1 Peter 3:4 - Chishemanituu Utayimuwin: Kaa Uskaach Testament

⁴ Uste iteyihtaakun kuiskw chechii ishi pimaatisiyekw kaye maak chechii chiyaamaatisiyekw chechii uhchi miyunaakusiyekw. Eukw uyuu maauch miyunaakusit iskweu e ishi pimaatisit kaye maak eukw uyuu e ihtuutaakut muush chechii miyunaakusit. Eukw uyuu maauch meyuunahk Chishemanituu iskweuh chechii ishi pimaatisiyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁴ ᐅᔅᑌ ᐃᑌᔨᐦᑖᑯᓐ ᑯᐃᔅᒄ ᒉᒌ ᐃᔑ ᐱᒫᑎᓯᔦᒄ ᑲᔦ ᒫᒃ ᒉᒌ ᒋᔮᒫᑎᓯᔦᒄ ᒉᒌ ᐅᐦᒋ ᒥᔪᓈᑯᓯᔦᒄ᙮ ᐁᐅᒄ ᐅᔫ ᒫᐅᒡ ᒥᔪᓈᑯᓯᑦ ᐃᔅᑴᐤ ᐁ ᐃᔑ ᐱᒫᑎᓯᑦ ᑲᔦ ᒫᒃ ᐁᐅᒄ ᐅᔫ ᐁ ᐃᐦᑑᑖᑯᑦ ᒨᔥ ᒉᒌ ᒥᔪᓈᑯᓯᑦ᙮ ᐁᐅᒄ ᐅᔫ ᒫᐅᒡ ᒣᔫᓇᐦᒃ ᒋᔐᒪᓂᑑ ᐃᔅᑴᐤᐦ ᒉᒌ ᐃᔑ ᐱᒫᑎᓯᔨᒡ᙮

1 Peter 3:4 Iomraidhean Croise

Matthew 11:29

Pushchishkamutiisukw nimiiskwaapan, pechi chischinuwaapamukw maak, wesh nitayuuspaatisiin niya kaye nitipihteyimun nitehiihch. Kaye maak chika chii ayiwepuuch chitahchaahkuwaauch.

Matthew 21:5

Wiihtamuwaahkuch anichii iinuuch anite Zionihch kaa uhchiitwaau, kanawaapamaahkw maa chichisheuchimaamuwaau. Chipechi nituwaapamikuwaau e tipihteyimisut uhkaan muyaam kaa apishiishit kaapalakaskweu kaa ishinaakusiyich e tehtapit. Eukw uyuu kaa itwekupane aniyaa peyakw uchischiwehiichesuu.

Matthew 23:26

Chiyawaau Phariseech e chischinuhtahekuch anichii ekaa kaa waapahtahkwaau kaa ishinaakusiyekw, niishtam anite piihch chipaa payehchihtaanaawaau aniyuu chiminihkwaakanawaau, ekw maak yaakw tekash che payehkaapiskaakwaau.”

Matthew 5:5

Shaweyihtaakusuuch anichii kaa yuuspaatisiitwaau wesh chika miyaakanuuch uyuu aschiiyuu.

Luke 11:40

Namui aa chinisituhtenaawaau, Chishemanituu kaa ushihtaat miiyuuyuu chii ushihtaau kaye aniyuu piihch taan e ishinaakuniyich.

Luke 16:15

Jesus maak chii iteu, “Chitishinaakuhiisunaawaau muyaam e kuiskutaatisiyekw anite uhchishkuu iinuuch e ihtaatwaau, mikw maak Chishemanituu chischeyihtam taan chihchiwe e iteyihtaakusiyekw. Wesh aniyuuh chekwaayuuh chihchiwe kaa iteyihtamihiikutwaau awenichii Chishemanituu uhkaatam aniyuuh.”

Romans 1:23

Ishpish wii chechii nuuchiishtuwaatwaau kaa chisteyihtaakusiyich Chishemanituu aniyuu kaachiche che ihtaayich, teyakuch aniyuuh manituuhkaanh che nishuunaatisiyich nuuchiishtuweuch, aniyuuh wiyawaau tipiiwe e chii ushihaatwaau mistikuhch ekw maak asiniihch uhchi. Aniyuuh maak manituuhkaanh kaa ushihaatwaau muyaam naapeu maak piyeshiisha maak awesiisa maak nanaahkuu e ishinaakusiyich manichuusha ekun kaa ishinaakuhaatwaau.

Romans 2:29

An awen chihchiwe Jewa kaa ihtaat nuukuniyuu anite piihch upimaatisiiwinihch taapwe Jewa e ihtaat. Wesh Kaa payehchisiit Ahchaahkw eukuu e chischinuwaachishukuyihkw chitehiinaahch, eukw maak uu chihchiwe chischinuwaachishuwewin, namayeu wii wiishuwewin e nanihiihtamuhkw chika chii chischinuwaachishukunaanuu chitehiinaahch. Eukw maak uu awen chihchiwe Jewa kaa ihtaat Chishemanituuh eukw che nituweyimaat chechii mamiywaachimikut namui wii naapeuh.

Romans 6:6

Wesh chichischeyihtenaanuu an weskach chititaatisiwinuu e chii chiistaaskuhtaakanuuhch Jesus kaa chiistaaskuhwaakanuut ashiteyaahtikuhch. Aniyuu kaa chiistaaskuhwaakanuut ekut kaa nishuunaatisiimakahch taan kaa ishi tipeyimikuyihkw weskach chititaatisiiwinuuh ekw maak namui mitun chika chii tipeyimikunaanuu ekw machaatisiiwin.

