1 Peter 3:14 - Chishemanituu Utayimuwin: Kaa Uskaach Testament

¹⁴ Aat ishinaakuhch chechii nanehkaachihiikuyekw e kuiskutaatisiyekw uhchi, chika shaweyimikuwaau Chishemanituu. Ekaawii kakushtaahkuch wiyesh e wii ihtuutaataakuch awenichii, ekaawii chika uhchi mukushkaateyihtenaawaau,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁴ ᐋᑦ ᐃᔑᓈᑯᐦᒡ ᒉᒌ ᓇᓀᐦᑳᒋᐦᐄᑯᔦᒄ ᐁ ᑯᐃᔅᑯᑖᑎᓯᔦᒄ ᐅᐦᒋ, ᒋᑲ ᔕᐌᔨᒥᑯᐙᐤ ᒋᔐᒪᓂᑑ᙮ ᐁᑳᐐ ᑲᑯᔥᑖᐦᑯᒡ ᐎᔦᔥ ᐁ ᐐ ᐃᐦᑑᑖᑖᑯᒡ ᐊᐌᓂᒌ, ᐁᑳᐐ ᒋᑲ ᐅᐦᒋ ᒧᑯᔥᑳᑌᔨᐦᑌᓈᐙᐤ,

1 Peter 3:14 Iomraidhean Croise

Matthew 10:28

Ekaawii kushtaahkuch awenichii kaa nipahaatwaau aweyuuh. Chika chii nipaheuch aweyuu kaye chika chii wanaachihtaauch miiyuuyuu mikw maak namui chika chii wanaachiheuch ahchaahkwa. Chishemanituu maak eukw kushpaniishtuwaahkw an chechii wanaachihtaat miiyuuyuu kaye ahchaahkwa chechii wanaachihaat machishkutehch.

Matthew 10:31

Ekaawii maak kushtaachikw wesh chiyawaau uste chititeyimikuwaau Chishemanituu ishpishaat mihchetu piyeshiishah e iteyimaat.”

Matthew 10:39

An awen kaa wii kanuweyihtahk upimaatisiiwin mikw wiya e wii naniheyihtamihiisut kata wanihtaau ekw maak an awen kaa wanihtaat upimaatisiiwin niya uhchi kata miskam.”

Matthew 16:25

Awen kaa wii kanuweyihtamaasut upimaatisiiwin kata wanihtaau. An maak awen kaa wii pachishtinahk misiwe chekwaayuu taan kaa wii ihtuutahk mechim kaye upimaatisiiwin e wii pechi nuushuushkuut eukw an che miyaakanuut pimaatisiiwiniyuu.

Matthew 19:29

Misiwe awen kaa nakatahk wiichi kaye kaa nakataat wiichishaanh, uniichihiikuh kaye utawaashiimh kaye maak kaa nakatahk utaschii niya uhchi uste mitaahtumitanewaau chika chiiwemiyaakanuu kaye kaachiche pimaatisiiwiniyuu chika miyaakanuu.

Mark 10:29

“Ehe, taapwe,” chii itikuu Jesus, “chiwiihtamaatinaawaau maak, an awen che nakatamukwe wiichi, maak che nakataakwe wiichishaan, wiichishaaniskwem, maak ukaawii, uhtaawii, maak utawaashiim maak che nakatamukwe unihtaauchihchikan aschii, niya uhchi kaye miywaachimuwiniyuu uhchi,

Mark 8:35

Wesh an awen kaa wii kanuweyihtamaasut upimaatisiiwin kata wanihtaau. An maak awen che pachishtinamukwe misiwe chekwaayuu taan kaa wii ihtuutahk mechim kaye upimaatisiiwin e wii pechi nuushuushkuut kaye maak miywaachimuwiniyuu uhchi eukun uu che miyaakanuut pimaatisiiwiniyuu.

John 14:1

“Ekaawii mukushkaateyihtamukw. Taapweyimaahkw Chishemanituu kaye niya taapweyimikw.

John 14:27

“Chinakatamaatinaawaau chiyaameyihtamuwin. Niya nichiyaameyihtamuwin chimiitinaawaau. Namui utah aschiihch e iteyihtaakuhch chiyaameyihtamuwin chimiitinaawaau. Ekaawii maak mukushkaateyihtamukw kaye ekaawii kushtaachikw.

ᐊᐸᔅᑕᓚᒡ 9:16

Wesh niya nika waapahtiyaau taan che ishi nanehkaateyimut niya uhchi,” chii itikuu Utipeyihchikeu Ananias.

2 Corinthians 12:10

Ekun kaye wehchi yaapach sichiyesiyaan taan e ishpish ekaa saapisiyaan utah niyuuch e nuushuushkuukw Christ, kaye taan e ishi maayeyimikuyaan, taan e ishpish aayimuhuyaan maanh, taan e ishpish nanehkaachihiikuyaan, kaye taan e ishi nanehkaateyimuyaan. Yaapach nisichiyesin uu e ishi aayimuhuyaan wesh ekut wehchi chischeyihtamuch Christ usuuhkaatisiiwin. Anit ekaa saapisiyaan ekut e suuhcheyihtaakusiyaan.

Philippians 1:29

Chishemanituu maak chichii wiyeyimukuwaau namui mikw chechii taapweyimekw Christ, chichii wiyeyimikuwaau kaye chechii nanehkaachihiikuyekw Christ uhchi.

James 1:12

Shaweyihtaakusuu an awen ekaa kaa shaakuuchihiikut taan e ishi kakwechihaakanuut. Wesh shaapushkahke taan e ishi kakwechihaakanuut chika miikuu Chishemanituuh e weyuuch miyeyihtaakuniyich pimaatisiiwiniyuu, aniyuu kaa itweyich cheshtinaash che miyaayich aniyuu kaa saachihiikut.

James 5:11

Wesh taapwe shaweyihtaakusuuch chititeyimaanuuch anichii ekaa uhchi nuuhtipuuniitwaau. Chichii pehtenaawaau taan kaa ishpish siipiiwesiit Job mekwaach kaa aayimuhut. Chichischeyimaanuu maak taan kaa ishi miyupayihtamaakut Utipeyihchikeu iskutak kaa chiishi aayimuhut. Saakaschineshkaakuu chishewaatisiiwiniyuu Utipeyihchikeu kaye saakaschineshkaakuu e chistimaacheyimaat aweyuu.

1 Peter 3:6

Mwehch aniyaa Sarah kaa ishinaakusit, eukw an peyakw kaa aayimuumaakanuut e chii nanihiihtawaat uwiichimaakan Abraham, nuuchimaam e chii ishinihkaataat. Eukw maak uu Sarah weutaanisitutaataakw chiishpin kuiskw e ihtiyekw kaye ekaa kushtamekw chekwaan.