1 Peter 2:2 - Chishemanituu Utayimuwin: Kaa Uskaach Testament

² Muush etituu chipaa nitaweyihtamuwaanaawaau Chishemanituu utayimuwin. Wesh naashch taapwe payehcheyihtaakuniyuu. Kaye maak ekut che uhchi miyu nihtaauchiyekw kaye eukun che kanuweyimikuyekw e pimaachihuyekw. Muyaam awaash e uschinihtaauchit muush e nituweyimaat chuuchuushinaapui chechii uhchi nihtaauchit ekun chipaa ishinaakusinaawaau e nituweyihtamuwekw Chishemanituu utayimuwin chechii uhchi nihtaauchiyekw anite chitahchaahkuwaahch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒨᔥ ᐁᑎᑑ ᒋᐹ ᓂᑕᐌᔨᐦᑕᒧᐙᓈᐙᐤ ᒋᔐᒪᓂᑑ ᐅᑕᔨᒧᐎᓐ᙮ ᐌᔥ ᓈᔥᒡ ᑖᐺ ᐸᔦᐦᒉᔨᐦᑖᑯᓂᔫ᙮ ᑲᔦ ᒫᒃ ᐁᑯᑦ ᒉ ᐅᐦᒋ ᒥᔪ ᓂᐦᑖᐅᒋᔦᒄ ᑲᔦ ᐁᐅᑯᓐ ᒉ ᑲᓄᐌᔨᒥᑯᔦᒄ ᐁ ᐱᒫᒋᐦᐅᔦᒄ᙮ ᒧᔮᒻ ᐊᐙᔥ ᐁ ᐅᔅᒋᓂᐦᑖᐅᒋᑦ ᒨᔥ ᐁ ᓂᑐᐌᔨᒫᑦ ᒎᒎᔑᓈᐳᐃ ᒉᒌ ᐅᐦᒋ ᓂᐦᑖᐅᒋᑦ ᐁᑯᓐ ᒋᐹ ᐃᔑᓈᑯᓯᓈᐙᐤ ᐁ ᓂᑐᐌᔨᐦᑕᒧᐌᒄ ᒋᔐᒪᓂᑑ ᐅᑕᔨᒧᐎᓐ ᒉᒌ ᐅᐦᒋ ᓂᐦᑖᐅᒋᔦᒄ ᐊᓂᑌ ᒋᑕᐦᒑᐦᑯᐙᐦᒡ᙮

1 Peter 2:2 Iomraidhean Croise

Matthew 18:3

Ekw kaa itwet, “Taapwe chiwiihtamaatinaawaau, chiishpin ekaa kweskaatisiyekwe ekaa iteyihtaakusiyekwe muyaam awaash e iteyihtaakusit, namui wiiskaat chika chii piihchenaawaau kihchikiishikw chisheuchimaawinihch.

Matthew 19:14

Ekw Jesus kaa itaat, “Pachishtinaahkuch awaashach chechii pechi naasitwaau ekaawii uhchi chistahamuwaahkuch, wesh uyuu kaa iteyihtaakusitwaau awenich kihchikiishikw uchimaawinihch ishi tipeyihtaakusuuch.”

Mark 10:15

Chihchiwe chititinaawaau, michihpin awen ekaa che taapweucheyihtamuwaakwe Chishemanituuh uchimaawiniyuu e ishi taapweucheyihtamiyich awaasha namui kata chii piihcheu taanite wechimaawiyich Chishemanituu.”

Luke 18:17

Taapwe chiwiihtamaatinaawaau, mwehch e ishi taapwehtahk awaash taan e ishi wiihtamuwaakanuut eukun kaye chiyawaau chipaa ishi taapwehtenaawaau taan e ishi wiihtamaakuyekw Chishemanituu chisheuchimaawin ekw maak chechii piihcheyekw anite.”

Romans 6:4

Ekun maak wehch ishinaakuhch kaa siikahaahtaakuyihkw mwehch kaye chiyaanuu e chii nahiihkaakuyihkw kaa nahiihkuwaakanuut kaye kaa nipahaakanuut chiyaanuu kaye chichii nipahiikunaanuu. Uu maak wehchii ishinaakuhch eukw mitun chechii uscheyihtaakuhch taan e ishi pimaatisiihkw mwehch kaa ishpish tekash uscheyihtaakuniyich Christ upimaatisiiwin kaa wanishkaanikut Uhtaawimaau uchisteyihtaakusuu suuhkaatisiiwiniihch uhchi.

1 Corinthians 14:20

Niichishaanitikw, ekaawii awaashiyuu maamituneyihtamukw. Mwehch apishtawaashach e iteyihtaakusitwaau ekaa chischeyihtahkwaau e iteyihtaakuniyich machituutamuwiniyuu ekun mwehch kaye chiyawaau chipaa iteyihtaakusinaawaau. Mwehch awen shaash e chiishi nihtaauchit ekun chipaa ishi maamituneyihtenaawaau.

Ephesians 2:21

wesh wiya ihtuutaweu wetaach chechii ati yaaichikaapuyich misiwe aniyuuh kaa taapweyimikut kaye chechii ati payehchisiyich Utipeyihchikeu ishi e ihtaayich, muyaam chisheayimiheukamikw e wiikaapuuhtaakanuuhch chechii ishinaakusiyich.

Ephesians 4:15

Teyakuch maak, saachihiiwewin e nuukuhtaayihkw e wiihtamuhkw taapwewin, tekash chipaa ishi miyu nihtaauchinaanuu Christ e ihtaat ishi, wiya e niikaanishkuwaat umaamuuayimihaauh.

2 Thessalonians 1:3

Niichishaanaanich, iteyihtaakun muush chechii nanaaskumachiht Chishemanituu chiyawaau uhchi wesh etituu chit ati taapweucheyimaawaau Christ kaye maak wetaach etituu chisaachihiitunaawaau.

1 Peter 1:23

Wesh iskutak miin e pimaatisiyekw kaa ishinaakusiyekw kaachiche pimaatisiiwin chichii miikunaawaau wesh kuutawaashiimitutaakuwaau Chishemanituu uhtaawiimaau an ekaa wiiskaat kaa puunipimaatisiit, Chishemanituu utayimuwin taan ekaa nihtaa che wanaatihch kaye ekaa nihtaa che miyaaupayihch ekut kaa uhchi ishinaakusiyekw miin e pimaatisiyekw.

2 Peter 3:18

Suuhk etituu wii ishi nihtaauchikw ushaweyihchichewinihch chitipeyihchikeminuu kaye chipimaachihiiweminuu Jesus Christ, kaye suuhk etituu wii chischeyimaahkw chipimaatisiiwiniwaahch. Wiya maak katawii chisteyihtaakuhaakanuu anuhchiish kaye kaachiche. Amen.