamiyich.

Matthew 25:21

‘Taapwe chimiyutuuten kaye taapwe chimiywaapatisin,’ chii itikuu aniyuu uchimaam. ‘Kuiskw e chii ishi aapatisiihkahtaman an e apishaashich taan kaa ishi pukuseyimikuyin ekw etituu e mishaakwaau chekwaayuu che pachishtinamaakuyin chechii uchimaahkahtaman. Aashtam pechi piihche, che pechi wiichihiyin taan e ishi miywaatamaan.’

Matthew 25:23

‘Taapwe chimiyutuuten kaye nuwach kaa miywaapatisiyin’ chii itikuu aniyuu uchimaam. ‘Kuiskw e chii ishi aapatisiihkahtaman an e apishaashich taan kaa ishi pukuseyimikuyin, etituu e mishaakwaau chekwaayuu chika pachishtinamaakuun chechii uchimaahkahtaman. Aashtam pechi piihche, che pechi wiichihiyin taan e ishi miywaataman.’

Matthew 25:31

“Anite maak niishtaamihch iskutak Iinuu Ukusisa takushinite naashch e chisteyihtaakusit kaye e suuhcheyihtaakusit misiwe enchil e pechi wiichewaat, ekw che apit anite chisheuchimaau tehtapuunihch anit chechii uhchi wiyaaskunaat aweyuu.

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Matthew 5:12

Miywaatamukw wesh chika mishaau chitipahamaakusiiwinawaau taan e ishi kanuweyihtaakuhch anite kihchikiishikuhch. Wesh ekun mwehch kaa ishi nanehkaachihaakanuutwaau anichii chischiwehiichesuuch anite utaahch.”

Mark 8:38

An awen che pimaamishiishtuut neshta che pimaamishiishtamukwe aniyuuh nichiskutamaachewinh anuhchiish uyuu mekwaach e ishpish ekaa kuiskw aihtitwaau awenichii kaye e ishpish machaatisiitwaau, kaye wiya Iinuu Ukusisa kata pimaamishiishtaakuu iskutak takushiniyichen Chishemanituu uchishteyihtaakusiiwiniihch payehchi enchilh e pechi wiicheukut.”

Luke 17:30

Ekw Jesus kaa itwet, “Ekun taapishkuuch che itaatisiinaanuuhch an e chiishikaach pechi nuukusite Iinuu Ukusisaan.”

ᐊᐸᔅᑕᓚᒡ 16:25

Chekaat chii aapihtaatipiskaayiche ekw kaa ayimihaatwaau Paul ekw maak Silas kaye e nikamuushtuwaatwaau Chishemanituu, anichii maak kutakach kaa maakunaakanuutwaau mikw chii nituhtuweuch.

ᐊᐸᔅᑕᓚᒡ 5:41

Anichii maak apastalach chii chistuhteuch anit kaa nishtuwiyiich aniyuu kaa maamuupishtamiyich wiyaaskunichewiniyuu e sichiyesitwaau e chii tepicheyimikutwaau Chishemanituu chechii nanehkaateyimutwaau Jesus utishinihkaasuwiniyuu uhchi.

Romans 5:3

Ekun maak wehchi ishinaakusiihkw yaapach e muuchicheyihtamukw aat anit mekwaach e aayimihuyihkw, wesh chichischeyihtenaanuu anit an e aayimihuyihkw ekut wehchi etituu siipiiwesiihkw.

Romans 8:17

Ekw maak e utawaashiimitutaatahkw Chishemanituu cheshtinaash chika miikunuu aniyuuh kaa ishi miywaashiyikwaauh shaweyihchichewinh kaa ayeskuushtamuwaat utawaashiimh. Kaye maak taapishkun Jesus ekw maak chiyaanuu chika ayaanaanuu taan kaa ishi ayeskuushtamuwaakanuut Jesus. Wesh chiishpin wiich nanehkaateyimuumahkwe Jesus aniyuu e taapweyimahkw kaye chiyaanuu chika chisteyihtaakuhiikunaanuu chisteyihtaakuhaakanuute.

Romans 8:18

Niya e iteyihtamaan taan e ishi nanehkaateyimuyihkw anuhchiish namui mitun chekwaan chika uhchi iteyihtaakun che iteyihtaakuhch iskutak utihchipayihche anit che chisteyihtaakuhiitahkw Chishemanituu.

2 Corinthians 1:5

Chinachishkenaanuu mistahii nanehkaateyimuwin mwehch Christ kaa ishi nachishkahk, chika miikunuu maak kaye Chishemanituu kaachiichihiiwewiniyuu Christ uhchi.

2 Corinthians 1:7

Nicheshtinaahunaan maak che suuhchikaapuuyekw aat e nanehkaateyimuhiikuyekw mwehch niyaan e ishi nanehkaateyimuhiikuyaahch, kaye maak cheshtinaash kaye chiyawaau che kaachiichihiitaakw Chishemanituu mwehch niyaan kaa ishi kaachiichihiyimiht.

