1 Peter 2:11 - Chishemanituu Utayimuwin: Kaa Uskaach Testament

¹¹ Niwiichewaakanitikw kaa saachihiitakuch, mikw wesin chimaaniteunaawaau kaye mikw chipapaa ihtaanaawaau utah aschiihch. Eukw maak uu wehchi wii siihchimitakuch tekash ekaa chechii papiskaateyihtamihiikuyekw aniyuu machi nitaweyihtamuwinh aniyuu muush miyaashihchepayihkwaau chitahchaahkuwaahch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᓂᐐᒉᐙᑲᓂᑎᒄ ᑳ ᓵᒋᐦᐄᑕᑯᒡ, ᒥᒄ ᐌᓯᓐ ᒋᒫᓂᑌᐅᓈᐙᐤ ᑲᔦ ᒥᒄ ᒋᐸᐹ ᐃᐦᑖᓈᐙᐤ ᐅᑕᐦ ᐊᔅᒌᐦᒡ᙮ ᐁᐅᒄ ᒫᒃ ᐆ ᐌᐦᒋ ᐐ ᓰᐦᒋᒥᑕᑯᒡ ᑌᑲᔥ ᐁᑳ ᒉᒌ ᐸᐱᔅᑳᑌᔨᐦᑕᒥᐦᐄᑯᔦᒄ ᐊᓂᔫ ᒪᒋ ᓂᑕᐌᔨᐦᑕᒧᐎᓐᐦ ᐊᓂᔫ ᒨᔥ ᒥᔮᔑᐦᒉᐸᔨᐦᒀᐤ ᒋᑕᐦᒑᐦᑯᐙᐦᒡ᙮

1 Peter 2:11 Iomraidhean Croise

Luke 21:34

“Yaakwaamiikw taan e ishi pimaatisiyekw. Ekaawii utamihiisukw pisikw chechii minihkweyekw maak pisikw chechii miichisuyekw maak pisikw chechii aayimeyihtamekw taan e ishi pimaatisiinaanuuhch, wesh eukw e ihtitwaau kutakach awenichii. An ihtiyekwe chika chii ishinaakun sischikuuch chechii takushiniyaan mekwaach anit ekaa iteyihtamekwe. An maak sischikuuch takushiniyaane, muyaam nakwaakan ekaa peshuweyihtahk awesiis che nakwaasut eukun che iteyihtaakuhch.

ᐊᐸᔅᑕᓚᒡ 15:20

Chipaa masinahamuwaanuuch uchii e wiihtamuuhkwaau uyuu chechii ishi naanaakatuweyihtahkwaau. Ekaa chechii muwaatwaau awesiisa e chii machishtawehamuwaakanuyich manituuhkaan, kaye awesiisa e chii chiputaamaapahkaataakanuyich maak kaye mihkuyuu chechii miichitwaau kaye maak ekaa wiinisuwinich chechii ishi pimaatisiitwaau.

ᐊᐸᔅᑕᓚᒡ 15:29

Ekaa chechii muwekw awesiis e chii machishtawehamuwaakanuut manituuhkaan, ekaa chechii miichiyekw mihkw kaye ekaa chechii muwekuch anichii awesiisach e chii chiputaamaapahkaataakanuutwaau kaye ekaa wiinisuwinich chechii ishi pimaatisiyekw. Chika miyupayinaawaau ihtuutamekwe uu kaa itashumitaahch. Chiwaachiyemitinaan maak misiwe e tashiyekw.”

Romans 12:1

Aniyuu e ishpish mishaayich Chishemanituu uchishewaatisiiwin, chinituweyimitinaawaau, niichishaanitikw, chechii pachishteyihtamuwekw Chishemanituu chipimaatisiiwinawaauh muyaam e pimaatahkwaauh miiwewinh e ishinaakuhkwaauh, e payehkahkwaau kaye e naheyihtamihiikut Chishemanituu. Eukw chipaa ihtinaawaau chihchiwe chechii ishi nuuchiishtuwekw Chishemanituu.

Romans 7:23

Ekw mikw maau e ishi waapahtamaan muush e wii ispayaan. Ihtakun e ishi maasihchepayihch utah e ihtaayaan, an e wii miyutuutamaan ekw maak an e wii machituutamaan maasihchepayuu. An maak muush e ihtakuhch e wii machituutamaan eukw tepeyimikuyaan.

Romans 8:13

Wesh an ishi pimaatisiine taan e ishi nituweyihtamuumakahch chiyaas chika nipin. Pachishtinate maak Kaa payehchisiit Ahchaahkw chechii wiichihiisk chechii puunihtaawat taan waa ishi wehchipayihch chechii machituutam ekw kiipaa taapwe che pimaatisiyin.

2 Corinthians 5:20

Ekw maak e ayimishtamuwachiht Christ. Chishemanituu nitaapachihiikunaan e tepwaatitaakw. Chisiihchimitinaan miin kaau chechii wiichewekw Chishemanituu mwehch Christ wiya e siihchimitaakw e ishi ayimihiitaahch.

2 Corinthians 6:1

An maak e maamuu atushkuwachiht Chishemanituu Chinitutamaatinaan ekaa chechii ishinaakusiyekw ekaa e aapateyihtamekw taan e ishi chishewaatutaataakw Chishemanituu.

2 Corinthians 7:1

Niwiichewaakanitikw, misiwe taan kaa itwet Chishemanituu cheshtinaash che ihtuutamaatahkw taapwe kata ihtuutam. Payehchihiisutaau maak ekaa mitun chechii ihtakuhch machihtwaawin chiiyuunaahch kaye chitahchaahkunaahch. Wesh ekut e nuuhkuhtaayihkw e nanihchiishtuuhkw Chishemanituu tekash e pachishteyimisuyihkw chechii atushkuukw.