Romans 7:22

Utah piihch e ihtaayaan naashch nimiyeyihtamihiikuwaan Chishemanituu uwiishuwewin.

2 Corinthians 10:1

Ihtakun che ishi pukuseyimitakuch. Uu maak che aayimuutamaatakuch an e ishpish chishewaatisiit kaye e ishpish chiyaamisiit Jesus Christ niwii iteyihtaakusin an e ishi ayimihiitakuch. Ihtaauch awenichii e itwetwaau naashch ekaa saapihtaakusuuch anit e ihtaawekw e ihtaauch. Mikw anite aahchiiuh e ihtaauch e uhchi suuhcheyihtaakuhiisuch itweuch.

2 Corinthians 4:16

Ekun maak wehchi ekaa nihtaa wii puuniyaahch. Aat uschich utah chiiyuunaahch wetaach e ati wanaatisiihkw, eshikum chiishikaau maskuuhaakanuuch chitahchaahkunuuch.

Galatians 5:23

naashch yuuspaatisiyuuch kaye miyu naanaakachihtaauch taan e ishi pimaatisiitwaau. Namui ihtakuniyiche wiishuwewin e chistahamaachemakahch uu chechii ishi pimaatisiinaanuuhch.

Ephesians 4:2

Chipaa tipihteyimisunaawaau kaye chipaa chiyaameyihtaakusinaawaau kaye muush chipaa wii siipiiwesinaawaau. Nuukuhtaakw e saachihiituyekw ekaa saskachiyekw e waawiichihiituyekw.

Colossians 3:12

Chiyawaau Chishemanituu kaa wiyaapamitaakw kaa payehchisiyich utiiniimh kaye kaa saachihaat, chishewaatisiikw, chistimaacheyimaahkuhch awenichii, tipihteyimisukw, yuuspaatisiikw kaye siipiiwesiikw.

Colossians 3:3

Wesh taapaa ekw ihtakun aniyene kaa chii ishi pimaatisiyekw. Kaachisteuh chihchiwe chipimaatisiiwinawaauh anite Chishemanituu e ihtaat e wiichichewekw Christ.

1 Thessalonians 4:11

Shaash ute chichii wiihtamaatinaan taan chipaa ihtinaawaau, suuhk kuchihtaakw chechii chiyaamaatisiyekw. Ekaawii utamaapimaahkuch taan e ihtitwaau kutakach awenichii. Kaye maak suuhk aapatisikw.

2 Thessalonians 3:12

Nisiihchimaanaanich uchii awenich kaye nitayaakwaamimaanaanich Utipeyihchikeu Jesus e ihtaayich ishi e itachihtwaau, Chiyaam ishi pimaatisiikw kaye aapatisikw ati chechii uhchi pimipayihiisuyekw.

1 Timothy 2:2

Eyuu maak anichii kaa chisheuchimaautwaau ekw maak anichii kaa niikaaneyihtaakusitwaau chipaa ayimiheshtamuwaawaauch. Uu maak nanaahkuu e ishi ayimiheshtamuwekuch awenichii ekut che uhchi ihtakuhch chiyaameyihtamuwin eyuu maak ekut che uhchi ihtakuhch e miyu wiicheutunaanuuhch kuiskutaatisiiwinihch kaye ekut che uhchi ihtakuhch e chisteyimitunaanuuch.

2 Timothy 2:25

Kaye chiyaam chipaa ihtuutaweu e wii kuiskunaat aniyuu kaa naniskuustaakut aweyuuh. Chek maa chipaa chii ihtuutaakuyuuh Chishemanituu chechii kweskaatisiyich kaye chechii chischeyihtamiyich taapwewiniyuu.

Titus 3:2

Wiihtamuch ekaa chechii machaayimuumaatwaau aweyuu, chechii chiyaameyihtaakusitwaau kaye chechii miyeyihtaakusitwaau. Muush chipaa yuuspaatisiistuweuch misiwe aweyuuh.

James 1:21

Wepinamukw misiwe wiinisuwin kaye misiwe machaatisiiwin. Pachishteyimisukw Chishemanituu e ihtaat, ihtuutamuwaahkw utayimuwin chitehiiwaahch kaa piihtahahk aniyuu chechii pimaachihiikuwekw.

1 Peter 1:23

Wesh iskutak miin e pimaatisiyekw kaa ishinaakusiyekw kaachiche pimaatisiiwin chichii miikunaawaau wesh kuutawaashiimitutaakuwaau Chishemanituu uhtaawiimaau an ekaa wiiskaat kaa puunipimaatisiit, Chishemanituu utayimuwin taan ekaa nihtaa che wanaatihch kaye ekaa nihtaa che miyaaupayihch ekut kaa uhchi ishinaakusiyekw miin e pimaatisiyekw.

1 Peter 3:15

chisteyimaahkw Utipeyihchikeu Christ chitehiiwaahch. Muush chipaa ayeskuwiinaawaau taan chechii ishi nishkweushihekuch anichii kaa wii naanituu chischeyihtahkwaau aniyuu aspeyimuwiniyuu kaa piihchishkaakuwekw. Chiyaam mikw wiihtamuwaahkuch awenichii uyeyuu kaye yaapach chisteyimaahkuch.