1 Peter 2:6 - Chishemanituu Utayimuwin: Kaa Uskaach Testament

⁶ Wesh itashteyuu Chishemanituu utayimuwinihch, Niya nichii wiyeyimaau an maauch chihchiwe kaa iteyihtaakusit asinii. Eukw maak uu asinii e aapachihiik e wiikaapuuhtaauch niwaaskaahiikanimiyuu anite Zionihch. An maak awen che taapweyimaakwe uyuu kaa wiyaapamach namui wiiskaat chika uhchi mihchiiweyihtam e taapweyimaat.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐌᔥ ᐃᑕᔥᑌᔫ ᒋᔐᒪᓂᑑ ᐅᑕᔨᒧᐎᓂᐦᒡ, ᓂᔭ ᓂᒌ ᐎᔦᔨᒫᐤ ᐊᓐ ᒫᐅᒡ ᒋᐦᒋᐌ ᑳ ᐃᑌᔨᐦᑖᑯᓯᑦ ᐊᓯᓃ᙮ ᐁᐅᒄ ᒫᒃ ᐆ ᐊᓯᓃ ᐁ ᐋᐸᒋᐦᐄᒃ ᐁ ᐐᑳᐴᐦᑖᐅᒡ ᓂᐙᔅᑳᐦᐄᑲᓂᒥᔫ ᐊᓂᑌ ᓵᐃᔭᓂᐦᒡ᙮ ᐊᓐ ᒫᒃ ᐊᐌᓐ ᒉ ᑖᐺᔨᒫᑴ ᐅᔫ ᑳ ᐎᔮᐸᒪᒡ ᓇᒧᐃ ᐐᔅᑳᑦ ᒋᑲ ᐅᐦᒋ ᒥᐦᒌᐌᔨᐦᑕᒻ ᐁ ᑖᐺᔨᒫᑦ᙮

1 Peter 2:6 Iomraidhean Croise

Matthew 12:18

Maau nitaapachihaakan kaa wiyeyimak, an kaa saachihak, kaye kaa naniheyihtamihiit. Nika miyaau Nitahchaahkwa ekw maak che wiihtamuwaat misiwe aweyuu nanaahkuu e itiskaanesiyich che wiyaaskunaakanuyich.

Mark 12:10

Namui aa kuuhchi ayimihtaanaawaau anit Chishemanituu utayimuwinihch kaa itashtech, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich.

Luke 20:17

Chii kanawaapameu maak ekw kaa itaat, “Taan e itwemakahch maak Chishemanituu utayimuwinihch kaa itashtech, Chii aataweyimeuch kaa waaskaahiikanihchetwaau aniyuu asinii chihchiwe e aapatisiyich e chiihcheyaayich.”

Luke 23:35

Chii naaniipuuch anite awenichii e kanawaapitwaau e maayeyimikuyich aniyuu Jewa iinuuh kaa niikaanishkuwaayich e itweyich, “Chii wiichiheu kutak aweyuuh, kata wiichihiisuu maak taapwe Christ e aawiikwe, aniyuu Chishemanituu kaa wiyaapamaat.”

John 7:38

Wesh itashteu Chishemanituu utayimuwinihch, ‘An awen che pechi taapweyimikwe, utehiihch chika uhchichuuniyuu aniyuu nipiiyuu kaa pimaachihiiwemakaniyich.’ ”

ᐊᐸᔅᑕᓚᒡ 1:16

Ekw kaa itaat, “Niichishaanitikw, an kaa ishi niikaan wiihtaakuhch anite Chishemanituu utayimuwinihch yaaitei chii nituweyihtaakun misiwe chechii ispayihch. Eukw uyuu Kaa payehchisiit Ahchaahkw kaa ishi miyaat aniyaa David chechii niikaan wiihtamiyich taan che ihtiikupanenh Judas. Eukw uu Judas kaa ituhtahaat shimaakanisha Jesus e ihtaayich chechii maakunaayich.

Romans 10:11

Itashteu Chishemanituu utayimuwinihch, “An awen che taapweyimaakwe namui nihtaa kata uhchi iteyihtam sehchei aniyuu kaa taapweyimaat.”

Ephesians 1:4

Eshkw ekaa mechim uhchi ushihtaakanuuhch uu aschii, shaash chichii wiyaapamikunuu Chishemanituu wiya che ayaautihkw aniyuu uhchi Christ e wiicheumuhkw. Chichii wiyaapamikunuu chechii payehchisiyuuhkw kaye ekaa mitun chekwaan chechii ihtakuhch che ishi ataameyihtaakusiihkw Chishemanituu ishi e ihtaat.

Ephesians 2:20

Aniyuu taan kaa ishi wiihtamaataakuch miywaachimuwiniyuu apastalach kaye uchischiwehiichesuuch eukuu kaa wiikaapuuhiikuyekw. Jesus Christ maak eukw chihchiwe meyuu yaaichikaapuuhiitaakw,

2 Timothy 3:16

Misiwe taan e itashtech Chishemanituu utayimuwinihch wiya aniyuu tipiiwe utayimuwin Chishemanituu. Miywaapatan kacheschimuwewinihch, chistahamaachewinihch, kuiskuniwewinihch, kaye kuiskutaatisiiwin chischinuhamaachewinihch ishi.

1 Peter 2:4

Pechi naataahkw maak Utipeyihchikeu Jesus, an kaa pimaatisiit asinii kaa ishinihkaataakanuut. Chii aataweyimikuu aweyuu utah aschiihch, mikw maak Chishemanituu chii wiyaapamikuu wiya maauch chechii chisteyihtaakusit.

1 Peter 2:8

Ekw maak miin e itashtech anite Chishemanituu utayimuwinihch, Uu asinii chika pisusamuweu kaye eukuu kaa mihchaapischisit asinii che pahchishimaat aweyuuh. Pasuskaweuch uyuuh asinii wesh namui uhchi nanihiihtamuweuch Chishemanituu utayimuwiniyuu. Eukw maak uyuu che uhchi waweshihaakanuutwaau wesh shaash ekun kaa ishi wiyeyihtamiyich Chishemanituu che ihtuutaakutwaau.

2 Peter 1:20

Maauch maak e ishi nitaweyihtaakuhch chechii nishituhtamekw eukw uu ekaa waachi peyakw chischiwehiichewin anite Chishemanituu utayimuwinihch kaa ihtakuhkwaau chechii itweshtamaatahk naapeu mikw wii e payakushit.

2 Peter 3:16

Ekun wesh e ishi aayimuutahk kaye wiya misiwe anit kaa mamasinahamaachet. Ihtakuniyuuh kiipaa e wii aayimihtaakuniyikwaau pasch chekwaayuu taan e ishi aayimuutahk. Eukunh maak uyuuh chekwaayuuh nitamukw waa ishi itweshtamuwaatahkwaau anichii ekaa kaa nisituhtahkwaau Chishemanituu utayimuwiniyuu kaye anichii ekaa kaa suuhchikaapuutwaau. Ekun kaye e ihtuutahkwaau nanaahkuu taan e ishi aayimuuteyich Chishemanituu utayimuwinihch. Wiyawaau maak niyaanitam ati wanaachihiisuuch uyuu e ihtitwaau.