1 Peter 2:19 - Chishemanituu Utayimuwin: Kaa Uskaach Testament

¹⁹ Chishemanituu chika naheyihtamihaau siipiiwesiistamane sheshkwaaht e wiisacheyihtamihiikuyin e chischeyihtaman eukw uyuu Chishemanituu utiteyihtamuwin.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁹ ᒋᔐᒪᓂᑑ ᒋᑲ ᓇᐦᐁᔨᐦᑕᒥᐦᐋᐤ ᓰᐲᐌᓰᔅᑕᒪᓀ ᔐᔥᒀᐦᑦ ᐁ ᐐᓯᒉᔨᐦᑕᒥᐦᐄᑯᔨᓐ ᐁ ᒋᔅᒉᔨᐦᑕᒪᓐ ᐁᐅᒄ ᐅᔫ ᒋᔐᒪᓂᑑ ᐅᑎᑌᔨᐦᑕᒧᐎᓐ᙮

1 Peter 2:19 Iomraidhean Croise

Luke 6:32

“Chekwaan aa naashch chipaa ishinaakun mikw anichii awenichii kaa saachihiiskwaau saachihiitwaau, wesh ekun e ihtitwaau kaye wiyawaau umachihtwaauch mikw aniyuu aweyuu kaa saachihiikutwaau saachiheuch.

John 15:21

Misiwe uu kaa ishi aayimuutamaatakuch che ihtuutaataakuch niya aniyeyuu che uhchi ihtuutaataakuch wesh taapaa uhchi chischeyimeuch aniyuu kaa pechi itishahuyich.

ᐊᐸᔅᑕᓚᒡ 11:23

Iskutak maak tekushihk Barnabas anite, wiyaapahtamuwaat maak Chishemanituu taan e ishi shaweyimaayich aniyuu iinuu, chii miyeyihtam. Chii siihchimeu maak chechii yaaichikaapuyich kaye suuhk muush che wii nanihiiwehaayich Utipeyihchikeu.

Romans 13:5

Chinituweyihtaakusin chechii nanihiihtaman tipeyihchichewin. Nanihiihtah namui mikw ekaa chechii waweshihisk Chishemanituu, eukuu ihtih chechii cheshtinaahuyin taapwe kuiskw e ihtiyin.

1 Corinthians 15:10

Mikw maak Chishemanituu sehchei e miyutuutamuwaat aweyuuh ekut wehchi ishinaakusiyaan taan e ishinaakusiyaan anuhchiish. Namui maak sheshkwaaht aniyuu kaa ishi sehchei miyutuutamuut. Niya maak wii, etituu suuhk nichii aapatisin ishpishaat misiwe e tashitwaau anichii kutakach apastalach. Namayeu maak niya tipiiwe kaa ihtiyaan. Chishemanituu wiya sehchei e chii miyutuutamut wehchi ihtuutamaan uu kaa ishi aayimuutamaan.

2 Corinthians 1:12

Maau maak e ishi maamihchisiyaahch, mitun nicheshtinaahunaan muush kuiskw e chii ihtiyaahch taanite mikw kaa ati ihtaayaahch, etituu maak mekwaach anite e ihtaayekw kaa ihtaayaahch. Kaye maak muush e chii taapweucheyihtaakusiyaahch. Chishemanituu nichii miikunaan ushaweyihchichewin uu chechii ihtiyaahch. Namui niyaan nikachehtaaweyihtamuwinaahch uhchipayuu.

2 Corinthians 8:1

Niwiichewaakanitikw, chinituweyimitinaan chechii chischeyimekuch taan kaa ishi miyutuutamaakutwaau Chishemanituuh anichii umaamuuayimihaauch anite Macedonia kaa ishinihkaateyich aschiiyuu kaa ihtaatwaau.

2 Timothy 1:12

Eukw maak uu niyaanikutehch wehch nanehkaateyimuyaan, mikw maak namui ihtakun taan chechii ishi pimaamishiitutamaan uu miywaachimuwin, wesh nichischeyimaau an awen kaa taapweyimak kaye maak mitun nicheshtinaateyihten chechii miyu kanuweyihtahk aniyuu taan kaa ishi pachishteyihtamuuk paatish utihchipayiyiche aniyuu e chiishikaayich miin che takushihk.

Hebrews 10:2

Chiishpin anichii kaa nuuchiishtuwaatwaau Chishemanituu mitun tekash chii payehchihaakanuwaakupanenich kaa wepeyihtamuwaakanuutwaau umachihtwaawinawaauh, namui chipaa uhchi mukushkaateyihtamihiikuuch umachihtwaawinawaauh wesh shaash chii wepeyihtamuwaakanuuch. Ekw maak namui chipaa uhchi nitaweyihtaakusuuch tasine chechii machishtawehamaatwaau awesiisa e chii nipahaakanuyich.

1 Peter 2:20

Wesh taapaa chekwaan chiwiichihiikuun e waweshihiikuyin e chii machituutaman. Mikw maak Chishemanituu chika naheyihtamihaau, nanehkaachihiikuyine e chii miyutuutaman uhchi.

1 Peter 4:15

Ekaawii maak awen anit e tashiyekw chika uhchi nanehkaateyimuu aniyuu uhchi e nipahiiwet, maak e chimutiskuukwe, maak e machiinuut, maak aniyuu uhchi e utamiit kutak aweyuuh e ihtaayich.