Galatians 5:24

Anichii maak Jesus Christ kaa tipiyeusiitutaakutwaau shaash chii wiyeyihtamuch ekaa chechii pachishteyimitisutwaau kaau chechii ihtuutahkwaau taan waa ishi wehchipayiyich chechii ishi machi pimaatisiitwaau. Namui wii machituutamuch taan kaa ishi pechi machituutahkwaau anite ishi utaahch. Mwehch taapwe e chii asich chiistaaskutahkwaau umachaatisiiwinawaau kaye umachinituweyihtamuwinawaau aashiteyaahtikuhch ekun kaa ihtitwaau.

Ephesians 2:19

Ekw maak chiyawaau ekaa Jewa kaa itiskaanesiyekw namui ekw chimaaniteunaawaau Chishemanituu e ihtaat. Kaa taapwehtahkwaau e ihtaatwaau chit ishi masinaasunaawaau kaye chiyawaau kaye maak Chishemanituu kuutiiniimitutaakuwaau.

Ephesians 4:1

E chii papaawiihtamuch Utipeyihchikeu umiywaachimuwin ekun wehchi chipahukuyaan. Eukw maak wehchi siihchimitakuch aniyuu e ishi nitaweyimitaakw Chishemanituu chechii ishi pimaatisiiwekw chechii ishi pimaatisiyekw.

2 Timothy 2:22

Kuchihtaah ekaa chechii papiskaateyitamihiikuyin taan aniyuuh niyaanikutehch e ishi mushteneyihtahk chechii itaatisiit uschiniichuu. Uste iteyihtamihiikuh kuiskutaatisiiwin, taapwehtamuwin, saachihiiwewin kaye maak chiyaameyihtamuwin, e wiicheutwaau anichii kaa tepwaataatwaau Utipeyihchikeu chechii wiichihiikutwaau e payehkaniyikwaau utehiiwaauh.

Hebrews 11:13

Uchii maak misiwe awenichii kaa aayimuumakwaau, misiwe chii taapweyimeuch Chishemanituu piihiim kaa ati puunipimaatisiitwaau. Ekun kaa ishi puunipimaatisiitwaau eshkw e taapwehtahkwaau aniyuu taan kaa itweyich Chishemanituu taapwe che utihchipayich. Aat ekaa wiyawaau niyaanitam uhchi waapahtahkwaau chechii utihchipayich yaapach chii cheshtinaateyihtamihiikuuch che utihchipayich anite niishtamihch. Kaye chii chischeyihtamuch ekaa sehchei ishinaakuniyich aniyuu taan kaa ishi taapweyimaatwaau Chishemanituu. Kaye chii chischeyihtamuch ekaa utah aschiihch chihchiwe uhchi uhchiitwaau ekw maak wiyawaau niyaanitam chii itweuch mikw maaniteu e chii ishi kanawaapamisutwaau.

Hebrews 6:9

E saachihiitakuch wehchi uu ishi ayimihiitakuch. Chitaapweucheyimitinaawaau wesh nishituunaakun taan e itaatisiyekw taapwe e chii pimaachihuyekw.

James 4:1

Taanite wehchipayihch an e mashihiituyekw kaye e ayaasitemituyekw. Piihch anite e ihtaat awen mwehch e maasihchepayikwaauh ishinaakuniyuuh aniyuu chekwaayuu kaa mushteneyihtahk chechii naniheyihtamihiikut.

1 Peter 1:1

Niya Peter. Jesus Christ nichii wiyaapamukw kaye maak wiya nichii itishahuukw Apastal chechii ishi atushkuuk. Chiyawaau Chishemanituu utiiniimh chi masinahamaatinaawaau, chiyawaau paahpiiwe kaa ihtaayekw anite aniyuu aschiih Pontus, Galatia, Cappadocia, Asia ekw maak Bithynia kaa ishinihkaatekwaauh.

1 Peter 1:17

Suuhk maak muush chisteyimaahkw Chishemanituu wiya Nuuhtaawiinaan kaa ishinihkaatekw e ayimihaayekw. Eukw wesh uu kuiskw kaa ishi wiyaaskunaat misiwe aweyuu taan nihaau e ihtiyich. Aniyuu taan kaa ishi atushcheyich ekut wehchi wiyaaskunaat. Suuhk maak muush wii chisteyimaahkw Chishemanituu che ishkuhtaakwe chipimaatisiiwinaawaauh utah aschiihch.

1 Peter 4:12

Niichishaanitikw kaa saachihiitakuch ekaawii mamukushkaateyihtamihiikuukw taan e ishi mista aayimihch e ishi kakwechihiikawiyekw mwehch chekwaan e utihtahukuyekw e maaniteweyihtaakuhch chechii iteyihtamekw.

1 Peter 4:2

Ekw maak taan eshkw che ishpish pimaatisiikwe utah aschiihch namui ekw chipaa uhchi tipeyimikuu wiya taan e ishi mushteneyihtahk tipiiwe chechii itaatisiit maak uste Chishemanituu taan e ishi nituweyimikut eukw aniyuu chipaa wii nanaakatuweyihtamihiikuu chechii ihtuutahk.

2 Peter 3:1

Niiwiichewaakanitikw eukw uu niishwaa che masinahamaatakuch. Taapishkun anit kaa masinahamaatakuch suuhk nichii kuchihtaan chechii wiichihiitakuch chechii payehchi maamituneyihtamihiikuyekw misiwe chekwaan e chischisuumitakuch uyuu chekwaayuu.