1 Peter 3:9 - Chishemanituu Utayimuwin: Kaa Uskaach Testament

⁹ Ekaawii yaaitei wii taapishtaa awen e wanituutaask maak e mamaayeyimisk. Yaapach uste miyutuutamuu kaye ayimihchike chechii shaweyimikut Chishemanituu wesh eukw uu kaa ishi wiyaapihtaakanuuhch chipimaatisiiwin chechii ishinaakuhch. Ekut chechii uhchi aanische miikawiyin shaweyihchichewin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁹ ᐁᑳᐐ ᔮᐃᑌᐃ ᐐ ᑖᐱᔥᑖ ᐊᐌᓐ ᐁ ᐗᓂᑑᑖᔅᒃ ᒫᒃ ᐁ ᒪᒫᔦᔨᒥᔅᒃ᙮ ᔮᐸᒡ ᐅᔅᑌ ᒥᔪᑑᑕᒨ ᑲᔦ ᐊᔨᒥᐦᒋᑫ ᒉᒌ ᔕᐌᔨᒥᑯᑦ ᒋᔐᒪᓂᑑ ᐌᔥ ᐁᐅᒄ ᐆ ᑳ ᐃᔑ ᐎᔮᐱᐦᑖᑲᓅᐦᒡ ᒋᐱᒫᑎᓰᐎᓐ ᒉᒌ ᐃᔑᓈᑯᐦᒡ᙮ ᐁᑯᑦ ᒉᒌ ᐅᐦᒋ ᐋᓂᔅᒉ ᒦᑲᐎᔨᓐ ᔕᐌᔨᐦᒋᒉᐎᓐ᙮

1 Peter 3:9 Iomraidhean Croise

Matthew 19:29

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Matthew 25:34

Ekw che itaat an Chisheuchimaau aniyuu iinuu anite unahiiwinihch kaa ihtaayich, ‘Aashtamukw chiyawaau kaa shaweyimitaakw Nuuhtaawii. Aashtamukw, utinamukw an chisheuchimaawin an kaa ashutamaakuyekw iskutak maauch niishtam kaa usihtaakanuuhch uu aschii.

Matthew 5:39

Mikw maak niya chititinaawaau, ekaawii taapishtaah awen e chii machituutaask. Awen utaamihkwehuuske chitaamihkanihch, mii ekush anite kweshtehche kaye chechii utaamihkwehuusk.

Matthew 5:44

Mikw maak chititinaawaau niya, saachihaahkuch anichii kaa uhkaatitaakuch kaye ayimiheshtamuwaahkuch anichii kaa nanehkaachihiitaakuch,

Mark 10:17

Mekwaach maak e pimuhtet Jesus meskanaahch, naapeu chii uhchi paapahtaayuuh kaa ati uchihchiihkunapayihuyich anit e ihtaat ekw kaa itikut, “Chischinuhamaachesuu, kaa miyeyihtaakusiyin, taan che ihtiyaan chechii ayaayaan kaachiche pimaatisiiwin.”

Luke 10:25

Peyakwaau maak naapeu kaa chiskutamaachet ayimihewin wiishuwewiniyuu e itaapatisit chii naateu Jesus e wii kakwechihaat, e itaat, “Taanite che ihtiyaan chechii uhchi ayaayaan kaachiche pimaatisiiwin.”

Luke 18:18

Ekw peyakwaau Jewa iinuuch uchimaamuwaauh chii ishi kakwechimeu aniyuu Jesus, “Chiskutamaachesuu, kaa miyuhtwaayin taan che ihtiyaan chechii uhchi ayaayaan kaachiche pimaatisiiwin.”

Romans 12:14

Shaweyimaahkuch anichii kaa wanituutaataahkuch. Shaweyimaahkuch, ekaawii machaachimaahkuch.

Romans 12:17

Aahkuhiiske awen ekaawii yaaitei taapishtuu taan kaa ishi aahkuhiisk. Teyakuch wii chischeyihtamihiiwe taapwe e miyutuutaman.

Romans 8:28

Chichischeyihtenaanuu maak misiwe chekwaayuu e ispayiyich upimaatisiiwiniihch aniyuuh kaa saachihiikut Chishemanituu ihtuutamuweu misiwe chechii miyutuutaakuyich. Ekun e ihtuutamuwaat aniyuuh wiya kaa iteyihtahk chechii wiyaapamaat chechii utiiniimit.

Romans 8:30

Aniyuuh maak niyaakan kaa wiyeyimaat aweyuu chii tepwaateu. Uyuuh maak kaa tepwaataat chii kuiskunaakuheu wiya ishi e ihtaat. Uyuu maa kaa kuiskunaakuhaat chii chisteyihtaakuheu.

Galatians 3:14

Christ chii pachishtinisuu uyuu chechii ihtuutawaakanuut anichii ekaa Jewa kaa itiskaanesitwaau kaye wiyawaau chechii miskahkwaau aniyuu shaweyihchichewiniyuu Abraham kaa itaakanuyich cheshtinaash che miyaakanuyich. Eukuu kaa ispayihch chechii ayaauhkw Payehchi Ahchaahkw taapwehtamuhkwe.

Ephesians 4:32

Chipaa miyutuutawaawaauch awenichii kaye chipaa yuuspaatisiinaawaau. Kaye chipaa wepeyihtamuwaawaauch awenichii muyaam taan kaa ishi wepeyihtamaatahkw Chishemanituu Christ uhchi.

1 Thessalonians 5:15

Namui yaaitei chipaa uhchi taapishtuwaawaau awen e wanituutaataakw teyakuch muush chipaa miyutuutaatunaanuu kaye misiwe kutakach awenich.

Hebrews 12:17

Chichischeyihtenaawaau maak, paatimaa anite kaau chii nituweyihtam aniyuu taan chipaa ishi aanische shaweyimaakanuu, mikw maak namui uhchi niskumikuu uhtaawii. Namui mitun uhchii wiyesh ihtuu chechii kwestinahk aniyuu taan kaa ihtit aat kaye naashch e chii maatutawaat uhtaawii. Yaakwaamiikw ekaa chechii ispayekw chiyawaau.

Hebrews 6:14

Chii itweu, “Cheshtinaash chika shaweyimitin e miitaan mihchetu awenichii anit e ihtaayin chechii uhchi aanische pimaatisiitwaau.”

1 Peter 5:10

Iskutak maak chiishi nanehkaateyimuyekwe chika ihtuutaakuwaau Chishemanituu miin chechii wiikaapuwekw, chika miikuwaau maskuushiiwiniyuu, chika yaaichikaapuuhiikuwaau, kaye chika sakascheyimuhiikuwaau. Chishemanituu an kaa ayaat misiwe shaweyihchichewiniyuu chiwiishaamikunuu chechii wiichihiiweyihkw anite kaachiche uchisteyihtaakusuwinihch Christ e ihtaayich uhchi.