1 Peter 3:1 - Chishemanituu Utayimuwin: Kaa Uskaach Testament

¹ Mwehch maak kaye chiyawaau iskweutikw kaa niipuuyekw chipaa nanihiihtuwaawaauch chinaapemuwaauch. Wesh uu ihtiyekwe chika chii ishinaakuniyuu pasch chechii ati taapwehtahkwaau waapamitaakwenich taan e ishi kuiskupimaatisiiwekw, aat ekaa chistutekwenich chechii taapwehtahkwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᒬᐦᒡ ᒫᒃ ᑲᔦ ᒋᔭᐙᐤ ᐃᔅᑴᐅᑎᒄ ᑳ ᓃᐴᔦᒄ ᒋᐹ ᓇᓂᐦᐄᐦᑐᐙᐙᐅᒡ ᒋᓈᐯᒧᐙᐅᒡ᙮ ᐌᔥ ᐆ ᐃᐦᑎᔦᑴ ᒋᑲ ᒌ ᐃᔑᓈᑯᓂᔫ ᐸᔅᒡ ᒉᒌ ᐊᑎ ᑖᐺᐦᑕᐦᒀᐤ ᐙᐸᒥᑖᑴᓂᒡ ᑖᓐ ᐁ ᐃᔑ ᑯᐃᔅᑯᐱᒫᑎᓰᐌᒄ, ᐋᑦ ᐁᑳ ᒋᔅᑐᑌᑴᓂᒡ ᒉᒌ ᑖᐺᐦᑕᐦᒀᐤ᙮

1 Peter 3:1 Iomraidhean Croise

Matthew 18:15

“Wanituutaaske chiichishaan, nituwaapam che wiihtamuut taan e ishi wanituutaask, mikw chiyawaau e niishiyekw che wiihtamuut uyuu. Nituhtaaske maak, ekw kiipaa miin che miyupayekw e wiichishaanihtuyekw.

Romans 10:16

Aat maak e chii ihtaayich aniyuuh kaa itishahamuwaakanuutwaau chechii waawiihtamaakutwaau miywaachimuwiniyuu anichii Jewa iinuuch namui misiwe uhchi taapwehtamuch. Eukw maak uyuu aniyaanaa uchischiwehiichesuu Isaiah kaa aayimuutahk kaa itwet, Utipeyihchikeu, aatawii aa awen taapwehtam taan e ishi waawiihtamaahch.

Romans 6:17

Ninanaaskumaau Chishemanituu chiyawaau peyakwaau kaa ishinaakusiyekw e utaapachihaakanitutaakuyekw machihtwaawin, e chii utihchipayihch taanit tekash kaa iteyihtamihiikuyekw chechii nanihiihtamekw miyu chiskutamaachewin iskutak e ati waawiihtamaakuyekw.

Romans 7:2

Muyaam iskweu taan e ishinaakusit, itashteyuu wiishuwewinihch ekaa chechii nakataat unaapem eshkw e pimaatisiyich. Chiishpin maak puunipimaatisiichenh aniyuu unaapemh ekw kiipaa namui ekw chika maamaahchikwaapihkaatikuu aniyuu wiishuwewiniyuu.

1 Corinthians 11:3

Mikw maak maau netaweyimitakuch chechii chischeyihtamekw. Christ niikaanishkuweu misiwe naapeuh. Naapeu maak wiichiskweu niikaanishkuweu, ekw Chishemanituu Christ niikaanishkuweu.

1 Corinthians 14:34

Maau maak chipaa iteyihtaakunh ayimiheukamikw misiwe taanite nestuwiitwaau kaa taapwehtahkwaau. Iskweuch namui chipaa uhchi chistuuch e ayimihaanuyich. Wesh chii chistahamuwaakanuuch chechii ayimitwaau, chechii pachishteyimitusuustawaatwaau unaapemuwaauh muyaam taan e ishi wiihtamaachemakaniyich wiishuwewiniyuu.

1 Corinthians 7:16

Chiya iskweu kaa taapweyimat Jesus, maaskuuch kata chii ishinaakun chechii pimaachihut chinaapem chii uhchi, kaye maak chiya naapeu kaa taapweyimat Jesus, kata chii ishinaakuniyuu chechii pimaachihut chiichiskweu chiya uhchi.

Ephesians 5:33

Mikw maak kaye chiyawaau naapeutikw kaye iskweutikw chitaayimuumikunaawaau. Misiwe naapeu chipaa saachiheu wiichiskweu mwehch wiya e ishpish saachihiisut. Kaye maak iskweu chipaa chisteyimeu unaapem.

Colossians 3:18

Chiyawaau iskweutikw kaa niipuuyekw nanihiihtuwaahkuch chinaapemuwaauch. Eukw uu chipaa ihtinaawaau e nuushuushkuwekw Utipeyihchikeu.

Colossians 4:5

Suuhk wii kachehtaaweyihtamukw taan e ishi pimaatisiyekw mekwesiinuu anite anichii ekaa kaa taapwehtahkwaau e pimaatisiyekw. Muush utinamaasukw taanit teupayihch maanh chechii ayimihekuch anichii ekaa kaa taapwehtahkwaau.

2 Thessalonians 1:8

Ishkuteyuu e chisihkuyepayiyich chika aapachihtaau waweshihaate aniyuu ekaa kaa chischeyimaayich Chishemanituu kaye aniyuuh ekaa kaa nanihiihtamiyich miywaachimuwiniyuu anit yaayimuumaakanuyich Utipeyihchikeu Jesus.

Hebrews 11:8

Abraham kaye chii taapweyimeu Chishemanituu. Eukw aniyuu wehchii nanihiihtuwaat iskutak kaa tepwaatikut kaye kaa itikut chechii nakatahk aniyuu aschiiyuu anit kaa uhchiit anite chechii ituhtet aniyuu aschiiyuu kaa itikut Chishemanituu che miikut wiya chechii ayaat. Abraham maak chii nanihiihtam, tiiwehch chii chistuhteu aat ekaa eshkw uhchi chischeyihtahk taanite nihaau chipaa ituhteu.

Hebrews 5:9

Aniyuu maak tekash e chii nanihiihtahk Jesus chechii nanehkaachihaakanuut ekut kaa uhchi miyaakanuut kaachiche chechii pimaachihaat misiwe aniyuuh kaa nanihiihtaakut.

1 Peter 1:22

E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

1 Peter 3:2

Wesh waapamitaakwenich e payehchi pimaatisiiwekw kaye e chisteyimekw Chishemanituu eukw uyeyuu che wiichihiikutwaau chechii taapwehtahkwaau.

1 Peter 3:7

Ekun maak kaye chiyawaau kaa niipuuyekw naapeutikw che ihtiyekw. Suuhk wii nanaakatuweyimaahkuch chiichiskweuwaauch e wiichimekuch e chischeyimekuch ekaa ishpish suuhchisiitwaau chiyawaau e ishpish suuhchisiiwekw. Chihkaateyimaahkuch wesh kaye wiyawaau chika aanische miyaakanuuch kaachiche pimaatisiiwiniyuu mwehch chiyawaau che ishi miikuyekw. Ihtuutamukw uu e itashumitakuch ekaa chekwaan chechii chipishkaakuyekw e ayimihekw Chishemanituu.

1 Peter 4:17

Wesh shaash utihchipayuu che wiyaaskunaat Chishemanituu utiiniim. Chiishpin maak chiyaanuu kaa taapwehtamukw niishtam che wiyaaskunikuwaauhkwe, eishimaa kata ispayuuch anichii ekaa kaa wii nanihiihtamuwaatwaau Chishemanituu umiywaachimuwiniyuu.