1 Peter 2:17 - Chishemanituu Utayimuwin: Kaa Uskaach Testament

¹⁷ Misiwe awen chisteyimaahkw. Saachihaahkuch misiwe anichii kaa wiichishaaniyekw Chishemanituu ishi e ihtaat, nanihchiishtuwaakw Chishemanituu, chisteyimaahkw chisheuchimaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᒥᓯᐌ ᐊᐌᓐ ᒋᔅᑌᔨᒫᐦᒄ᙮ ᓵᒋᐦᐋᐦᑯᒡ ᒥᓯᐌ ᐊᓂᒌ ᑳ ᐐᒋᔖᓂᔦᒄ ᒋᔐᒪᓂᑑ ᐃᔑ ᐁ ᐃᐦᑖᑦ, ᓇᓂᐦᒌᔥᑐᐙᒄ ᒋᔐᒪᓂᑑ, ᒋᔅᑌᔨᒫᐦᒄ ᒋᔐᐅᒋᒫᐤ᙮

1 Peter 2:17 Iomraidhean Croise

Matthew 22:21

Ekw kaa itikut, “Rome chisheuchimaau Caesar aniyuu utaashtamuhkw kaye wiya anit masinaasuu.” Ekw Jesus kaa itaat, “Miyaahkw chisheuchimaau Caesar taan aniyuuh wiya tepiyeusiit, kaye maak miyaahkw Chishemanituu taan aniyuuh wiya tepiyeusiit.”

John 13:35

Saachihiituyekwe maak ekut che uhchi chischeyimakuyekw e uchischinuhamuwaakanitutaatakuch.”

Romans 12:10

Saachihiitukw wesh misiwe chiwiichishaanihtunaawaau. Chisteyimitukw chitehiiwaahch.

Romans 13:7

Taan mikw e ishi ihtakunikwe shuuliyaayuu e nituweyihtaakusiyin chechii chiishiihkaman chiishiihka. Taan e ishi nituweyihtaakusuune chechii chisteyimatwaau anichii tipeyihchewinihch kaa ishi aapatisitwaau chisteyimach.

2 Corinthians 7:1

Niwiichewaakanitikw, misiwe taan kaa itwet Chishemanituu cheshtinaash che ihtuutamaatahkw taapwe kata ihtuutam. Payehchihiisutaau maak ekaa mitun chechii ihtakuhch machihtwaawin chiiyuunaahch kaye chitahchaahkunaahch. Wesh ekut e nuuhkuhtaayihkw e nanihchiishtuuhkw Chishemanituu tekash e pachishteyimisuyihkw chechii atushkuukw.

Ephesians 5:21

Pachishteyimitisuustaatikw Christ e chisteyimekw uhchi.

Philippians 2:3

Namui chipaa uhchi ihtuuten chekwaan mikw chiya e maamituneyimisuyin. Maak mikw chechii uhchi mamiywaachimikuyin. Tipihteyimisukw, uste kutakach awenichii e iteyimekuch.

1 Timothy 6:1

Chiyawaau aapachihaakanitikw kaa taapwehtamekw chishteyimaahkuch kuuchimaamuwaauch ekaa nitawiin chechii ishi aayimuuteyich Chishemanituu utishinihkaasun kaye maak uu e ishi chiskutamaacheyaahch.

Hebrews 13:1

Niichishaanitikw, muush kanawach saachihiitukw.

1 Peter 1:22

E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

1 Peter 2:13

Nanihiihtamukw misiwe aschiiyuu tipeyihchewin. Utipeyihchikeu ihtuutamuwaahkw uyuu. Nanihiihtuwaahkw chisheuchimaau kaye nanihiihtuumh misiwe utaapachihaakan, wesh eukw uchii naakaanapitwaau.

1 Peter 5:5

Ekw maak chiyawaau kaa uschipimaatisiyekw chipaa nanihiihtuwaawauch anichii kaa wiichihiiwetwaau e pimipayihtaakanuyich ayimiheukamikuyuu. Misiwe maak e tashiyekw chipaa atushkaatunaawaau e tipihteyimitisuyekw wesh itashteyuu Chishemanituu utayimuwin, Chishemanituu namui nahaapameu aniyuu chihchiwe kaa iteyimisuyich, ekw aniyuu kaa tipihteyimisuyich chishewaatutaweu.