1 Peter 4:1 - Chishemanituu Utayimuwin: Kaa Uskaach Testament

¹ Christ maak e chii waawiisacheyihtahk wiyaasuwinihch mekwaach utah aschiihch kaa pimaatisiit kaye chiyawaau ekun chipaa ishi maamituneyihtamihiikunaawaau chechii ishi ayeskuwiishtamekw, wesh an awen kaa waawiisacheyihtamihaakanuut wiyaasuwinihch puunihtaau machaatisiiwiniyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᙭ ᒫᒃ ᐁ ᒌ ᐙᐐᓴᒉᔨᐦᑕᐦᒃ ᐎᔮᓱᐎᓂᐦᒡ ᒣᒀᒡ ᐅᑕᐦ ᐊᔅᒌᐦᒡ ᑳ ᐱᒫᑎᓰᑦ ᑲᔦ ᒋᔭᐙᐤ ᐁᑯᓐ ᒋᐹ ᐃᔑ ᒫᒥᑐᓀᔨᐦᑕᒥᐦᐄᑯᓈᐙᐤ ᒉᒌ ᐃᔑ ᐊᔦᔅᑯᐐᔥᑕᒣᒄ, ᐌᔥ ᐊᓐ ᐊᐌᓐ ᑳ ᐙᐐᓴᒉᔨᐦᑕᒥᐦᐋᑲᓅᑦ ᐎᔮᓱᐎᓂᐦᒡ ᐴᓂᐦᑖᐤ ᒪᒑᑎᓰᐎᓂᔫ᙮

1 Peter 4:1 Iomraidhean Croise

Mark 3:3

Jesus chii iteu aniyuu naapeu kaa maaskaniyich utihchiyuu, “ashtam ute niikaanaanihch.”

Romans 6:11

Mwehch awenichii e nipitwaau ekaa tipeyimikutwaau machaatisiiwiniyuu ekun chipaa ishi kanawaapamisunaawaau. Chipimaatisiinaawaau ekw chechii naheyihtamihekw Chishemanituu e wiicheumekw Jesus Christ.

Romans 6:2

Namui chika chii ishinaakun uu. Namui mechim chipaa uhchi ishi maamituneyihtam awen. Chipaa ishi kanawaapamisunaanuu mwehch e chii nipistamuhkw taan kaa ishi tipeyimikuyihkw machihtwaawin. Namui ekw machihtwaawinihch chipaa uhchi ishi pimaatisiinaanuu.

Romans 6:7

Awen e chii nipit namui chika chii tipeyimikuu machaatisiiwiniyuu.

Galatians 2:20

Wesh mwehch taapwe e chii wiich nipiimak Jesus kaa chiistaaskuhwaakanuut ishinaakun. Anuhchiish maak namui ekw niya nichischinupayihtaan nipimaatisiiwin. Wiya Jesus chischinupayihtaau nipimaatisiiwiniyuu wesh nipiihchishkaakw. Ekw maak uu anuhchiish e ishi pimaatisiyaan nipimaatisiin e taapweyimak an kaa saachihiit kaye kaa pachishtinisut chechii nipahaakanuut niya uhchi, eukw Chishemanituu Ukusisa.

Galatians 5:24

Anichii maak Jesus Christ kaa tipiyeusiitutaakutwaau shaash chii wiyeyihtamuch ekaa chechii pachishteyimitisutwaau kaau chechii ihtuutahkwaau taan waa ishi wehchipayiyich chechii ishi machi pimaatisiitwaau. Namui wii machituutamuch taan kaa ishi pechi machituutahkwaau anite ishi utaahch. Mwehch taapwe e chii asich chiistaaskutahkwaau umachaatisiiwinawaau kaye umachinituweyihtamuwinawaau aashiteyaahtikuhch ekun kaa ihtitwaau.

Ephesians 6:13

Ekw maak misiwe aapachihtaawaataau taan kaa ishi miitahkw Chishemanituu chechii maasihchewaacheuhkw. Ekw maak namui chika uhchi shaakuuchihiikunaanuu kaye yaapach eshkw chechii yaaichikaapuyihkw iskutak suuhk kakwechihiitahkwe machimanituu.

Philippians 2:5

Taan kaa ishi maamituneyihtahk Christ ekun kaye chiyaanuu chipaa ishi maamituneyihtenaanuu.

Hebrews 12:3

Maamituneyimaahkw maa Jesus taan kaa ishpish chii nanehkaateyimut. Chii uhkaatikuu aniyuu kaa machaatisiyich. Maamituneyimaahkw Jesus ekw maak che suuhchikaapuuyekw, namui chika uhchi wii nuuhtipuuniinaawaau e taapwehtamekw.

Hebrews 4:10

An maak awen kaa miskahk Chishemanituu utayiwepuwiniyuu kata aasteyeskuhiisuu taan kaa itaapatisit muyaam Chishemanituuh kaa ihtiyich.

1 Peter 2:21

Wesh eukuu wehchii wiishaamikuyekw, aniyuu Christ e chii wawiisacheyihtamihaakanuut chichii nakatamaakuwaau chekwaayuu che chischinuwaapahtamuwekw, chechii taahtaapahamewekw taanite kaa pimuhtet.

1 Peter 3:18

Wesh Christ peyakwaau chichii nipistamaakunuu machihtwaawinihch uhchi chechii uhchi peshiitahkw Chishemanituu e ihtaayich. An kaa kuiskutaatisiit chii nipistamuweu aniyuu ekaa kaa kuiskutaatisiyich. Taapwe kiipaa muhch chii nipahtaakanuuyuu wiiyuu mikw maak chii ihtuutawaakanuuyuu utahchaahkuwa yaapach chechii pimaatisiyich.