1 Peter 2:13 - Chishemanituu Utayimuwin: Kaa Uskaach Testament

¹³ Nanihiihtamukw misiwe aschiiyuu tipeyihchewin. Utipeyihchikeu ihtuutamuwaahkw uyuu. Nanihiihtuwaahkw chisheuchimaau kaye nanihiihtuumh misiwe utaapachihaakan, wesh eukw uchii naakaanapitwaau.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᓇᓂᐦᐄᐦᑕᒧᒄ ᒥᓯᐌ ᐊᔅᒌᔫ ᑎᐯᔨᐦᒉᐎᓐ᙮ ᐅᑎᐯᔨᐦᒋᑫᐤ ᐃᐦᑑᑕᒧᐙᐦᒄ ᐅᔫ᙮ ᓇᓂᐦᐄᐦᑐᐙᐦᒄ ᒋᔐᐅᒋᒫᐤ ᑲᔦ ᓇᓂᐦᐄᐦᑑᒻᐦ ᒥᓯᐌ ᐅᑖᐸᒋᐦᐋᑲᓐ, ᐌᔥ ᐁᐅᒄ ᐅᒌ ᓈᑳᓇᐱᑣᐤ᙮

1 Peter 2:13 Iomraidhean Croise

Matthew 22:21

Ekw kaa itikut, “Rome chisheuchimaau Caesar aniyuu utaashtamuhkw kaye wiya anit masinaasuu.” Ekw Jesus kaa itaat, “Miyaahkw chisheuchimaau Caesar taan aniyuuh wiya tepiyeusiit, kaye maak miyaahkw Chishemanituu taan aniyuuh wiya tepiyeusiit.”

Mark 12:17

Jesus chii iteu, “Miyaahkw chisheuchimaau Caesar taan aniyuuh wiya tepiyeusiit, kaye maak miyaahkw Chishemanituu taan aniyuu wiya tepiyeusiit.” Nuwach maak chii maamishkaashtuweuch uyuu kaa ishi ayimihiikutwaau.

Luke 20:25

Jesus chii iteu, “Miyaahkw chisheuchimaau Caesar taan aniyuu wiya tepiyeusiit, kaye maak miyaahkw Chishemanituu taan aniyuu wiya tepiyeusiit.”

Ephesians 5:21

Pachishteyimitisuustaatikw Christ e chisteyimekw uhchi.

Titus 3:1

Chischisuumach chitiiniimach chechii nituhtawaatwaau aniyuu kaa uchimaamitwaau kaye chechii nanihiihtawaatwaau aniyuu kaa chisheuchimaau aapatisiyich kaye muush chechii ayeskuwiitwaau chechii aapatisiihkahtahkwaau kuiskw e ishinaakuniyich atushchewiniyuu.

1 Peter 2:17

Misiwe awen chisteyimaahkw. Saachihaahkuch misiwe anichii kaa wiichishaaniyekw Chishemanituu ishi e ihtaat, nanihchiishtuwaakw Chishemanituu, chisteyimaahkw chisheuchimaau.

2 Peter 2:10

Etituu maak cheshtinaateyihtaakuniyuu che wiyaaskunaakanuutwaau anichii mikw e ishi machi nitaweyihtamuumakaniyikwaau uwiiyaasu pimaatisiiwinawaau kaa ishi nuuspinitahkwaau, anichii kaa uhkaateyihtahkwaau tipeyihchichewiniyuu. Naasch taapwe suuhchimaayeyihcheuch eukunich uchii, namui mitun nanaakataweyimeuch taan e itaatwaau maak taan e ihtuutawaatwaau aweyuu e maayeyimaatwaau. Namui neshta sechisuuch chechii machi aayimuutahkwaau chisteyihtaakusuwiniyuu. Taapaa mechim nakaawiyuuch chechii maayeyimaatwaau aniyuu aweyuuh uchimaawiniyuu kaa ayaayich.