1 Peter 2:21 - Chishemanituu Utayimuwin: Kaa Uskaach Testament

²¹ Wesh eukuu wehchii wiishaamikuyekw, aniyuu Christ e chii wawiisacheyihtamihaakanuut chichii nakatamaakuwaau chekwaayuu che chischinuwaapahtamuwekw, chechii taahtaapahamewekw taanite kaa pimuhtet.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²¹ ᐌᔥ ᐁᐅᑰ ᐌᐦᒌ ᐐᔖᒥᑯᔦᒄ, ᐊᓂᔫ ᙭ ᐁ ᒌ ᐗᐐᓯᒉᔨᐦᑕᒥᐦᐋᑲᓅᑦ ᒋᒌ ᓇᑲᑕᒫᑯᐙᐤ ᒉᒀᔫ ᒉ ᒋᔅᒋᓄᐙᐸᐦᑕᒧᐌᒄ, ᒉᒌ ᑖᐦᑖᐸᐦᐊᒣᐌᒄ ᑖᓂᑌ ᑳ ᐱᒧᐦᑌᑦ᙮

1 Peter 2:21 Iomraidhean Croise

Matthew 10:38

An awen ekaa kaa wii pimuhtahaat utaashiteyaahtikum namui tepicheyihtaakusuu chechii uchischinuhamuwaakaniyaan.

Matthew 11:29

Pushchishkamutiisukw nimiiskwaapan, pechi chischinuwaapamukw maak, wesh nitayuuspaatisiin niya kaye nitipihteyimun nitehiihch. Kaye maak chika chii ayiwepuuch chitahchaahkuwaauch.

Matthew 16:24

Ekw Jesus kaa itaat aniyuu uchischinuhamuwaakan, “Awen waa nuushuushkuukwe ekush chipaa pachishtinam aniyuu wiya taan waa ishi naniheyihtamihiisut, chipaa utineu utaashiteyaahtikum ekw maak nipaa pechi nuushuushkaakw.

Luke 24:26

Taapwe eukun kaa ishi nituweyihtaakuhch chechii ispayikupane, eukw uu Christ chechii wiisacheyihtamukupane kaye anit chechii uhchi chisteyihtaakusit.”

John 13:15

Chichii waapahtiitinaawaau taan chechii ishi chischinuwaapamiyekw an taan kaa ihtuutaatakuch.

John 16:33

Chichii wiihtamaatinaawaau uu chechii uhchi ayaayekw chiyaameyihtamuwin anite niya e ihtaayaan. Chikaa nanekaateyimuhiikunaawaau utah aschiihch. Suuhk wii suuhchitehekw, wesh shaash nichii shaakuuchihaau an kaa tipeyimaat aniyuu aweyuu ekaa kaa aapateyimaayich Chishemanituu.”

ᐊᐸᔅᑕᓚᒡ 14:22

Ekut anit kaa ayimihaatwaau aniyuu aweyuu kaa taapweyimaayich Jesus e siihchimaatwaau chechii memechiminimiyich utaapwehtamuwiniyuu. Chii iteuch kaye e nituweyihtaakuniyich awen chechii nachishkahk nanaahkuu chekwaayuuh e aayimaniyikwaau ekw maak chechii piihchet Chishemanituu uchisheuchimaawinihch.

ᐊᐸᔅᑕᓚᒡ 17:3

E itashteyich yaaitei e chii nituweyihtaakusiyich chechii nanehkachihaakanuyich Christ, kaye kaau chechii wanishkaayich nipuwinihch uhchi. Chii iteu maak aniyuu iinuuh, “Uu Jesus kaa aayimuumak, eukw uu Christ, Chishemanituu kaa pechi itishahukut.”

ᐊᐸᔅᑕᓚᒡ 9:16

Wesh niya nika waapahtiyaau taan che ishi nanehkaateyimut niya uhchi,” chii itikuu Utipeyihchikeu Ananias.

Romans 8:29

Wesh niyaakan chii chischeyimeu Chishemanituu aweyuu che utiiniimit, eukun maak uyuuh kaa wiyaapamaat che nispitawaayich Ukusisa. Eukw uyuu kaa ihtit Chishemanituu niishtamuushaan chechii ihtaayich Ukusisa anit mekwesiinuu e mihchetiyich wiichishaanimaauh.

1 Corinthians 11:1

Uu kaa ishi waapamiyekw e ishi pimaatisiyaan e kweskaatisiyaan, ekun kaye chiyawaau ishi pimaatisiikw.

Ephesians 5:2

Saachihaahkuch awenichii, mwehch taan kaa ishpish saachihiitahkw Christ. Kaa pachishtinahk upimaatisiiwin chiyaanuu uhchi muyaam e wiihchimaasteyich pachishtinichewiniyuu ekw maak machishtawehamaawiniyuu ekun kaa iteyihtamihiikuyich Chishemanituu. Chii naheyihtamihiikuyuuh maak.

Philippians 2:5

Taan kaa ishi maamituneyihtahk Christ ekun kaye chiyaanuu chipaa ishi maamituneyihtenaanuu.

