1 Peter 2:23 - Chishemanituu Utayimuwin: Kaa Uskaach Testament

²³ Kaa maayeyimaakanuut namui yaaitei uhchi taapishtaau taan kaa ishi maayeyimaakanuut. Kaa nanehkaachihaakanuut namui uhchi wii sasechimuweu e aayimuutahk taan chechii ishi taapishtaat. Uste tekash chii aspeyimututaweu aniyuu kaa cheshtinaateyihtaakusiyich cheshtinaash kuiskw che ishi wiyaaskunicheyich.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²³ ᑳ ᒫᔦᔨᒫᑲᓅᑦ ᓇᒧᐃ ᔮᐃᑌᐃ ᐅᐦᒋ ᑖᐱᔥᑖᐤ ᑖᓐ ᑳ ᐃᔑ ᒫᔦᔨᒫᑲᓅᑦ᙮ ᑳ ᓇᓀᐦᑳᒋᐦᐋᑲᓅᑦ ᓇᒧᐃ ᐅᐦᒋ ᐐ ᓴᓭᒋᒧᐌᐤ ᐁ ᐋᔨᒨᑕᐦᒃ ᑖᓐ ᒉᒌ ᐃᔑ ᑖᐱᔥᑖᑦ᙮ ᐅᔅᑌ ᑌᑲᔥ ᒌ ᐊᔅᐯᔨᒧᑐᑕᐌᐤ ᐊᓂᔫ ᑳ ᒉᔥᑎᓈᑌᔨᐦᑖᑯᓯᔨᒡ ᒉᔥᑎᓈᔥ ᑯᐃᔅᒄ ᒉ ᐃᔑ ᐎᔮᔅᑯᓂᒉᔨᒡ᙮

1 Peter 2:23 Iomraidhean Croise

Luke 23:41

Chiyaanuu maak ishinaakun chechii chiistaaskuhukuyihkw taan kaa ishi machituutamuhkw. Uu maak naapeu namui uhchi machituutam.”

Luke 23:46

Jesus maak chii ishi tepweu, “Nuuhtaawii, chiya e ihtaayin nipachishteyimaau nitahchaahkw chechii kanuweyimat.” Iskutak maak uyeyuu kaa itwet ekw kaa nipit.

Luke 23:9

Iskutak piyesuwaakanuyich Jesus, Herod chineush memehch chii ishi kakwechimeu. Namui maak wiyesh uhchi ishi nishkweushihiikuu.

ᐊᐸᔅᑕᓚᒡ 17:31

Wesh Chishemanituu chii wiyeyihtam aniyuu e chiishikaayich misiwe aweyuu utah aschiihch kuiskw che ishi wiyaaskunaakanuyich. Chishemanituu maak chii wiyeyimeu peyakw naapeu che ishi wiyaaskunicheyich, chii waapahtiyeu maak misiwe aweyuu eukun uyuu naapeu kaa wiyaapamaat chechii wiyaaskunicheyich, e chii wanishkaanaat nipuwinihch uhchi.”

ᐊᐸᔅᑕᓚᒡ 4:29

Utipeyihchikeu, kanawaapamach maa, taan e ishi naanituu kushtaachihiyiimihtwaau. Wiichihiinaan niyaan chitaapachihaakanich chechii suuhchikaapuuyaahch e waawiihtamaahch chimiywaachimuwin, chechii suuhchiteheyaahch.

ᐊᐸᔅᑕᓚᒡ 7:59

Chii paahpimusinaatahweuch maak yaapach aniyuu Stephen aat mekwaach e tepwaataayich Utipeyihchikeu e itweyich, “Utipeyihchikeu Jesus, utin nitahchaahkw.”

ᐊᐸᔅᑕᓚᒡ 9:1

Saul maak wii eshkw ekun kaa ihtit e papaasechihaat aniyuu aweyuuh Utipeyihchikeu Jesus kaa taapweyimaayich e itaat che nipahaakanuyich. Chii nituwaapameu maak chisheayimiheuchimaauh,

Romans 2:5

An maak e ishpish suuhcheyimuwiin mikw chitihtuuten etituu aahkwaach chechii ishi wiyaaskunisk Chishemanituu aniyuu e chiishikaayich taanit cheshtinaash kuiskw che ishi wiyaaskunaat aniyuuh kaa machituutamiyich.

