1 Peter 2:20 - Chishemanituu Utayimuwin: Kaa Uskaach Testament

²⁰ Wesh taapaa chekwaan chiwiichihiikuun e waweshihiikuyin e chii machituutaman. Mikw maak Chishemanituu chika naheyihtamihaau, nanehkaachihiikuyine e chii miyutuutaman uhchi.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²⁰ ᐌᔥ ᑖᐹ ᒉᒀᓐ ᒋᐐᒋᐦᐄᑰᓐ ᐁ ᐗᐌᔑᐦᐄᑯᔨᓐ ᐁ ᒌ ᒪᒋᑑᑕᒪᓐ᙮ ᒥᒄ ᒫᒃ ᒋᔐᒪᓂᑑ ᒋᑲ ᓇᐦᐁᔨᐦᑕᒥᐦᐋᐤ, ᓇᓀᐦᑳᒋᐦᐄᑯᔨᓀ ᐁ ᒌ ᒥᔪᑑᑕᒪᓐ ᐅᐦᒋ᙮

1 Peter 2:20 Iomraidhean Croise

Matthew 26:67

Chii sihkwaateuch utaashtamihkuyich eyuu chii utaamuhweuch kaye chii utitaamuhkwehweuch,

Matthew 5:47

Kaye maak mikw chiwiichewaakanich ayimihiitwaawenich, chekwaan e ihtuutaman anit uhchi ekaa ihtuutahkwaau kutakach awenich. Wesh misiwaach ekun e ihtitwaau anichii ekaa kaa taapweyimaatwaau Chishemanituu.

Mark 14:65

Pasch maak chii shihkwaateuch kaye chii akunaahkwehweuch ekw kaa wautaamuhkwehwaatwaau e itaatwaau, “Awen kaa utaamuhuusk chititeyihten.” Mechim aniyuuh kaa maakunawesiyich kaa naanaakachihtaayich aniyuu waaskaahiikaniyuu chii utataamuhukuu aniyuu e ati chistuhtahiikut.

Luke 6:32

“Chekwaan aa naashch chipaa ishinaakun mikw anichii awenichii kaa saachihiiskwaau saachihiitwaau, wesh ekun e ihtitwaau kaye wiyawaau umachihtwaauch mikw aniyuu aweyuu kaa saachihiikutwaau saachiheuch.

1 Corinthians 4:11

Waawaach kaye mekwaach anuhchiish niyaanikutehch nisiiweyinaan. Niyaanikutehch nipaakutaahtenaan. Niyaanikutehch namui mitun chii ishinaakun nichekwaaniminaanh. Naashch niwii ihtuutaakunaan kaye maanh. Kaye namui ihtakun taanite chechii wiichiyaahch.

Galatians 4:18

Taapwe kiipaa miywaayuu suuhk e kuchihtaat awen chechii wiichihaat aweyuuh, taapwe maamuyaam waa ishi wiichihaakwe. Miywaau taan e ishi muush miyu wiichihekw awen aat ekaa ihtaayaan anit e ihtaayekw.

Ephesians 5:10

Muush wii naanituu chischeyihtamukw taan e ishi nitaweyimitaakw Chishemanituu chechii ishi pimaatisiiwekw. Che chischeyihtamekw maak taanite chechii uhchi nanihiiwehekw.

Philippians 4:18

Ekut uu waahtamaatakuch shaash misiwe e chii miskamaan an kaa ishi pechi wiichihiyekw. Shaash paashich nit ishpish ayaan taan kaa ishi nuuhtepayaan. Ekw maak misiwe e ayaayaan taan kaa ishi nuuhtepayaan Epaphroditus e chii petuut aniyuuh chimiiwewinawaauh. Uu kaa ishi miyekw naashch e miywaashich pachishtinichewin ishi kanawaapahtam Chishemanituu kaye naashch naheyihtamihiikuu.

1 Peter 2:19

Chishemanituu chika naheyihtamihaau siipiiwesiistamane sheshkwaaht e wiisacheyihtamihiikuyin e chischeyihtaman eukw uyuu Chishemanituu utiteyihtamuwin.

1 Peter 3:14

Aat ishinaakuhch chechii nanehkaachihiikuyekw e kuiskutaatisiyekw uhchi, chika shaweyimikuwaau Chishemanituu. Ekaawii kakushtaahkuch wiyesh e wii ihtuutaataakuch awenichii, ekaawii chika uhchi mukushkaateyihtenaawaau,

1 Peter 3:17

Nanehkaateyimuyine an uhchi e miyutuutaman, Chishemanituu maak e pachishtinahk uyuu chechii ispayuut, uste miywaau e nanehkaateyimuyin e miyutuutaman ishpish wii chechii nanehkaateyimuyin e machituutaman.