1 Peter 3:8 - Chishemanituu Utayimuwin: Kaa Uskaach Testament

⁸ Uu maak misiwe kaa ishi aayimuutamaatakuch misiwe e tashiyekw suuhk peyakunihch ishi maamituneyihtamukw e chishtimaacheyimituyekw kaye. Saachihiitukw taapishkuuch e wiichishaanihtuyekw kaye kachishewaatutaatukw. Suuhk muush tipihteyimukw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐆ ᒫᒃ ᒥᓯᐌ ᑳ ᐃᔑ ᐋᔨᒨᑕᒫᑕᑯᒡ ᒥᓯᐌ ᐁ ᑕᔑᔦᒄ ᓲᐦᒃ ᐯᔭᑯᓂᐦᒡ ᐃᔑ ᒫᒥᑐᓀᔨᐦᑕᒧᒄ ᐁ ᒋᔥᑎᒫᒉᔨᒥᑐᔦᒄ ᑲᔦ᙮ ᓵᒋᐦᐄᑐᒄ ᑖᐱᔥᑰᒡ ᐁ ᐐᒋᔖᓂᐦᑐᔦᒄ ᑲᔦ ᑲᒋᔐᐙᑐᑖᑐᒄ᙮ ᓲᐦᒃ ᒨᔥ ᑎᐱᐦᑌᔨᒧᒄ᙮

1 Peter 3:8 Iomraidhean Croise

Matthew 18:33

Namui aa maak chipaa uhchi chistimaacheyimaau chiya an aapachihaakan mwehch niya taan kaa ishi chistimaacheyimitaan.’ Eukw uyuu kaa itaat an chisheuchimaau aniyuu utaapachihaakanh.

Luke 10:33

Miin kutak naapeu, Samaria aschiihch e uhchiit chii utihteu aniyuu naapeu, ekw naashch kaa chistimaacheyimaat.

ᐊᐸᔅᑕᓚᒡ 2:1

Iskutak maak an e chiishikaach Pentecost kaa ishinihkaatech wetihchipayihch misiwe nishtau chii ihtaauch anichii kaa taapwehtahkwaau.

ᐊᐸᔅᑕᓚᒡ 27:3

An maak wiyaapahch Sidonihch nichii mishakaanaan. Chii miyutuutaweu maak aniyuu Paul an shimaakanishuuchimaau Julius. Chii pachishtineu chechii nituwaapamaayich uwiichewaakaniyuu, kaye chechii miyaakanuyich taan e ishi nituweyihtamiyich chekwaayuu.

ᐊᐸᔅᑕᓚᒡ 28:7

Namui waahyuu anit aniyuu kaa ihtaatwaau chii ihtakun nihtaauchihchikan aschii. Publius chii ishinihkaasuu an kaa uchimaaut anit aniyuu ministikuyuu. Eukw maak uu kaa tipiyeusiit aniyuu nihtaauchihchikan aschiiyuu. Naashch nichii miyutuutaakunaan uu naapeu. Nishtu chiishikaau nichii ishpish ihtaawaanaan anite e ihtaat.

ᐊᐸᔅᑕᓚᒡ 4:32

Ekw maak anichii kaa taapweyimaatwaau Jesus, chii peyakw mituneyihtamuch kaye peyakunihch chii ishi wiyeyihtamuch. Taan kaa ishi tipiyeusiit awen chekwaayuu namui uhchi iteyihtam mikw wiya e tipiyeusiit, misiwe aweyuu chii ishi maamuu aapachihtaayuu taan kaa ishi ayaat.

Romans 12:10

Saachihiitukw wesh misiwe chiwiichishaanihtunaawaau. Chisteyimitukw chitehiiwaahch.

Romans 15:5

Chishemanituu an kaa miiwet siipiiwesiiwiniyuu kaye kaa siihchimuwet eukw netutamuuk chechii ihtuutaataakw chechii miyu wiicheutuwekw e chischinuwaapamekw Christ taan kaa aihtit wiya.

1 Corinthians 1:10

Niichishaanitikw, Chitipeyihchikeminuu Jesus Christ utishinihkaasuwinihch uhchi, chisiihchimitinaawaau maamuu chechii niskumuyekw chekwaan e itweyekw ekaa chechii papahkaanipayekw anit mekwesiinuu e ihtaayekw. Suuhk wii maamuupayihukw peyakunihch e ishi maamituneyihtamekw kaye peyakunihch e ishi nisituhtamekw.

1 Corinthians 12:26

Ihtakuhche e ishi aahkusiimakahch an miiyuu, misiwe e ishpishaach miiyuu chika muushihtaachemakan. Kaye peyakw paschesiwin anit miiyuuhch miyuhkaakanuuhche, misiwe e ishpishaach an miiyuu chika miyeyimuumakan.