Ephesians 6:9

Chiyawaau kaye kaa uchimaawiyekw, miyutuutawaahkuch chitaapachihaakanuwaauch. Ekaawii sechihaahkuch. Wesh chichischeyihtenaawaau e peyakut kuuchimaamuwaau. Eukw uu Utipeyihchikeu kihchikiishikuhch kaa ihtaat. Misiwe maak aweyuuh taapituu iteyimeu, namui uste miyutuutaweu aweyuu kaa uchimaawiyich.

2 Thessalonians 1:5

Ekut maak utah che uhchi chischeyihtamekw taan e ishpish kuiskw ihtit Chishemanituu e wiyaaskunichet. An maak taan e ispayekw chika tepicheyihtaakusinaawaau chechii wiichihiiweyekw anite Chishemanituu uchisheuchimaawinihch.

2 Timothy 1:12

Eukw maak uu niyaanikutehch wehch nanehkaateyimuyaan, mikw maak namui ihtakun taan chechii ishi pimaamishiitutamaan uu miywaachimuwin, wesh nichischeyimaau an awen kaa taapweyimak kaye maak mitun nicheshtinaateyihten chechii miyu kanuweyihtahk aniyuu taan kaa ishi pachishteyihtamuuk paatish utihchipayiyiche aniyuu e chiishikaayich miin che takushihk.

2 Timothy 4:8

Shaash ayeskuushteu an chisheuchimaau astuutin aniyuu che miiyaakanuutwaau anichii che kuiskutaatisiitwaau. Eukw maak uyuu che pechi miit Utipeyihchikeu an kuiskw kaa ishi wiyaaskunichet miin pechi takushihke. Namui maak mikw niya nika uhchi miikuun uu e ishinaakuhch astutin, misiwe anichii saachihiiwewinihch kaa ishi pukuseyimutwaau Utipeyihchikeuh miin che takushiniyich kaye wiyawaau kata miyaakanuuch.

Hebrews 12:3

Maamituneyimaahkw maa Jesus taan kaa ishpish chii nanehkaateyimut. Chii uhkaatikuu aniyuu kaa machaatisiyich. Maamituneyimaahkw Jesus ekw maak che suuhchikaapuuyekw, namui chika uhchi wii nuuhtipuuniinaawaau e taapwehtamekw.

1 Peter 3:9

Ekaawii yaaitei wii taapishtaa awen e wanituutaask maak e mamaayeyimisk. Yaapach uste miyutuutamuu kaye ayimihchike chechii shaweyimikut Chishemanituu wesh eukw uu kaa ishi wiyaapihtaakanuuhch chipimaatisiiwin chechii ishinaakuhch. Ekut chechii uhchi aanische miikawiyin shaweyihchichewin.

1 Peter 4:19

Ekw maak anichii awenichii kaa nanehkaateyimutwaau Chishemanituu e chii pachishtinamiyich uyuu chechii ispayitwaau yaapach chipaa ihtuutamuch aniyuu taan e ishi kuiskunaakuniyich kaye tekash chipaa taapweucheyimeuch Chishemanituu aniyuu kaa ushihiikutwaau, aniyuu ekaa nihtaa che uhchi puuniyich e wiichihiikutwaau.

Revelation 19:11

Ekw kaa waapahtamaan kihchikiishikw e aapahiipayihch. Chii uhchi nuukushuu maak kaapalakaskweu e waapisit. An maak kaa tehtapit aniyuuh kaapalakaskweuh kaa taapweucheyihtaakusit kaye kaa taapwet chii ishinihkaataakanuu. Kuiskutaatisiiwinihch ishi wiyaaskunicheu kaye kuiskutaatisiiwiniyuu maasihchestam.