1 Peter 2:22 - Chishemanituu Utayimuwin: Kaa Uskaach Testament

²² namui wiiskaat uhchi machituutam kaye namui wiiskaat nitamukw uhchi ishi ayimuu, muush kuiskw chii ishi ayimuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᓇᒧᐃ ᐐᔅᑳᑦ ᐅᐦᒋ ᒪᒋᑑᑕᒻ ᑲᔦ ᓇᒧᐃ ᐐᔅᑳᑦ ᓂᑕᒧᒄ ᐅᐦᒋ ᐃᔑ ᐊᔨᒨ, ᒨᔥ ᑯᐃᔅᒄ ᒌ ᐃᔑ ᐊᔨᒨ᙮

1 Peter 2:22 Iomraidhean Croise

Matthew 27:19

Mekwaach maak Pilate e apit anite wiyaaskunicheukamikuhch wiichiskweuh chii pechi itishahweyuuh aweyuuh chechii itikut, “Ekaawii wiyesh ihtuutuu an kaa kuiskutaatisiit naapeu. Wesin naashch nimukushkaateyihtamihiikuun taan kaa ishi puwaatak tepiskaayich.”

Matthew 27:4

ekw kaa itaat, “Taapwe nuwach niwanituuten taan kaa ishi wiyeshipachishtinak naapeu ekaa uhchi machituutahk.” Ekw kaa itikut aniyuuh ayimiheuchimaau ekw maak aniyuu Jewa iinuuh kaa niikaanishkuwaayich, “Taapaa wiyesh nika chii ihtinaan niyaan. Chiya chikaa wii miyupayihtwaasun an.”

Luke 23:41

Chiyaanuu maak ishinaakun chechii chiistaaskuhukuyihkw taan kaa ishi machituutamuhkw. Uu maak naapeu namui uhchi machituutam.”

Luke 23:47

An maak shimaakanishuuchimaau iskutak kaa waapahtahk taan kaa ispayiyich, chii chishtaachimeu Chishemanituu kaye chii itweu, “Cheshtinaash taapwe chii kuiskutaatisiiche uu naapeu.”

John 1:47

Iskutak maak Jesus wiyaapamaat Nathanael e petaashtamuhteyich chii iteu, “Eukuu chihchiwe Israel iinuu, naashch taapwe kuiskutaatisiyuu.”

John 8:46

Namui waawaach peyakw anit e tashiyekw chika chii wiihtenaawaau kaa machituutamuwaane. Kuiskw maak muush e itweyaan chekwaan. Chekwaan maak wehchi ekaa chii taapwehtuuyekw.

2 Corinthians 5:21

Aat maak Christ ekaa wiiskaat uhchi machituutahk Chishemanituu chii ihtuutaakuu mwehch umachihtwaau chechii ishinaakusit, chiyaanuu uhchi. Ekw maak Christ wiicheuhkwe, ukuiskutaatisiiuch chika ishi kanawaapamikunuu Chishemanituu.

Hebrews 4:15

Wesh an chichisheayimiheuchimaaminuu chichistimaacheyimikunuu. Tekash chichischeyimikunuu ekaa mitun suuhchikaapuuhkw iskutak e kakwechihiikuuhkw chechii machituutamuhkw. Wesh kaye wiya chii kakwechihaakanuu chechii machituutahkw muyaam chiyaanuu e ihtuutaakuyihkw, mikw maak namui uhchi machituutam wiya.

Hebrews 9:28

Kaye wiya maak Christ mikw peyakwaa chii pachishtinam upimaatisiiwin anit chechii uhchi ihtakuniyich misiwe awen chechii wepeyihtamuwaakanuut umachihtwaawinh. Mikw maak miin chika takushinuu, namui wii chechii nihiipayihtaat anit chechii uhchi wepeyihtamaachaanuyich machihtwaawinh, chika takushinuu mikw chechii pimaachihaat aniyuuh aweyuu kaa ashuwaapamikut che ishpish takushihk.

1 John 2:1

Chimasinahamaatinaawaau nitawaashiimitikw ekaa chechii machituutamekw. E ihtaakwe maak awen e chii machituutahk Jesus Christ kaa kuiskutaatisiit eukw uu e ayimishtamaatahkw Kuuhtaawiinuuh e ihtaayich.

1 John 3:5

Chichischeyihtenaawaau Christ e chii pechi takushihk chechii iichenamuwaat aweyuu umachihtwaawiniyuuh kaye ekaa wiiskaat uhchi machituutahk wiya.

Revelation 14:5

Namui nihtaa uhchi nanatayuuch, ekaa nihtaa uhchi waniihtitwaau ishi kanawaapamikuuch Chishemanituu.