Ephesians 4:2

Chipaa tipihteyimisunaawaau kaye chipaa chiyaameyihtaakusinaawaau kaye muush chipaa wii siipiiwesinaawaau. Nuukuhtaakw e saachihiituyekw ekaa saskachiyekw e waawiichihiituyekw.

Ephesians 4:31

Puuniikw e iskaayeyihtamekw, e aahkuyuwesiyekw kaye e chishuwaasiyekw. Puuniikw kaye e maayeyihcheyekw kaye e kachiihkaamituyekw. Namui mitun chipaa uhchi ayaanaawaau uhkaasiwewin.

Ephesians 4:32

Chipaa miyutuutawaawaauch awenichii kaye chipaa yuuspaatisiinaawaau. Kaye chipaa wepeyihtamuwaawaauch awenichii muyaam taan kaa ishi wepeyihtamaatahkw Chishemanituu Christ uhchi.

Philippians 2:3

Namui chipaa uhchi ihtuuten chekwaan mikw chiya e maamituneyimisuyin. Maak mikw chechii uhchi mamiywaachimikuyin. Tipihteyimisukw, uste kutakach awenichii e iteyimekuch.

Philippians 3:16

Tepiyaahch misiwe nanaakataweyihtamihiikuyihkwe taan shaash kaa ishi chiskutamaakuyihkw.

Colossians 3:12

Chiyawaau Chishemanituu kaa wiyaapamitaakw kaa payehchisiyich utiiniimh kaye kaa saachihaat, chishewaatisiikw, chistimaacheyimaahkuhch awenichii, tipihteyimisukw, yuuspaatisiikw kaye siipiiwesiikw.

Hebrews 13:1

Niichishaanitikw, muush kanawach saachihiitukw.

James 2:13

Awen ekaa kaa chistimaacheyimaat kutak aweyuu namui kaye wiya kata uhchi chistimaacheyimaakanuu iskutak wiyaaskunaakanuute. Mikw maak an awen kaa chistimaacheyimaat kutak aweyuuh namui kata uhchi kushtaachuu chechii wiyaaskunaakanuut.

James 3:17

An maak kachehtaaweyihtamuwin ishpimihch kaa uhchipayihch niishtam tekash payehkan, ekw miin e chiyaameyihtaakuhiiwemakahch, yuuspeyihtaakuhiiwemakahch, kaye ihtuutaakuu awen yaakwaau chechii nituhtawaat aweyuuh. Awen e ayaat uyuu kachehtaaweyihtamuwiniyuu naashch kata weyuuch chishewaatutaweu aweyuuh kaye mistahii chika miyutuutamaacheu, peyakunihch chika ishi kanawaapameu misiwe aweyuuh kaye namui mitun chika uhchi wii kakaataau taan nihaau e iteyihtaakusit.

James 5:11

Wesh taapwe shaweyihtaakusuuch chititeyimaanuuch anichii ekaa uhchi nuuhtipuuniitwaau. Chichii pehtenaawaau taan kaa ishpish siipiiwesiit Job mekwaach kaa aayimuhut. Chichischeyimaanuu maak taan kaa ishi miyupayihtamaakut Utipeyihchikeu iskutak kaa chiishi aayimuhut. Saakaschineshkaakuu chishewaatisiiwiniyuu Utipeyihchikeu kaye saakaschineshkaakuu e chistimaacheyimaat aweyuu.

1 Peter 1:22

E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

1 Peter 2:17

Misiwe awen chisteyimaahkw. Saachihaahkuch misiwe anichii kaa wiichishaaniyekw Chishemanituu ishi e ihtaat, nanihchiishtuwaakw Chishemanituu, chisteyimaahkw chisheuchimaau.

1 Peter 5:5

Ekw maak chiyawaau kaa uschipimaatisiyekw chipaa nanihiihtuwaawauch anichii kaa wiichihiiwetwaau e pimipayihtaakanuyich ayimiheukamikuyuu. Misiwe maak e tashiyekw chipaa atushkaatunaawaau e tipihteyimitisuyekw wesh itashteyuu Chishemanituu utayimuwin, Chishemanituu namui nahaapameu aniyuu chihchiwe kaa iteyimisuyich, ekw aniyuu kaa tipihteyimisuyich chishewaatutaweu.

2 Peter 1:7

An maak e ati manituuwaatisiyekw, ekw che ati chishewaatutawekuch chiichishaanuwaauch. Iskutak maak e ati chishewaatutawekuch chiichishaanuwaauch ekw che ati ayaayekw saachihiiwewin.

1 John 3:14

E saachihiihkwaau chiichishaanuuch ekut wehchi chischeyihtamukw nipuwinihch e chii uhchi aashuuhtahiikuyihkw pimaatisiiwinihch chechii ishi ihtaayihkw. Awen ekaa kaa saachihaat wiichishaan eshkw tipeyimikuu nipuwiniyuu.