1 Peter 2:15 - Chishemanituu Utayimuwin: Kaa Uskaach Testament

¹⁵ Wesh eukw uyuu Chishemanituu utiteyihtamuwin, naashch chechii miyunaakuhkwaau chipimaatisiiwinawaau ekaa mitun nitamukw chechii ishi aayimuutahkwaau miywaachimuwiniyuu anichii ekaa kaa chischeyihtahkwaau taan e ishi chiishkwe ayimitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁵ ᐌᔥ ᐁᐅᒄ ᐅᔫ ᒋᔐᒪᓂᑑ ᐅᑎᑌᔨᐦᑕᒧᐎᓐ, ᓈᔥᒡ ᒉᒌ ᒥᔪᓈᑯᐦᒀᐤ ᒋᐱᒫᑎᓰᐎᓇᐙᐤ ᐁᑳ ᒥᑐᓐ ᓂᑕᒧᒄ ᒉᒌ ᐃᔑ ᐋᔨᒨᑕᐦᒀᐤ ᒥᔻᒋᒧᐎᓂᔫ ᐊᓂᒌ ᐁᑳ ᑳ ᒋᔅᒉᔨᐦᑕᐦᒀᐤ ᑖᓐ ᐁ ᐃᔑ ᒌᔥᑴ ᐊᔨᒥᑣᐤ᙮

1 Peter 2:15 Iomraidhean Croise

Matthew 25:2

Niyaain maak uchii namui naashch uhchi iipwaahkaauch, ekw anichii kutakach niyaain chii iipwaahkaauch wiyawaau.

Matthew 7:26

“Ekw awen kaa nituhtahk taan aniyuuh e iteuch ekaa maak kaa ihtuutahk mwehch awen ekaa kaa nisitweyihtahk anite yekaahch kaa wiikaapuuhtaat uwaaskaahiikanim ekun e ishinaakusit.”

Romans 1:21

Wesh maau kaa ishinaakuhch. Chii chischeyihtamuch taapwe e ihtaayich Chishemanituu, mikw namui uhchi wii chisteyimeuch taan chipaa ishi chisteyimeuch kaye namui uhchi wii nanaaskumeuch. Uyuu e ihtitwaau namui papaaspine uhchi iteyihtaakuniyuu taan kaa iteyihtahkwaau e iteyihtaakusiyich Chishemanituuh ekw maak namui mitun kuiskw uhchi ishi kanawaapahtamuch chekwaayuu.

Galatians 3:1

Chiyawaau kaa taapwehtamekw Galatia aschiihch kaa ihtaayekw nuwach ekaa kaa iteyihtamekw. Awen wesaa kaa ishi wiyeshimitaakw. Naashch yaakwaau chichii wiihtamaatinaawaau Jesus Christ e chii chiistaaskuhwaakanuut ashiteyaahtikuhch.

1 Thessalonians 4:3

Wesh Chishemanituu aniyuu utiteyihtamuwin chechii payehchisiiwekw kaye ekaa mitun wiinisuwaatisiwin chechii ihtakuhch chipimaatisiiwiniwaahch.

1 Thessalonians 5:18

Mikw taan che ispayuwekwe muush nanaaskumukw. Wesh eukw uyuu e ishi pukuseyimitaakw Chishemanituu chechii ihtuwekw e wiicheumekw Christ Jesus.

1 Timothy 1:13

aat naashch e chii aahkwaateyihtaakusuuch nanaahkuu e chii ishi mamaayeyimak kaye e chii papaashtaamak kaye e chii nanehkaachihiik. Mikw maak yaapach nichii chistimaacheyimikw wesh an kaa ishpish chii aanuwehtamaan namui nuuhchi chischeyihten taan nihaau kaa ihtiyaan.

Titus 2:8

Kuiskw ishi ayimh, ekw maak anichii kaa aataweyimiskwaau namui chika uhchi miskamuch taan chechii ishi nitawiin itaachimitahkwaau ekw maak che shaakweyimuhiisutwaau.

Titus 3:3

Wesh kaye chiyaanuu peyakwaau chichii chiishkwepimaatisiinaanuu, namui chuuhchi nanihiihtuwaanuu Chishemanituu, chichii wiyeshihiikunaanuu kaye chichii shaakuuchihiikunaanuu nanaahkuu machi nituweyihtamuwinh kaye machi miyeyihtamuwinh. Pisikw chichii machaatisiinaanuu kaye chichii uhteyimaanuuch awenichii. Chichii uhkaataanuuch awenich kaye wiyawaau maak chichii uhkaateyimikunuuch.

1 Peter 2:12

Suuhk wii kuiskupimaatisiikw mekwesiinuu anichii ekaa kaa taapwehtahkwaau e ihtaatwaau. Ekut chechii nisituunahkwaau chimiyuutuutamuwinawaau ekw maak che maamihchimaatwaau Chishemanituu iskutak takushiniyichen. Ekun che ihtitwaau aat anuhchiish nitamukw e ishi mamishimitaakuch mwehch e machituutamuwekw.

1 Peter 3:16

Suuhk muush kuiskw wii ishi pimaatisiikw mitun chechii cheshtinaahuyekw ekaa machituutamekw. Uu ishinaakusiyekwe ekut che uhchi papimaameyimutwaau anichii kaa maayeyimitaakuch, anichii kaa machaayimuumitaakuch e kuiskupimaatisiiwekw Christ e nuushuushkuumekw.

1 Peter 3:17

Nanehkaateyimuyine an uhchi e miyutuutaman, Chishemanituu maak e pachishtinahk uyuu chechii ispayuut, uste miywaau e nanehkaateyimuyin e miyutuutaman ishpish wii chechii nanehkaateyimuyin e machituutaman.

1 Peter 4:2

Ekw maak taan eshkw che ishpish pimaatisiikwe utah aschiihch namui ekw chipaa uhchi tipeyimikuu wiya taan e ishi mushteneyihtahk tipiiwe chechii itaatisiit maak uste Chishemanituu taan e ishi nituweyimikut eukw aniyuu chipaa wii nanaakatuweyihtamihiikuu chechii ihtuutahk.

2 Peter 2:12

Mikw waa ihtitwaau ihtuuch awesiisach. Uchii maak naspaach chiskutamaachesuuch ekun mwehch e iteyihtaakusitwaau kaye wiyawaau. Mamachaayimuutamuch aniyuuh chekwaayuuh ekaa kaa nanesituhtahkwaau. Mwehch maak kaa ishihaakanuut kutak awesiis mikw chechii kaahchitinaakanuut kaye chechii nipahaakanuut ekun mwehch e ishinaakuniyich taan che ishi waweshihaakanuutwaau uchii naspaach chiskutamaachesuuch.

Jude 1:10

Uchii maak wii naapeuch, mikw ishi maayeyihtamuch chekwaayuu ekaa nisituhtahkwaau. Mwehch awesiisah mikw waa ihtiyich e ihtiyich ekun e ihtitwaau uchii naapeuch. Namui maamituneyihtamihiikuuch kuiskw e ihtuwaakwenich, eukw maak uyuu wenaachihiikutwaau.