2 Corinthians 4:10

Muush kaye ninachishkenaan e wii nipihiikuyaahch mwehch Jesus muush kaa ishi nachishkahk. Ekut maak wehchi waapahtahkwaau awenichii utah niyuunaahch aniyuu pimaatisiiwiniyuu Jesus kaa wiihkuchihtamuuyamiht kaa wanishkaat nipuwinihch uhchi.

2 Corinthians 4:17

Namui naashch chekwaan iteyihtaakun taan e ishi nachishkamuhkw kaye maak an taan e ishi nachishkamuhkw namui chineush chika uhchi pimipayuu. Wesh Chiwiichihiikunaanuu chechii ayaayihkw kaachiche chisteyihtaakusuwin. Etituu maak mistahii iteyihtaakun uu ishpishaat taan e ishi nachishkamuhkw.

Philippians 3:10

Nichii pachishteyihtamihiikuun misiwe uyuuh chekwaayuu tekash chechii chischeyimak Christ, chechii chischeyihtamuch nipimaatisiiwinihch aniyuu suuhkaatisiiwiniyuu kaa wanishkaanikut kaa nipit, chechii nanehkaateyimuyaan kaye niya taan kaa ishi nanehkaateyimut wii. Kaye chechii pachishteyimisuyaan kaye niya chechii nipiyaan mwehch wiya kaa ishi pachishteyimisut.

Colossians 1:24

Nimiyeyihten maak e nanehkaateyimuhiikuyaan chiyawaau uhchi, kaye niyaasihch nichiishihtaan aniyuu taan e ishi nuuhtepayiniyich Christ uwiisacheyihtamuwinihch, chechii wiichihiikwaau umaamuuayimihaauch, Christ wiiyuu.

2 Timothy 2:12

Kanawaach che siipiiwesiistamuwaauhkwe nanehkaateyimuwin, chika wiich tipeyihchikemaanuu. Kaye maak itweyihkwe ekaa chischeyimahkw, kaye wiya chika iteu ekaa chischeyimitahkw.

1 Peter 1:13

Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.

1 Peter 2:21

Wesh eukuu wehchii wiishaamikuyekw, aniyuu Christ e chii wawiisacheyihtamihaakanuut chichii nakatamaakuwaau chekwaayuu che chischinuwaapahtamuwekw, chechii taahtaapahamewekw taanite kaa pimuhtet.

1 Peter 5:1

Maauyuu waa itakwaau anichii kaa wiichihiiwetwaau e pimipayihtaakanuyich ayimiheukamikuyuu anit e ihtaayekw kaa ihtaatwaau wesh kaye niya niwiichihiiwen e pimipayihtaakanuuhch ayimiheukamikw. Nika chii tipaatutamuwaan kaye taan kaa ishi nanehkaateyimuhaakanuut Christ kaye maak nika chisteyihtaakuhiikuun kaye niya iskutak nuukuhtaakanuwiiche anit Christ che chisteyihtaakuhaakanuut. Maauyuu waa itakwaau,

1 Peter 5:10

Iskutak maak chiishi nanehkaateyimuyekwe chika ihtuutaakuwaau Chishemanituu miin chechii wiikaapuwekw, chika miikuwaau maskuushiiwiniyuu, chika yaaichikaapuuhiikuwaau, kaye chika sakascheyimuhiikuwaau. Chishemanituu an kaa ayaat misiwe shaweyihchichewiniyuu chiwiishaamikunuu chechii wiichihiiweyihkw anite kaachiche uchisteyihtaakusuwinihch Christ e ihtaayich uhchi.

Jude 1:24

Ekw maak an kaa peyakut Chishemanituu chipimaachihiiweminuu, an kaa kaschihut chechii kanuweyimitaakw ekaa chechii pahchishinuwekw kaye kaa kaschihut chechii ituhtahiitaakw anite e chisteyihtaakuniyich e ihtaat ekaa chekwaayuu ataameyihtaakusuwekw kaye e miywaatamuwekw,

Revelation 1:7

Iitaapikw maa. Pechi takushinuu kaskawanishkuhch e pechi aasiit. Misiwe aweyuuh chika waapamikuu, mechim aniyuuh kaa tahkamikut. Misiwe e itiskaanesiyich aweyuuh chika mista maatuuyuuh waapamikute. Cheshtinaash chika ispayuu uu. Amen.

Revelation 1:9

Eukw niya chiichishaanawaau John. Misiwe chiwiichishaanihtunaanuu Jesus e ihtaat ishi. Chinanehkaateyimuhiikuyihkw an uhchi e nuushuushkuuhkw Jesus mikw maak maamuu chiwii siipiiwesinaanuu taanit anit nechishkamuhkw maan e aayimihch chekwaan. Nichii maakunikuun ekw anite an ministikw Patmos kaa ishinihkaatech kaa tayikuyaan an uhchi e chii waawiihtamaan Chishemanituu utayimuwin kaye e chii tipaachimak Jesus taan kaa aihtit.