1 Thessalonians 3:3

ekaa waach peyakw e tashiyekw chechii chiiwekaapuuyekw an e nanehkaachihiikuyekw Christ uhchi. Chiyawaau niyaanitam chichischeyihtenaawaau ekun kaye kaa ishi wiyeyihtahk Chishemanituu, chechii nanehkaachihiikuuhkw e nuushuushkuumahkw Jesus.

1 Thessalonians 4:2

Wesh chichischeyihtenaawaau taan kaa itashumitaahch che ishi pimaatisiyekw, Utipeyihchikeu Jesus Christ e chii wiihtamaakuyaahch taan che ititaahch.

2 Timothy 3:12

Ehe, taapwe, misiwe awen kuiskw kaa wiishi pimaatisiit kaye tekash kaa pachishtinisut e wiichewaat Christ Jesus, kata ihtakuniyuu taan che ishi nanehkaachihaakanuut,

Hebrews 2:10

Chii ishinaakuniikupane taapwe chechii nanehkaachihaakanuut Jesus, wesh aniyuu e chii nanehkaateyimut ekut kaa uhchi ihtuutaakut Chishemanituu tekash chechii tepicheyihtaakusit chechii wepeyihtamaachet. Chishemanituu, an misiwe chekwaayuuh kaa ushihtaat kaye kaa ihtuutahk muush chechii ihtakuniyikwaauh, chii pachishtineu Jesus chechii nanehkaachihaakanuyich wesh chii nituweyimeu ukusisa kaa mihchetiyich chechii chischeyihtamiyich taan e iteyihtaakuniyich uchisteyihtaakusuwin. Jesus eukw wiyaapahtiyaat aweyuu taanite chechii uhchi pimaachihuyich.

1 Peter 1:20

Eshkw ekaa uhchi ushihtaakanuuhch uu aschii shaash Chishemanituuh chii wiyaapamikuu Christ uyuu che ihtuutahk. Ekw maak uyuu e ati maahchishtai chiishikaakwaauh chiyawaau uhchi wehchi nuukuhaakanuut.

1 Peter 2:24

Wiya tipiiwe wiiyuuhch chii ishi utinam chimachihtwaawinuuh kaa chiistaaskuhwaakanuut aashiteyaahtikuhch, miiskuch chiyaanuu ekaa chechii piihchishkaakuyihkw machihtwaawin. Chii ihtuutam chimachihtwaawinuuh chechii ati ishinaakusuuhkw muyaam e nipiikw machihtwaawinihch ishi ekw maak kuiskutaatisiiwinihch chechii ishi pimaatisiyuuhkw. Aniyuu taan kaa ishi papasistehwaakanuut ekut kaa uhchi miinuwaatisiyuuhkw.

1 Peter 3:18

Wesh Christ peyakwaau chichii nipistamaakunuu machihtwaawinihch uhchi chechii uhchi peshiitahkw Chishemanituu e ihtaayich. An kaa kuiskutaatisiit chii nipistamuweu aniyuu ekaa kaa kuiskutaatisiyich. Taapwe kiipaa muhch chii nipahtaakanuuyuu wiiyuu mikw maak chii ihtuutawaakanuuyuu utahchaahkuwa yaapach chechii pimaatisiyich.

1 Peter 3:9

Ekaawii yaaitei wii taapishtaa awen e wanituutaask maak e mamaayeyimisk. Yaapach uste miyutuutamuu kaye ayimihchike chechii shaweyimikut Chishemanituu wesh eukw uu kaa ishi wiyaapihtaakanuuhch chipimaatisiiwin chechii ishinaakuhch. Ekut chechii uhchi aanische miikawiyin shaweyihchichewin.

1 Peter 4:1

Christ maak e chii waawiisacheyihtahk wiyaasuwinihch mekwaach utah aschiihch kaa pimaatisiit kaye chiyawaau ekun chipaa ishi maamituneyihtamihiikunaawaau chechii ishi ayeskuwiishtamekw, wesh an awen kaa waawiisacheyihtamihaakanuut wiyaasuwinihch puunihtaau machaatisiiwiniyuu.

1 Peter 4:13

Teyakuch chipaa miywaatenaawaau e wiichihiiweyekw taan kaa ishi waawiisacheyihtamihaakanuut Christ, ekw maak che saakaschineshkaakuyekw miywaatamuwin iskutak pechi nuukuhtaakanuyiche uchisteyihtaakusuwin.

1 John 2:6

An awen kaa itwet e wiichewaat Chishemanituuh mwehch Jesus Christ taan kaa ishi pimuhteyich chipaa ishi pimuhteu.

1 John 3:16

Christ tekash kaa pachishteyimut chechii nipistamaatahkw ekut kaa uhchi chischeyihtamihiitahkw saachihiiwewiniyuu. Ekw maak kaye chiyaanuu netuweyihtaakusiihkw chechii pachishteyimitisuyihkw chiichishaanuuch chechii wiichihiihkwaau.

Revelation 12:11

Mikw maak Chishemanituuh utiiniimiyuuh chii shaakuuchihiikuu aniyuu uhchi Maanishchaanisha umihkuyuu, kaye maak aniyuu e waawiihtamiyich Chishemanituu umiywaachimuwiniyuu. Namui uhchi saachihtaauch upimaatisiiwinawaauh chechii nipahaakanuutwaau.